නබි වදන: “කම්මුල්වලට පහර දී, සාක්කු ඉරාගෙන, අඥාන යුගයේ ප්‍රාර්ථනාවන් උසුරා ප්‍රාර්ථනා කළ අය අප අතරින් නො වන්නේය.”
عَنْ عَبْدِ اللَّهِ بنِ مَسْعُودٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لَيْسَ مِنَّا مَنْ لَطَمَ الخُدُودَ، وَشَقَّ الجُيُوبَ، وَدَعَا بِدَعْوَى الجَاهِلِيَّةِ».
[صحيح] - [متفق عليه] - [صحيح البخاري: 1294]
المزيــد ...
නබි (සල්ලල්ලාහු අලයිහි වසල්ලම්) තුමාණන් ප්‍රකාශ කළ බව අබ්දුල්ලාහ් ඉබ්නු මස්ඌද් (රළියල්ලාහු අන්හු) තුමා විසින් මෙසේ වාර්තා කරන ලදී.
“කම්මුල්වලට පහර දී, සාක්කු ඉරාගෙන, අඥාන යුගයේ ප්‍රාර්ථනාවන් උසුරා ප්‍රාර්ථනා කළ අය අප අතරින් නො වන්නේය.”
[පූර්ව සාධක සහිත හදීසයකි] - [බුහාරි හා මුස්ලිම් හි වාර්තා වී ඇත] - [صحيح البخاري - 1294]
අඥාන යුගයේ මිනිසුන් කළ ක්‍රියාවන් පිළිබඳ නබි (සල්ලල්ලාහු අලයිහි වසල්ලම්) තුමාණෝ අවවාද කළ අතර ඒවා වැළැක්වූහ. එමෙන්ම "ඔහු අපෙන් කෙනෙකු නොවේ" යැයි ද පවසා සිටියහ.
පළමුවැන්නා: කම්මුල්වලට පහර දෙන්නාය. විශේෂයෙන් කම්මුලට පහර දීම සම්බන්ධයෙන් පවසා ඇත්තේ බහුතරයක් එලෙස කරන බැවිනි. එසේ නොමැතිනම්, මුහුණේ ඉතිරි කොටස්වලට පහර දීම ද එම තහනම තුළට ඇතුළත් වේ.
දෙවැන්නා: හිස එහි ඇතුළත් කළ හැකි පරිදි වස්ත්‍රයේ විවර ව ඇති දෑ අධික කණස්සල්ල හේතුවෙන් ඉරා දැමීමය.
තුන්වැන්න: පූර්ව-ඉස්ලාම් යුගයේ මිනිසුන් කන්නලව් කොට ප්‍රාර්ථනා කළ දෑට උදාහරණ නම් ශාප කරගැනීම, වැළපීම, විනාශය ප්‍රාර්ථනා කිරීම හා එවැනි වෙනත් අකටයුතු වේ.
හදීසයේ හරය
- හදීසයේ සඳහන් මෙම අවවාදය පෙන්වා දෙනුයේ මෙම ක්‍රියාවන් සියල්ල මහා පාපකම් ගණයට අයත් වන බවය.
- පරීක්ෂණයක දී ඉවසා සිටිය යුතුය. අල්ලාහ් විසින් නියම කරන ලද වේදනා සහගත නියමයන් සම්බන්ධයෙන් කෝප වීම තහනම් කර ඇත. ඉන් ඉස්මතු වනුයේ, මොර දී කෑ ගැසීම, වැලපීම, හිස බූගෑම, ඇදුම් ඉරා ගැනීම හා වෙනත් අකටයුතු ය.
- අල්ලාහ් අනුමත නොකළ කාරණාවලදී පූර්ව ඉස්ලාම් යුගයන් අනුකරණය කිරීම තහනම්ය.
- දුක් වීමේ සහ හැඬීමේ වරදක් නැත. මන්ද එය සර්වබලධාරි අල්ලාහ්ගේ නියෝගයට පටහැනි නොවන නිසාය. නියත වශයෙන්ම එය ඥාතීන්ගේ සහ ආදරණීයයන්ගේ හදවත් තුළ අල්ලාහ් තබා ඇති කරුණාවයි.
