হাদীছ: তোমালোকৰ কোনোবাই যেতিয়া মৃত্যুবৰণ কৰে, পুৱা-গধূলি তাৰ অৱস্থান ক'ত হ'ব সেয়া তাৰ সন্মুখত উপস্থাপন কৰা হয়।

عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا: أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِنَّ أَحَدَكُمْ إِذَا مَاتَ عُرِضَ عَلَيْهِ مَقْعَدُهُ بِالْغَدَاةِ وَالعَشِيِّ، إِنْ كَانَ مِنْ أَهْلِ الجَنَّةِ فَمِنْ أَهْلِ الجَنَّةِ، وَإِنْ كَانَ مِنْ أَهْلِ النَّارِ فَمِنْ أَهْلِ النَّارِ، فَيُقَالُ: هَذَا مَقْعَدُكَ حَتَّى يَبْعَثَكَ اللَّهُ يَوْمَ القِيَامَةِ».
[صحيح] - [متفق عليه] - [صحيح البخاري: 1379]

আব্দুল্লাহ বিন ওমৰ ৰাদ্বিয়াল্লাহু আনহুমাৰ পৰা বৰ্ণিত, নবী চাল্লাল্লাহু আলাইহি অছাল্লামে কৈছেঃ
"তোমালোকৰ কোনোবাই যেতিয়া মৃত্যুবৰণ কৰে, পুৱা-গধূলি তাৰ অৱস্থান ক'ত হ'ব সেয়া তাৰ সন্মুখত উপস্থাপন কৰা হয়। যদি তেওঁ জান্নাতী হয় তেন্তে জান্নাতৰ অৱস্থান, আৰু যদি সি জাহান্নামী হয় তেন্তে জাহান্নামৰ অৱস্থান তাৰ সন্মুখত উপস্থাপন কৰা হয়। কিয়ামত সংঘটিত নোহোৱালৈকে তাক এইদৰে কোৱা হ'ব যে, এইটো হৈছে তোমাৰ অৱস্থান কৰিবলগীয়া ঠাই'।"
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ বুখাৰী - 1379]

ব্যাখ্যা

নবী চাল্লাল্লাহু আলাইহি অছাল্লামে হাদীছটোত জনাইছে যে, যেতিয়া কোনো ব্যক্তিয়ে মৃত্যুবৰণ কৰে, তেতিয়া তাৰ সন্মুখত জান্নাত অথবা জাহান্নামত তাৰ হ'বলগীয়া বিশেষ স্থানটো পুৱা-গধূলি উপস্থাপন কৰা হয়। যদি জান্নাতী হয় তেন্তে জান্নাতৰ ঠাই দেখুৱা হয়, আনহাতে যদি জাহান্নামী হয় তেন্তে জাহান্নামৰ স্থান দেখুৱা হয়। লগতে তাক কোৱা হয়ঃ কিয়ামতৰ দিনা এই স্থানতে তোমাক প্ৰেৰণ কৰা হ'ব। মুমিনৰ বাবে এইটো হৈছে এটা নিয়ামত আৰু কাফিৰৰ বাবে এইটো হৈছে এটা শাস্তি।

হাদীছৰ পৰা সংগৃহীত উপকাৰিতাসমূহ

1. কবৰৰ শাস্তি আৰু ইয়াৰ নিয়ামত সত্য।
2. ইবনু হাজাৰ ৰাহিমাহুল্লাহে কৈছেঃ এই কথা স্পষ্ট যে, এই উপস্থাপন পৰহেজগাৰ মুমিন আৰু কাফিৰৰ বাবে নিৰ্দিষ্ট। কিন্তু গুনাহগাৰ মুমিনৰ বিষয়টো সন্দেহযুক্ত। সম্ভৱতঃ সিহঁতকো জান্নাতৰ নিৰ্ধাৰিত ঠাই দেখুৱা হ'ব পাৰে, শাস্তি ভোগ কৰাৰ পিছত য'ত সিহঁতক প্ৰেৰণ কৰা হ'ব।