Hadiis: Ka be tõnd pʋgẽ ned ning sẽn pãba yεgdse la a pars a fut la a kot Zɩɩlem rãmb kosgã

عَنْ عَبْدِ اللَّهِ بنِ مَسْعُودٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لَيْسَ مِنَّا مَنْ لَطَمَ الخُدُودَ، وَشَقَّ الجُيُوبَ، وَدَعَا بِدَعْوَى الجَاهِلِيَّةِ».
[صحيح] - [متفق عليه] - [صحيح البخاري: 1294]

Yii a ʿAbdʋllaah ɭbn Al-mas’ʿʋʋd nengẽ, (Wẽnd yard be a yĩnga), a yeelame: Nabiyaamã, (Wẽnd pʋʋsg la A tɩlgr be a yĩngɑ) yeelame:
«Ka be tõnd pʋgẽ ned ning sẽn pãba yεgdse la a pars a fut la a kot Zɩɩlem rãmb kosgã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1294]

bilgrã

Nabiyaamã gɩdgame (Wẽnd pʋʋsg la A tɩlgr be a yĩngɑ) la a bugs n yi Zɩɩlmã rãmb tʋʋmã sãnda, n yeele: "ka be tõnd pʋgẽ":
Rẽenemã: ned ning sẽn pãba yεgdsã, la a welga yεgdgã bala yaa bãmb la sẽn waoog fãa woto pʋgẽ, la ad nengã sẽn kell a taabã pãbr kẽeda gɩdgrã pʋgẽ.
Yiib soaba: Fuugã loor pãrsgo, gẽegã keelem.
Tãab soaba: Sẽn yeel tɩ Zɩɩlem rãmb kosgã, yaa wala ned sẽn kot wɩɩbdo n kõt a menga, la halkre la wiisgu, la zẽng sẽn ka rẽ.

Sẽn be Hɑdiisã yõod-rãmbẽ

1. Pʋleng wẽng-kãngã hadiisã pʋgẽ wã wilgdame tɩ tʋʋm-kãensã bee zũnuub bεdã pʋgẽ.
2. Wilgdame tɩ yaa tɩlae tɩ b maan sugr ne masɩɩba, la b gɩdgame tɩ b maan Wẽnd pʋlemsã sẽn yaa toogã gẽega, la rẽnda vẽnegre: ne wiisgu maa kũumã soeesgo maa zug põngre, maa fut pãrsgo, maa zẽng sẽn ka rẽnda.
3. Wilgdame tɩ Zɩɩlmã pʋgb kisame, b tʋʋm nins lɩslaangã sẽn ka sakã pʋgẽ.
4. Yell ka be tɩ b maan sũ-sãanga la b yãbe, yẽnda ka kɩɩsd sugr maaneg ne Wẽnd sẽn bʋ wã ye, (A Naam zẽk yã), la ad a yaa yolsg Wẽnd sẽn ning rog pẽtbã la nong-n-taasã sũy.
5. Roga ne lɩslaam t'a maan yard ne Wẽnd sẽn bʋ wã, baa a ka yarde, ad sugrã yaa tɩlae a zugu.