فەرموودە: لە ئێمە نییە ئەو کەسەی: لە ڕوومەتی بدات، وکراسەکەی بدڕێت، ودەنگ وهاواری جاهیلیەتی -نەفامی- لێوە دەربچێت
عَنْ عَبْدِ اللَّهِ بنِ مَسْعُودٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لَيْسَ مِنَّا مَنْ لَطَمَ الخُدُودَ، وَشَقَّ الجُيُوبَ، وَدَعَا بِدَعْوَى الجَاهِلِيَّةِ».
[صحيح] - [متفق عليه] - [صحيح البخاري: 1294]
المزيــد ...
لە عبداللەی کوڕی مەسعودەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت:
«لە ئێمە نییە ئەو کەسەی: لە ڕوومەتی بدات، وکراسەکەی بدڕێت، ودەنگ وهاواری جاهیلیەتی -نەفامی- لێوە دەربچێت».
[صەحیحە] - [بوخاری و موسلیم هاوڕان لەسەری] - [صحيح البخاري - 1294]
پێغەمبەر -صلى اللە علیە وسلم- نەهی كردووە وهۆشداریداوە سەبارەت بە كردەوەكانی جاهیلیەت، فەرموویەتی: لە ئێمە نییە:
یەكەم: ئەوەی لە ڕوومەتی دەدات، وبە تایبەت باسی ڕوومەتی كردووە چونكە زۆرێك لە خەڵكی لەكاتی ناخۆشیدا لەو شوێنەیان دەدەن، ئەگەرنا لێدان لە هەرشوێنێكی تری ڕوو؛ بەهەمان شێوە نەهی لێكراوە.
دووەم: دڕینی جل وپوشاک؛ بەهۆی زۆری ناڕازی وتوڕەییەوە ئەم كارە دەكات.
سێیەم: بانگكردن بە بانگەشەی خەڵكی جاهیلیەت وەكو نزای مردن وتیاچوون وشیوەن ولاواندنەوە وهتد.
لە سوودەکانی فەرموودەکە
- ئەم هەڕەشەیە لەم فەرموودەیەدا بەڵگەیە لەسەر ئەوەی ئەم كردەوانە لە تاوانە گەورەكانن.
- واجبێتی ئارامگرتن لەسەر كارەسات وناڕەحەتیەکان، وحەرامێتی ناڕازی وتوڕەیی دەربڕین بەرامبەر ڕووداوە ئازاردەرەكان كە لە قەدەری پەروەردگاردا هاتووە، وهەروەها حەرامێتی دەرخستنی ئەم ناڕازییە بە: شیوەن ولاواندنەوە وقژ تاشین وجل دڕین وهتد.
- حەرامێتی لاساییکردنەوەى جاهیلیەت (سەردەمی پێش ئیسلام) لەو كردەوانەی کە خاوەنی شەریعەت لێیان ڕازی نییە.
- ئاساییە مرۆڤ دڵتەنگ بێت وبە دەنگی ئاساییەوە بگری، وئەمە پێچەوانەى ئارامگرتن نییە لەسەر قەزا وقەدەری خواى گەورە -سبحانه وتعالى-، بەڵکو ڕەحمەتێکە خواى گەورە کردوویەتیە نێو دڵی کەسە نزیک وخۆشەویستەکانى.
- دەبێت مسوڵمان ڕازی بێت بە قەزا وقەدەری خواى گەورە، وئەگەر ڕازی نەبوو دەبێت ئارام بگرێت چونکە ئەمە واجبە.
پۆلێنکردنەکان
زیاتر
- فەرموودە: پێغەمبەر -صلی الله علیه وسلم- پرسیاری لێکرا سەبارەت بە (نوشرە - پوچەڵکردنەوەی سیحرێک بە سیحرکردنێکی تر)؟ فەرمووی: ئەوە لە کردەوەی شەیتانە
- فەرموودە: کاتێک دانیشتبووین لای پێغەمبەری خودا -صلى اللە علیە وسلم- پیاوێک دەرکەوت وهاتە لامان، جلەکەی زۆر سپی وقژی زۆر ڕەش بوو وبەوە ناکات کەسێکی موسافیر بێت وکەسیش لە ئێمە نایناسێت
- فەرموودە: ئەی بەندەکانم، من ستەمم لە سەر نەفسی خۆم حەرامکردووە بۆیە ستەم لە یەکتری مەکەن، ئەی بەندەکانم، هەمووتان گومڕان جگە لە ئەوانە نەبێت کە من هیدایەتم داون بۆیە داوای هیدایەت لە من بکەن هیدایەتتان دەدەم
- فەرموودە: خوای گەورە مۆڵەت دەدات بە کەسی زاڵم وستەمکار؛ بەڵام کە گرتی ئەوا بەری نادات وتۆڵەی لێدەسێنێتەوە
- فەرموودە: لە ئێمە نییە: ئەو کەسەی باوەڕی هەبێت بە شومیەتی لە شتێکدا یان داوا بکات بە پشکنینی شومیەتی لە شتێکدا، وئەوەی کەسەی فاڵ بگرێتەوە یان داوا بکات فاڵی بۆ بگیرێتەوە، وئەو کەسەی کە سيحر بکات یان داوا بکات سیحری بۆ بکرێت، وهەرکەسێک بچێتە لای فاڵگرێک (جادووگەرێک) وبڕوای پێبکات لەوەی کە دەیڵێت ئەوا کوفری کردووە بەوەی کە دابەزیوە بە سەر موحەمەد -صلى اللە علیە وسلم
- فەرموودە: هەرکەسێک بچێت بۆ لای جادووگەرێک وپرسیاری شتێکی لێبکات وباوەڕی پێبکات لەو شتەدا؛ ئەوا ئەو کەسە چل ڕۆژ نوێژی قبوڵ ناکرێت
- فەرموودە: فریشتەکان دادەبەزن بۆ لای هەورەکان وباسی ئەو بڕیارانە دەکەن کە لە ئاسمان بڕیاری لە سەر دراوە، وشەیتانەکان بە نهێنیەوە گوێیان لێ دەگرن وئەو قسانە دەگەیەنن بە جادووگەرەکان، وئەمانیش سەد درۆ لە لایەن خۆیانەوە دەدەنە پاڵ ئەو قسانە