Hadiis: munaafɩk bilgri, a yaa wala pesg b sẽn peng rot a yiib sʋka, tɩ b pengd-a n kẽngd kaanẽ vugri, raar ning tɩ b leb n tall-a n kẽng rũng ro-kãngã

عَنِ ابْنِ عُمَرَ رضي الله عنهما عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ:
«مَثَلُ الْمُنَافِقِ، كَمَثَلِ الشَّاةِ الْعَائِرَةِ بَيْنَ الْغَنَمَيْنِ تَعِيرُ إِلَى هَذِهِ مَرَّةً وَإِلَى هَذِهِ مَرَّةً».
[صحيح] - [رواه مسلم] - [صحيح مسلم: 2784]

Yii a ɭbn Ʋmar nengẽ, -Wẽnd yard be b yiibã yĩnga-, tɩ yii Nabiyaamã nengẽ, -Wẽnd pʋʋsg la A tɩlgr be a yĩnga-, a yeelame:
«munaafɩk bilgri, a yaa wala pesg b sẽn peng rot a yiib sʋka, tɩ b pengd-a n kẽngd kaanẽ vugri, raar ning tɩ b leb n tall-a n kẽng rũng ro-kãngã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2784]

bilgrã

Nabiyaamã, -Wẽnd pʋʋsg la A tɩlgr be a yĩnga-, vẽnegda munaafɩk halhaal hadiisã pʋgẽ, n wilgdẽ, t’a yaa wala pesg ning sẽn kẽngd rũn-bãg a yiibu la a watẽ, a ka mi yaa rũn-bãg pʋd la a na n pʋge, Wakat ninga a zoet n pʋga rũn-bãg-kãngã, la wakat a to t’a leb n zoet n pʋgd rũn-bãg-kãngã, Rẽnd munaafɩgsã yaa neb sẽn yirb sɩd-kũunã la kɩfẽndã sʋka, bãmb n ka sɩd-kõtb zãnga, sẽn solg la sẽn vẽnege, b leb n ka kɩfr-rãmb me ye, sẽn solg la sẽn vẽneg ye, b yɩngẽ wã b bee ne muumin-rãmba, la b pʋgẽ wã, b bee sik la tarb pʋgẽ, wakat ninga tɩ b kɩll n tʋg bãmbã nengẽ, tɩ wakat a to tɩ b kɩll n tʋg bãmbã nengẽ.