- අල්ලාහ්ගේ නියමය මුස්ලිම්වරයා පිළිගත යුතුය. එසේ ඔහු එය පිළි නොගත්ත ද එය ඉවසා දරා ගත යුතුය.
ප්‍රවර්ග
අමතර
- නබි වදන: සැබැවින්ම අල්ලාහ්ගේ දූතයාණන්ගෙන් (සල්ලල්ලාහු අලයිහි වසල්ලම්) ‘නුෂ්රා’ (හෙවත් අඥාන කාලයේ සිදු කරන ලද) මන්ත්ර ගුරුකම් පිළිබඳ විමසන ලදී. එවිට එතුමා: එය ෂෙයිතාන්ගේ ක්රියාවන්ගෙන් එකකි’ යැයි පවසා සිටියහ.
- නබි වදන: අපි අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ඉදිරියේ වාඩිවී සිටි අතරවාරයේ දිනක් අප වෙත සුදෝ සුදු ඇඳුමකින් හා කළුවන් හිසකෙස් සහිත මිනිසෙකු උදා විය. ගමනක සළකුණක් හෝ ඔහු මත දැක ගන්නට නොවීය. අප අතරින් කිසිවකුත් ඔහුව හඳුනන්නේ ද නැත.
- නබි වදන: අහෝ මාගේ ගැත්තනි! සැබැවින්ම අසාධාරණය මා මතම මම තහනම් කර ගත්තෙමි. නුඹලා අතර ද එය තහනම් කරනු ලැබූවක් බවට පත් කළෙමි. එබැවින් නුඹලා අපරාධ නොකරනු. අහෝ මාගේ ගැත්තනි, මා කවර කෙනෙකුට යහමග පෙන්වූයේ ද ඔහු හැර නුඹලා සියලු දෙනාම මුළා වූවෝය. එබැවින් නුඹලා මගෙන් යහමග පතනු. මම නුඹලාට යහමග පෙන්වමි.
- නබි වදන: නියත වශයෙන්ම අල්ලාහ් අපරාධකරුට කල් දෙන්නේය. නමුත් ඔහුව ග්රහණය කළ විට ඔහුව අතහැර නොදමන්නේමය.
- නබි වදන: අශුභවාදකම් කියන්නා හා එසේ අශුභවාද පවසනු ලබන්නා හෝ ඉන්ද්රජාලකම් කරන්නා හා ඉන්ද්රජාලකම් කරනු ලබන්නා හෝ හූනියම් කරන්නා හා ඔහුට හූනියම් කරනු ලබන්නා මෙන්ම සාස්තර කියන්නකු වෙත පැමිණ ඔහු පවසන දෑ ස්ථීර කරන්නා යන කිසිවකුත් අප අතරින් නොවන්නේය. සැබැවින්ම ඔහු මුහම්මද් (සල්ලල්ලාහු අලයිහි වසල්ලම්) තුමා වෙත පහළ කරන ලැබූ දෑ ප්රතික්ෂේප කළේය.
- නබි වදන: කවරෙකු හෝ සාස්තර කාරයෙකු වෙත පැමිණ ඔහුගෙන් යමක් විමසා පසුව ඔහුව ස්ථීර කරන්නේ ද දින හතළිහක සලාතය ඔහු වෙනුවෙන් පිළිගනු නොලබන්නේමය.
- නබි වදන: සැබැවින්ම මලක්වරුන් වළාවන් අතරට පහළ වී අහසෙහි තීන්දු කරන ලද කරුණු මෙනෙහි කරයි. ෂෙයිතාන් හොරෙන් කන්දී එයට සවන් දෙයි. පසුව ඔහු එය ඉන්ද්රුජාලිකයින් වෙත දන්වා සිටියි. ඔවුන් ඒ සමගම ඔවුන් වෙතින් ද බොරු සියයක් ගොතා පවසති.