ဟဒီးဆ်: မုအ်မင်န် အမျိုးသား၊ အမျိုးသမီးသည် မိမိတို့၏ အသက်၊ သားသမီးနှင့် ဥစ္စာပစ္စည်းများတွင် အခက်အခဲဒုက္ခစမ်းသပ်မှုများကို အမြဲတစေ ကြုံတွေ့နေရမည်ဖြစ်သည်။ နောက်ဆုံးတွင် သူသည် အလ္လာဟ်အရှင်မြတ်ထံ အပြစ်မရှိတော့သည့် အခြေအနေဖြင့် လာရောက်တွေ့ဆုံရလေသည်။

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«مَا يَزَالُ البَلاَءُ بِالمُؤْمِنِ وَالمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ».
[حسن] - [رواه الترمذي وأحمد] - [سنن الترمذي: 2399]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်။
"မုအ်မင်န် အမျိုးသား၊ အမျိုးသမီးသည် မိမိတို့၏ အသက်၊ သားသမီးနှင့် ဥစ္စာပစ္စည်းများတွင် အခက်အခဲဒုက္ခစမ်းသပ်မှုများကို အမြဲတစေ ကြုံတွေ့နေရမည်ဖြစ်သည်။ နောက်ဆုံးတွင် သူသည် အလ္လာဟ်အရှင်မြတ်ထံ အပြစ်မရှိတော့သည့် အခြေအနေဖြင့် လာရောက်တွေ့ဆုံရလေသည်။"
[ဤဟဒီးဆ်သည် ဟစန်အဆင့်ရှိသည်။] - [رواه الترمذي وأحمد] - [سنن الترمذي - 2399]

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်မှာ "မုအ်မင်န် သင်ဝင်ယုံကြည်သူ အမျိုးသား၊ အမျိုးသမီးတို့သည် ဘေးဒုက္ခများနှင့်စမ်းသပ်အမျိုးမျိုးကို အစဉ်မပြတ်ခံစားရပေသည်။ ဥပမာ မိမိတို့၏ကိုယ်ခန္ဓာတွင် နာမကျန်းဖြစ်ခြင်း၊ မိမိတို့၏သားသမီးများတွင် ဖျားနာခြင်း၊ ကွယ်လွန်ခြင်း၊ သားသမီးတို့က မိဘအမိန့်ကို မနာခံခြင်း၊ သိုမဟုတ် ပစ္စည်းဥစ္စာဆင်းရဲခြင်း၊ ကုန်ရောင်းကုန်ဝယ်ပြုရာတွင် နစ်နာဆုံးရှုးခြင်း၊ ခိုးဝှက်ခံရခြင်း၊ အသက်မွေးဝမ်းကြောင်းပြုရာ၌ကျပ်တည်းမှုကို ခံစားရခြင်း၊ ရိုဇီရိက္ခာကျပ်တည်းခြင်း စသည်တိုအား အစဉ်အမြဲခံစားကြရပေသည်။ ဤသိုဘေးဒုက္ခများခံစားရသောကြောင့် အရှင်မြတ်သည် ယင်းမုအ်မင်န်တို၏အပြစ်အကုသိုလ်အားလုံးကို ခွင့်လွှတ်လိုက်လေရာ ယင်းမုအ်မင်န်သည် ကျူးလွန်ခဲ့သည့်အပြစ်အကုသိုလ်များအားလုံးမှ သန့်ပြန့်စင်ကြယ်သွားသည့်အနေအထားဖြင့် အလ္လာဟ်အရှင်မြတ်နှင့်တွေ့ဆုံခွင့်ရသွားသည်။

