فەرموودە: ((مه‌لائیكه‌ت ناچنه‌ د گه‌ل وێ كۆمێ یا صه‌ یان زه‌نگل د گه‌ل بیت))

عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تَصْحَبُ الْمَلَائِكَةُ رُفْقَةً فِيهَا كَلْبٌ وَلَا جَرَسٌ».
[صحيح] - [رواه مسلم] - [صحيح مسلم: 2113]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((مه‌لائیكه‌ت ناچنه‌ د گه‌ل وێ كۆمێ یا صه‌ یان زه‌نگل د گه‌ل بیت)).
[صحيح] - [رواه مسلم] - [صحيح مسلم - 2113]

شیکردنەوە

پێغه‌مبه‌ر (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو مه‌لائیكه‌ت د گه‌ل وێ كۆمێ ناچنه‌ گه‌شتێ یێن صه‌ د گه‌ل بن، یان ئه‌و زه‌نگل د گه‌ل بن یێن ل ستۆیێ گیانه‌وه‌ران دهێنه‌ هه‌لاویستن و ده‌مێ دچن ده‌نگ ژێ دهێت.

لە سوودەکانی فەرموودەکە

1. پاشڤه‌برن ژ ب خودانكرنا صه‌یان و برنا وان بۆ گه‌شتێ، صه‌یێ نێچیرێ و یێ زێره‌ڤانییێ ناكه‌ڤنه‌ د بن ڤێ پاشڤه‌برنێڤه‌.
2. ئه‌و مه‌لائیكه‌تێن ناهێنه‌ د گه‌ل وان مه‌لائیكه‌تێن دلۆڤانییێنه‌، به‌لێ ئه‌و مه‌لائیكه‌تێن كریارێن مرۆڤی دپارێزن و تۆمار دكه‌ن؛ ئه‌و د هه‌می ڕه‌وشاندا یێن د گه‌ل مرۆڤی و ژ مرۆڤی ڤه‌نابن، نه‌ ل ده‌مێ مرۆڤ ل مال و نه‌ ل ده‌مێ گه‌شتێ.
3. پاشڤه‌برن ژ زه‌نگلێ ژ به‌ر هندێیه‌ چونكی ئه‌و ئامیره‌كێ مۆزیكا شه‌یتانییه‌ و خۆشوبهاندنه‌ ب زه‌نگلا فه‌له‌یان.
4. پێدڤییه‌ مرۆڤێ موسلمان یێ ڕژد بیت ل سه‌ر دویركه‌ڤتنا ژ هه‌ر تشته‌كێ مه‌لائیكه‌تان ژ وی دویر دكه‌ت.