Ab Adiis: amul benn Yonnente bu Yàlla yónni ci xeet yi ma jiitu lu dul ne am na ci aw xeetam ñu koy dimbali ak ay àndandoo yu jàpp ci yoonam di roy ci mbiram

عَنْ عَبْدِ اللهِ بْنِ مَسْعُودٍ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«مَا مِنْ نَبِيٍّ بَعَثَهُ اللهُ فِي أُمَّةٍ قَبْلِي إِلَّا كَانَ لَهُ مِنْ أُمَّتِهِ حَوَارِيُّونَ، وَأَصْحَابٌ يَأْخُذُونَ بِسُنَّتِهِ وَيَقْتَدُونَ بِأَمْرِهِ، ثُمَّ إِنَّهَا تَخْلُفُ مِنْ بَعْدِهِمْ خُلُوفٌ يَقُولُونَ مَا لَا يَفْعَلُونَ، وَيَفْعَلُونَ مَا لَا يُؤْمَرُونَ، فَمَنْ جَاهَدَهُمْ بِيَدِهِ فَهُوَ مُؤْمِنٌ، وَمَنْ جَاهَدَهُمْ بِلِسَانِهِ فَهُوَ مُؤْمِنٌ، وَمَنْ جَاهَدَهُمْ بِقَلْبِهِ فَهُوَ مُؤْمِنٌ، وَلَيْسَ وَرَاءَ ذَلِكَ مِنَ الْإِيمَانِ حَبَّةُ خَرْدَلٍ».
[صحيح] - [رواه مسلم] - [صحيح مسلم: 50]

Jële nañu ci Abdallah Ibn Mashuud yal na ko Yàlla dollee gërëm mu wax ne: Yonnente Yàlla bi yal na ko Yàlla dolli xéewal ak mucc nee na:
«amul benn Yonnente bu Yàlla yónni ci xeet yi ma jiitu lu dul ne am na ci aw xeetam ñu koy dimbali ak ay àndandoo yu jàpp ci yoonam di roy ci mbiram, topp ginnaaw ga nag ñu bon wuutu leen di wax lu ñu dul def, di def lu ñu leen digalul, ku leen xeex ci loxoom kooku aji-gëm la, ku leen xeex ci xolam kooku aji-gëm la, ginnaaw loolu nag feppu ngëm amu fa».
[Wér na] - [Muslim soloo na ko] - [Téere Muslim bi gën a wér - 50]

Leeral

Yonnente bi yal na ko Yàlla dolli xéewal ak mucc day xibaare ne amul benn Yonnente bu Yàlla yónni ci xeet yi ko jiitu lu dul ne dana am ci aw xeetam ay tànneef ñu koy dimbali di ay jihaadkat di way-sellal dañuy jekk ci jiite xilaafa gi ginnaawam; jàpp ci yoonam wi, di roy ci mbiram, topp ginnaaw mag ñu baax ñooña ay nit ñëw ñoo xam ne yiw nekkul ci ñoom; dañuy wax lu ñu dul def, di def lu ñu leen digalul; ku leen xeex ci loxoom kooku aji-gëm la, ku leen xeex ci làmmiñam koolu aji-gëm la, ku leen xeex ci xolam it aji-gëm la, ginnaaw loolu nag feppu ngëm nekku fa.

Bokk na ci njariñi Adiis bi

1. Ñaaxe ci jihaad ak ñiy wuute ak Sariiha ci seen i wax ak seen i jëf.
2. Ñàkk a bañ lu bon ci xol tegtal la ci néewug gëm walla ag demam.
3. Yombalug Yàlla mu Sell mi te kawe ñeel Yonnente yi ci ñuy gàddu bataaxal bi ci seen ginnaaw.
4. Ku bëgg a mucc na topp yoonu Yonnente yi; ndaxte wépp yoon wu dul seen yoon ag alkande la ak ug bew.
5. Lu jamono di gën a sori Yonnente bi yal na ko Yàlla dolli xéewal ak mucc ak i Sahaabaam yal na leen Yàlla dollee gërëm nit ñi di bàyyi yoonam di topp bànneex yi di sos ay bidaa.
6. Leeral martabay jihaad, ci ne ci loxo la ñeel ku ko man a soppi, niki ki yor bir yi ak àttekat yi ak njiit yi, ak ci làmmiñ mu nekk ci leeral dëgg ak woote ca, ak ci xol mu nekk ci naqarlu lu bon li bañ ko a bëgg mbaa gërëm ko.
7. Warug digle lu baax ak tere lu bon.