Hadith: “ការប្រៀបធៀបជនពុតត្បុត(មូណាហ្វិក) គឺប្រៀបដូចជាសត្វពពែខ្វាក់មួយក្បាលដែលនៅរវាងចៀមពីរក្បាល។ ម្តងវាងាកទៅរកមួយនេះ ម្តងវាងាកទៅរកមួយនោះ។

عَنِ ابْنِ عُمَرَ رضي الله عنهما عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ:
«مَثَلُ الْمُنَافِقِ، كَمَثَلِ الشَّاةِ الْعَائِرَةِ بَيْنَ الْغَنَمَيْنِ تَعِيرُ إِلَى هَذِهِ مَرَّةً وَإِلَى هَذِهِ مَرَّةً».
[صحيح] - [رواه مسلم] - [صحيح مسلم: 2784]

អំពី អ៊ិពនូអ៊ូមើរ رضي الله عنهما អំពីណាពី ﷺ លោកបានមានប្រសាសន៍ថា៖
“ការប្រៀបធៀបជនពុតត្បុត(មូណាហ្វិក) គឺប្រៀបដូចជាសត្វពពែខ្វាក់មួយក្បាលដែលនៅរវាងចៀមពីរក្បាល។ ម្តងវាងាកទៅរកមួយនេះ ម្តងវាងាកទៅរកមួយនោះ។
[صحيح] - [رواه مسلم] - [صحيح مسلم - 2784]

Explanation

ណាពី ﷺ លោកបានបញ្ជាក់ពីស្ថានភាពរបស់ពួកពុតត្បុតដោយរូបគេប្រៀបដូចជាសត្វពពែមួយក្បាលដែលគ្មានភាពប្រាកដប្រជាក្នុងខ្លួន មិនដឹងថាតើខ្លួនគួរទៅតាមហ្វូងចៀមមួយណា។ ម្តងវាដើរតាមហ្វូងនេះ ម្តងដើរតាមហ្វូងនោះ។ ដូចនេះ ពួកពុតត្បុត(មូណាហ្វិក)គឺជាពួកដែលគ្មានភាពច្បាស់លាស់ក្នុងខ្លួនរវាងជំនឿ(ឥស្លាម) និងភាពគ្មានជំនឿដោយពួកគេមិនស្ថិតនៅជាមួយអ្នកមានជំនឿទាំងផ្នែកខាងក្រៅនិងផ្នែកខាងក្នុងនោះឡើយ ហើយក៏មិនស្ថិតនៅជាមួយពួកគ្មានជំនឿទាំងផ្នែកខាងក្រៅ និងផ្នែកខាងក្នុងនោះដែរ។ ផ្ទុយទៅវិញ ផ្នែកខាងក្រៅរបស់ពួកគេ គឺស្ថិតនៅជាមួយបណ្តាអ្នកមានជំនឿ ខណៈដែលផ្នែកខាងក្នុងរបស់ពួកគេវិញ គឺស្ថិតក្នុងភាពសង្ស័យ និងមិនច្បាស់លាស់នោះឡើយ។ ដូច្នេះ ម្តងពួកគេលម្អៀងទៅរកក្រុមនេះ ម្តងពួកគេលម្អៀងទៅរកក្រុមនោះ។

Benefits from the Hadith

1. ក្នុងចំណោមការចង្អុលបង្ហាញរបស់ណាពី ﷺ គឺការលើកជាឧទាហរណ៍ដើម្បីឲ្យអ្នកស្តាប់ងាយយល់។
2. បញ្ជាក់ពីស្ថានភាពរបស់ពួកពុតត្បុតដែលពួកគេគ្មានភាពច្បាស់លាស់ សង្ស័យ និងមិនមានគោលជំហររឹងមាំ។
3. ព្រមានពីស្ថានភាពរបស់ពួកពុតត្បុត និងជំរុញឲ្យមានភាពស្មោះត្រង់ សច្ចៈ និងភាពពិតប្រាកដក្នុងសេចក្តីជំនឿ ទាំងខាងក្រៅ និងខាងក្នុង។