Hadithi: “Melekët nuk e shoqërojnë atë grup të njerëzve që kanë qen apo këmborë

عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تَصْحَبُ الْمَلَائِكَةُ رُفْقَةً فِيهَا كَلْبٌ وَلَا جَرَسٌ».
[صحيح] - [رواه مسلم] - [صحيح مسلم: 2113]

Nga Ebu Hurejra (Allahu qoftë i kënaqur me të!) përcillet se Pejgamberi (paqja qoftë mbi të!) ka thënë:
“Melekët nuk e shoqërojnë atë grup të njerëzve që kanë qen apo këmborë."
[Ky hadith është sahih] - [E shënon Muslimi] - [Sahihu i Muslimit - 2113]

Shpjegimi

Pejgamberi (paqja qoftë mbi të!) ka njoftuar se melekët nuk e shoqërojnë atë grup të udhëtarëve, të cilët kanë me vete qen apo këmborë të varur në qafën e bagëtisë, që lëshon tinguj kur lëviz.

Mësime nga hadithi

1. Ndalimi i mbajtjes së qenve dhe marrjes së tyre me vete në udhëtim. Nga ndalesa përjashtohen qeni i gjahut dhe qeni që bën roje.
2. Melekët që refuzojnë të shoqërohen me këta njerëz janë melekët e mëshirës, ndërsa melekët roje nuk ndahen nga njerëzit kudo që të jenë ata, në vendbanimet e tyre apo në udhëtim.
3. Ndalimi i këmborës, ngase ajo konsiderohet si fyell i djallit dhe ka ngjashmëri me kambanën e të krishterëve.
4. Muslimani duhet të ruhet nga çdo gjë që i mban melekët larg tij.