ဟဒီးဆ်မှ သိမှတ်ဖွယ်ရာများ

1. အလ္လာဟ်အရှင်မြတ်သည် မုအ်မင်န်သက်ဝင်ယုံကြည်သူ့အား သူတို့၏လောကီဘဝ၌ကျူးလွန်ခဲ့သောအကုသိုလ်များအားလုံးကို သူတို့လောကီဘဝ၌ခံစားကြရသော ဘေးဒုက္ခများနှင့်ပျက်စီးဆုံးရှုးမှုများကို အကြောင်းခံ၍ခွင့်လွှတ်ပေးလိုက်ခြင်းသည် အရှင်မြတ်ကသူတို့အပေါ် ကရုဏာထားခြင်းပင်ဖြစ်သည်။
2. အီမာန်သက်ဝင်ယုံကြည်မှုရှိပါက ဘေးဒုက္ခများခံစားရရုံဖြင့် အကုသိုလ်များ ခွင့်လွှတ်ခြင်းခံရပေသည်။ ထို့ပြင် သူသည် ကျေနပ်စွာဖြင့် ဆွဗ်ရ်သည်းခံခဲ့ပါက အကျိုးကုသိုလ်ပါ ရရှိမည်ဖြစ်သည်။
3. မိမိနှစ်သက်သောအရာများနှင့် မနှစ်သက်သောအရာများအားလုံးတွင် သည်းခံခြင်းကို ကျင့်သုံးရန် တိုက်တွန်းထားသည်။ အလ္လာဟ်အရှင်မြတ် ပညတ်ထားသော တာဝန်များကို ကျေပွန်စွာ ဆောင်ရွက်ရန် သည်းခံရမည်။ အလ္လာဟ်အရှင်မြတ် တားမြစ်ထားသော အရာများမှ ရှောင်ကြဉ်ရန် သည်းခံရမည်။ သည်းခံရာတွင် အရှင်မြတ်၏အစားပေးခြင်းကို မျှော်လင့်ပြီး အရှင်မြတ်ပေးမည့် အပြစ်ဒဏ်ကို ကြောက်ရွံ့ရမည်။
4. ကိုယ်တော့်၏မိန့်ကြားချက်တွင် “မုအ်မင်န် သက်ဝင်ယုံကြည်သူ အမျိုးသား၊ အမျိုးသမီး” ဟူသော စာသား၌ “မုအ်မိနဟ် သက်ဝင်ယုံကြည်သူအမျိုးသမီး”ဟူ‌သော စကားလုံးကို ထည့်သွင်းဖော်ပြခြင်းသည် အမျိုးသမီးကို အထူးတလည်အလေးထား၍ဖော်ပြထားကြောင်းသိရှိရသည်။အကယ်၍ "မုအ်မင်န်" သက်ဝင်ယုံကြည်သူဟူ၍သာ ဖော်ပြခဲ့လျှင်လည်း အလိုအလျောက် အမျိုးသမီးများ ပါဝင်သွားမည်ဖြစ်သည်။ အဘယ့်ကြောင့်ဆိုသော် ယင်းစမ်းသပ်မှုများသည် အမျိုးသားများနှင့်သာ သီးသန့်သက်ဆိုင်သည်မဟုတ်‌ပေ။ ထို့ကြောင့် အမျိုးသမီးတစ်ဦးအပေါ် ဒုက္ခဆင်းရဲ ကျရောက်ပါကလည်း သူမသည်လည်း အပြစ်အကုသိုလ်များမှခွင့်လွှတ်ခြင်းခံရမည်ဆိုသည့် အကျိုးကုသိုလ်ကို ရရှိမည်ဖြစ်ကြောင်း ကတိတော်လာရှိထားသည်။
5. ဘေးဒုက္ခများခံစားရခြင်း‌ကြောင့်ရရှိမည့် အကျိုးကျေးဇူးများကို သိရှိထားခြင်းသည် လူတစ်ဦး အကြိမ်ကြိမ်ကြုံတွေ့ရသော ဒုက္ခဆင်းရဲများကို ပေါ့ပါးစွာခံစားနိုင်ရန်အကြောင်းခံဖြစ်သည်။