Hədis: “Aralarında it və zəng olan bir camaata mələklər yoldaşlıq etməz

عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تَصْحَبُ الْمَلَائِكَةُ رُفْقَةً فِيهَا كَلْبٌ وَلَا جَرَسٌ».
[صحيح] - [رواه مسلم] - [صحيح مسلم: 2113]

Əbu Hureyradan (Allah ondan razı olsun) Allah Rəsulunun (Allahın salavatı və salamı onun üzərinə olsun) belə dediyi rəvayət edilir:
“Aralarında it və zəng olan bir camaata mələklər yoldaşlıq etməz."
[Səhih] - [Muslim rəvayət etdi] - [Sahihu Muslim - 2113]

Şərh (izah)

Peyğəmbər (Allahın salavatı və salamı onun üzərinə olsun) xəbər vermişdir ki, səfərdə olan bir qrup insanı it və ya heyvanların üstündən asılan və hərəkət etdikdə səs çıxaran zəng müşayiət edərsə, mələklər onlara yoldaşlıq etməz.

Hədisin faydalarından

1. Ovçu və ya gözətçi itləri istisna olmaqla, itlərə sahib olmaq və saxlamaq qadağandır.
2. Yoldaşlıq etməkdən çəkinən mələklər rəhmət mələkləridir, əməlləri yazan mələklərə gəlincə, onlar qulları məskənlərində də, səfərlərində də tərk etmirlər.
3. Zənglərin qadağan edilməsi; çünki o şeytanın çalğı alətlərindən biridir və xristianların ibadətə çağırış alətinə bənzəyir.
4. Müsəlman mələkləri ondan uzaqlaşdıracaq hər şeydən uzaq durmağa həris olmalıdır.