हदीस: कुकुर वा चित्र भएको घरमा फरिश्ता (स्वर्गदूत) हरू प्रवेश गर्दैनन् ।
عَنْ أَبِي طَلْحَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لاَ تَدْخُلُ المَلاَئِكَةُ بَيْتًا فِيهِ كَلْبٌ وَلاَ صُورَةٌ».
[صحيح] - [متفق عليه] - [صحيح البخاري: 3322]
المزيــد ...
अबू तल्हा (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"कुकुर वा चित्र भएको घरमा फरिश्ता (स्वर्गदूत) हरू प्रवेश गर्दैनन् ।"
[सही] - [मुत्तफकुन अलैहि] - [सही बुखारी - 3322]
नबी (सल्लल्लाहु अलैहि वसल्लम) ले भन्नुभएको छ : रहमत (दया) का स्वर्गदूतहरू कुकुर वा जीवहरूको चित्र भएको घरमा प्रवेश गर्दैनन्; किनभने जीवहरूको चित्र बनाउनु घोर पाप हो । यो अल्लाहको सृष्टिको नक्कल, प्रतिस्पर्धा र शिर्क (बहुदेववाद) को माध्यम हो । यसमा सत्य ईश्वर; अल्लाहको सट्टा पूजा गरिने केही देवीदेवताको मूर्तिहरू हुन्छन् । फरिश्ताहरू कुकुर भएको घरबाट टाढा रहनुको कारण: किनभने कुकुरले धेरै अशुद्ध (नापाक) पदार्थहरू खान्छ र केही कुकुरलाई शैतान भनिएको छ; र स्वर्गदूतहरू शैतानहरूका विपरीत हुन् । कुकुरको खराब गन्धले गर्दा; स्वर्गदूतहरू खराब गन्धलाई घृणा गर्छन् । कुकुर पाल्न निषेध गरिएकोले गर्दा; कुकुर पाल्ने व्यक्तिको घरमा दयाका स्वर्गदूतहरूको प्रवेश निषेध गरिएको छ र ऊ फरिश्ताको दुआ, क्षमा, बर्कत (आशीर्वाद) र शैतानको हानिबाट जोगाउने इत्यादिबाट वन्चित हुन्छ ।
हदीसका केही फाइदाहरू
- शिकार गर्न र गाईवस्तु वा खेतको सुरक्षा गर्न बाहेक अन्य कुकुरहरू पाल्न निषेध गरिएको छ ।
- तस्विरहरू खिच्नु वा राख्नु एक दुष्ट कार्य हो, जसले गर्दा स्वर्गदूतहरू टाढा भाग्छन् र तस्विरहरू भएको ठाउँमा स्वर्गदूतहरू उपस्थि हुँदैनन् र कुकुरको पनि त्यस्तै हो ।
- कुकुर वा चित्र भएको घरमा प्रवेश नगर्ने स्वर्गदूतहरू दयाका फरिश्ताहरू हुन्, जबकि संरक्षकहरू र मलकुल-मौत (मृत्यु दिने) स्वर्गदूतहरू प्रत्येक घरमा प्रवेश गर्छन् ।
- भित्ता र अन्य ठाउँमा जीवजन्तुका तस्विरहरू टाँग्न निषेध गरिएको छ ।
- खत्ताबीले भने: ‘स्वर्गदूतहरू कुकुर वा जीवहरूको चित्र भएको घरमा प्रवेश गर्दैनन्’ को मतलब भनेको राख्न निषेध गरिएको कुकुरहरू र तस्वीरहरू हुन्, तर शिकार गर्न र गाईवस्तु वा खेतको सुरक्षा गर्न पालिएका कुकुरहरू र गलैंचा, तकिया आदिमा देखिएका तस्वीरहरूले गर्दा स्वर्गदूतहरूलाई प्रवेश गर्नबाट रोकिएको छैन ।
वर्गीकरण
थप
- हदीस: म सबै साझेदारहरूको शिर्क (साझेदारी) बाट निस्पृह छु । जसले कुनै धर्मक्रिया गर्छ र त्यसलाई म बाहेक अरू कसैको निमित्त गरि शिर्क गर्दछ, म उसलाई र उसको शिर्कलाई अस्वीकार गर्दछु
- हदीस: म अल्लाह सामु यस कुरा प्रति असहमति जनाउन्छु , कि तिमीहरूमध्ये कोही मेरो 'खलील' (विशेष साथी) होस्। किनकि अल्लाहले मलाई आफ्नो ‘खलील’ (विशेष मित्र) बनाउनुभएको छ, जसरी उहाँले इब्राहीम (अलैहिस्सलाम) लाई आफ्नो खलील
- हदीस: मेरो प्रशंसा गर्नमा बढाइचढाइ नगर, जसरी ईसाईहरूले मरियमको छोराको प्रशंसामा बढाइचढाइ गरेका थिए; म केवल अल्लाहको दास हुँ । त्यसैले मलाई अल्लाहको दास र उहाँको रसूल (दूत) भन ।
- हदीस: न्यायको दिनमा, मेरो शिफाअत (सिफारिस) को बढी हकदार त्यो व्यक्ति हुनेछ, जसले आफ्नो हृदय वा आत्माबाट नै इमान्दारीपूर्वक "ला इलाहा इल्लल्लाह" को गवाही दिन्छ ।
- हदीस: चरमवादी (अति बढाइचढाई गर्ने) हरू विनाश भए
- हदीस: इस्लाम भनेको यो गवाही दिनु कि अल्लाह बाहेक कोही सत्य पूज्य छैन र मुहम्मद अल्लाहका सन्देष्टा हुनुहुन्छ, सलाह (नमाज) कायम गर्नु, जकात दिनु, रमजानको रोजा राख्नु र सक्षम व्यक्तिले अल्लाहको घरसम्म हज गर्नु हो
- हदीस: हे मेरा सेवकहरू! मैले आफूमाथि अन्याय र अत्याचार हराम (निषेध) गरेको छु र यसलाई तिमीहरूका लागि पनि हराम गरेको छु, त्यसैले तिमीहरू एकार्कामाथि अन्याय नगर