فەرموودە: من پرسیار ژ پێغهمبهری (صهلات و سهلامێن خودێ ل سهر بن) كر: كیژ گونههـ ل دهڤ خودێ ژ ههمییان مهزنتره؟ گۆت: ((ئهوه تو ههڤپشكهكی بۆ خودێ پهیدا بكهی د دهمهكیدا وی تو یێ دروست كری
عَنْ عَبْدِ اللهِ بنِ مَسْعُودٍ رضي الله عنه قال:
سَأَلْتُ النَّبِيَّ صَلَّى اللهُ عَلَيْهِ وَسَلَّمَ: أَيُّ الذَّنْبِ أَعْظَمُ عِنْدَ اللهِ؟ قَالَ: «أَنْ تَجْعَلَ لِلهِ نِدًّا وَهُوَ خَلَقَكَ» قُلْتُ: إِنَّ ذَلِكَ لَعَظِيمٌ، قُلْتُ: ثُمَّ أَيُّ؟ قَالَ: «وَأَنْ تَقْتُلَ وَلَدَكَ؛ تَخَافُ أَنْ يَطْعَمَ مَعَكَ» قُلْتُ: ثُمَّ أَيُّ؟ قَالَ: «أَنْ تُزَانِيَ حَلِيلَةَ جَارِكَ».
[صحيح] - [متفق عليه] - [صحيح البخاري: 4477]
المزيــد ...
عهبدولڵاهێ كوڕێ مهسعوودی (خودێ ژێ ڕازی بیت) دبێژیت:
من پرسیار ژ پێغهمبهری (صهلات و سهلامێن خودێ ل سهر بن) كر: كیژ گونههـ ل دهڤ خودێ ژ ههمییان مهزنتره؟ گۆت: ((ئهوه تو ههڤپشكهكی بۆ خودێ پهیدا بكهی د دهمهكیدا وی تو یێ دروست كری))، من گۆت: ب ڕاستی ئهو گونهههكا مهزنه، پاشی من گۆت: پاشی كیژ؟ گۆت: ((ئهوه تو زارۆكێ خۆ بكوژی ژ ترسا هندێ كو د گهل ته خوارنێ بخۆت))، من گۆت: پاشی كیژ؟ گۆت: ((ئهوه تو زینایێ د گهل ژنا جیرانێ خۆ بكهی)).
[صحيح] - [متفق عليه] - [صحيح البخاري - 4477]
پرسیار ژ پێغهمبهری (صهلات و سهلامێن خودێ ل سهر بن) هاته كرن دهربارهی مهزنترین گونههان، وی ژی گۆت: مهزنترین گونهھ شركا مهزنه، كو ئهو ژی پهیداكرنا ههڤپشك و شریكهكییه بۆ خودێ د ئولوهییهت یان ڕبوبییهت یان ناڤ و سالۆخهتێن ویدا، و خودێ ل ڤێ گونههێ نابووریت ب تنێ ب تهوبهكرنێ نهبیت و ئهگهر خودانێ وێ ل سهر بمریت؛ دێ بۆ ههتا ههتایێ د ناڤ ئاگرێ جههنهمێدا مینیت. پاشی كوشتنا زارۆكی ژ ترسا هندێ كو د گهل وی خوارنێ بخۆت، كوشتنا نهفسێ كارهكێ حهرامه، بهلێ گونهها وێ مهزنتر دبیت ئهگهر ئهو كهسێ هاتییه كوشتن كهسێ نێزیكێ بكوژێ خۆ بیت و گونهها وێ هێشتا مهزنتر دبیت دهمێ مهرهما بكوژی ترس بیت ژ پشكداربوونا وی كهسی د رزقێ خودێدا. پاشی ئهوه مرۆڤ زینایێ د گهل ژنا جیرانێ خۆ بكهت، ب هندێ كو بزاڤان بكهت وێ بخاپینیت ههتا خۆ ب دهست ویڤه بهرددهت و زینایێ د گهل دكهت، زینا ژ كارێن حهرامه، بهلێ گونهها وێ مهزنتر دبیت ئهگهر د گهل ژنا جیرانی بیت، چونكی شهریعهتی وهسییهتا چاكیكرن و باشیكرنێ د گهل جیرانیدا كرییه.
لە سوودەکانی فەرموودەکە
- گونههـ ژ لایێ مهزناهیێڤه ژ ئێك دجودانه، ههروهكی كا چاوا كریارێن چاك ژ لایێ خێر و قهدر و بهایڤه ژ ئێك دجودانه.
- مهزنترین گونههـ: دروستكرنا شریكهكییه بۆ خودایێ مهزن، پاشی كوشتنا زارۆكی ژ ترسا هندێ خوارنێ د گهل ته بخۆت، پاشی زیناكرن د گهل ژنا جیرانی.
- ڕزق یێ د دهستێ خودێدا و وی ب ئهركێ خۆ دانایه (كهفالهتا هندێ كرییه) كو ڕزقێ ههمی چێكرییان دابین بكهت.
- مهزناهییا مافێ جیرانی و ئێشاندنا وی گونهها وێ مهزنتره ژ ئێشاندنا كهسێن دی.
- ئهو خودایێ ئافراندن كری ب تنێ یێ ژ هەژی پهرستنێیه، ئهو ئێكێ ب تنێیه و وی چ شریك نینن.
پۆلێنکردنەکان
زیاتر
- فەرموودە: ((مسوگهر خودێ دێ ل دویڤ زۆڕداری درێژكهت ههتا دگریت، دهمێ گرت ئێدی بهرنادهت
- فەرموودە: ههر كهسێ ب دروستی و ژ دل شاهده بدهت كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه؛ خودێ دێ وی ل سهر ئاگری حهرام كهت
- فەرموودە: هنگی خودێ دێ وی بهته بهحهشتێ ب ئهوێ كریارا وی ههبیت))
- فەرموودە: ئیسلام ئهوه تو شاهدهییێ بدهی كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه و تو نڤێژێ بكهی و زهكاتێ بدهی و ڕهمهزانێ یێ ب ڕۆژی بی و بچییه حهجێ ئهگهر ڕێكا ته ههبیت و ته شیان ههبن
- فەرموودە: ئهی عهبدێن من؛ من زۆڕداری ل سهر خۆ حهڕام كرییه و من د ناڤبهرا ههوه ژیدا حهرامكر، ڤێجا هوین زۆڕدارییێ نهكهن
- فەرموودە: ((ئيسلام ل سهر پێنج ستوینان هاتییه ئاڤاكرن
- فەرموودە: ههر كهسێ بمریت و وی چ شریك و ههڤال بۆ خودێ پهیدا نهكربن؛ دێ چیته بهحهشتێ و ههر كهسێ بمریت و وی شریك و ههڤال بۆ خودێ پهیدا كربن؛ دێ چیته جههنهمێ))