Hadith: “មិនមែនជាក្រុមរបស់យើងទេ អ្នកដែលទះថ្ពាល់ខ្លួនឯង ហែកសម្លៀកបំពាក់ និងបួងសួងដូចការបួងសួងនៅសម័យកាលអវិជ្ជា(ជើហ៊ីលីយ៉ះ)នោះ។

عَنْ عَبْدِ اللَّهِ بنِ مَسْعُودٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لَيْسَ مِنَّا مَنْ لَطَمَ الخُدُودَ، وَشَقَّ الجُيُوبَ، وَدَعَا بِدَعْوَى الجَاهِلِيَّةِ».
[صحيح] - [متفق عليه] - [صحيح البخاري: 1294]

អំពី អាប់ទុលឡោះ ពិន ម៉ាស្អ៊ូទ رضي الله عنه បាននិយាយថា៖ ណាពី ﷺ លោកបានមានប្រសាសន៍ថា៖
“មិនមែនជាក្រុមរបស់យើងទេ អ្នកដែលទះថ្ពាល់ខ្លួនឯង ហែកសម្លៀកបំពាក់ និងបួងសួងដូចការបួងសួងនៅសម័យកាលអវិជ្ជា(ជើហ៊ីលីយ៉ះ)នោះ។
[صحيح] - [متفق عليه] - [صحيح البخاري - 1294]

Explanation

ណាពី ﷺ បានហាមឃាត់ និងព្រមានពីទង្វើមួយចំនួនរបស់មនុស្សនាសម័យអវិជ្ជាមុនឥស្លាម(ជើហ៊ីលីយ៉ះ) ដោយលោកបានមានប្រសាសន៍ថា៖ មិនមែនជាក្រុមពួកយើងទេ៖
ទីមួយ៖ អ្នកដែលទះថ្ពាល់ខ្លួនឯង៖ ការលើកឡើងអំពីថ្ពាល់ជាពិសេស ដោយសារតែនេះ គឺជាករណីទូទៅ។ ក៏ប៉ុន្តែ ទោះជាទះ ឬវាយផ្នែកផ្សេងទៀតនៃមុខក៏ដោយ ក៏ចូលក្នុងការហាមឃាត់នេះដែរ។
ទីពីរ៖ អ្នកដែលហែកសម្លៀកបំពាក់ខ្លួនឯង នៅពេលដែលជួបទុក្ខសោកសង្រេង។
ទីបី៖ បួងសួងដូចការបួងសួងរបស់មនុស្សនៅសម័យកាលអវិជ្ជា(ជើហ៊ីលីយ៉ះ) ដូចជាការបួងសួងស្រែកយំឲ្យទទួលនូវក្តីអន្តរាយ ការទួញសោក យំរៀបរាប់ជាដើម។

Benefits from the Hadith

1. ការព្រមានក្នុងហាទីស្ហនេះជាភស្តុតាងបង្ហាញថា ទង្វើទាំងនេះ គឺស្ថិតក្នុងចំណោមបាបកម្មធំ។
2. ចាំបាច់ត្រូវមានការអត់ធ្មត់នៅពេលជួបគ្រោះ និងហាមឃាត់ចំពោះការខឹងសម្បា មិនពេញចិត្តចំពោះការកំណត់ព្រេងវាសនាដ៏ឈឺចាប់របស់អល់ឡោះ និងការបង្ហាញការមិនពេញចិត្តតាមរយៈការទួញសោក យំរៀបរាប់ កោរសក់ ហែកសម្លៀកបំពាក់ ឬទង្វើស្រដៀងគ្នាផ្សេងទៀត។
3. ហាមឃាត់ការធ្វើតាមទំនៀមទម្លាប់របស់មនុស្សនាសម័យកាលអវិជ្ជា(ជើហ៊ីលីយ៉ះ)ដែលមិនត្រូវបានទទួលស្គាល់ដោយច្បាប់បញ្ញត្តិឥស្លាម។
4. ការកើតទុក្ខ និងការយំធម្មតា គឺគ្មានបញ្ហាឡើយ ព្រោះវាមិនផ្ទុយនឹងការអត់ធ្មត់ចំពោះការកំណត់ព្រេងវាសនារបស់អល់ឡោះឡើយ។ តាមពិត វាជាក្តីមេត្តាដែលអល់ឡោះបានដាក់វាទៅក្នុងដួងចិត្តសាច់សាលោហិត និងមិត្តភក្តិជាទីស្រឡាញ់ទៅវិញទេ។
5. ចាំបាច់លើជនមូស្លីមត្រូវពេញចិត្តនឹងការកំណត់ព្រេងវាសនារបស់អល់ឡោះ។ ប្រសិនបើគេមិនអាចពេញចិត្តបាន យ៉ាងហោចណាស់ ក៏គេចាំបាច់ត្រូវតែអត់ធ្មត់ដែរ។