Hədis: “İçində it və şəkil olan evə mələklər girməz.”

عَنْ أَبِي طَلْحَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لاَ تَدْخُلُ المَلاَئِكَةُ بَيْتًا فِيهِ كَلْبٌ وَلاَ صُورَةٌ».
[صحيح] - [متفق عليه] - [صحيح البخاري: 3322]

Əbu Talhadan – radiyallahu anhu – rəvayət edilir ki, Peyğəmbər (Allahın salavatı və salamı onun üzərinə olsun) belə buyurdu:
“İçində it və şəkil olan evə mələklər girməz.”
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 3322]

Şərh (izah)

Peyğəmbər (Allahın salavatı və salamı onun üzərinə olsun) xəbər verdi ki, rəhmət mələkləri, içində it və ya ruhu olan canlıların şəkli olan evə girməzlər. Çünki ruhu olan bir canlının şəklini çəkmək böyük günahdır və onda Allahın yaratmasına bənzəmək və şirkə aparan vasitələrdən bir vasitə vardır, bəziləri isə Allahdan başqa ibadət edilən şeylərin şəklidir. İt olan evdən çəkinmələrinin səbəbinə gəlincə: İtlərin çox nəcasət yediyinə və bəzilərinin şeytan adlandırıldığına görədir; mələklər isə şeytanların ziddidir. Həmçinin itin pis iyili olmasına görədir; mələklər isə pis qoxunu sevmirlər, həmçinin it saxlamağın şəriət tərəfindən qadağan edilməsinə görədir; buna görə də, it saxlayan şəxs, rəhmət mələklərinin evinə daxil olmalarından, orada namaz qılmaqlarından, onun üçün bağışlanma diləməklərindən, ona və evinə xeyir-dua verməklərindən və şeytanın pisliyini ondan dəf etməklərindən məhrum olunmaqla cəzalandırılır.

Hədisin faydalarından

1. Ovçuluq, mal-qara(çoban) və ya təsərrüfat(gözətçi) itləri istisna olmaqla, itə sahib olmaq qadağandır.
2. Şəkil saxlamaq mələklərin nifrət etdikləri pis işlərdəndir və it məsələsində olduğu kimi, şəkillərin də müəyyən bir məkanda olması, oranın rəhmətdən məhrum olmağına səbəb olur.
3. İçərisində it və ya şəkil olan evə girməyən mələklər rəhmət mələkləridir, lakin qoruyucu mələklər və ölüm mələyi kimi müəyyən bir vəzifəsi olan digər mələklər isə hər evə daxil olurlar.
4. Ruhu olan canlıların şəkillərini divarlardan və başqa yerlərdən asmağın qadağan olması.
5. Əl-Xəttabi demişdir: Mələklər yalnız, saxlanması haram olan it və şəkillərin olduğu evə girməzlər. Lakin, ov, əkin və mal-qara itləri kimi saxlanılması haram olmayan itlər və yerlərdə, yastıqlarda və digər şeylərdə küçümsənən şəkillər mələklərin evə daxil olmalarına mane olmur.