Hadiis: Ned ning sẽn rulsa Sʋʋrat Al-kahf rẽenem Aayae piigã, a paamda gũudum n yi daggεεli» la togsg a to pʋgẽ: « sẽn yi Sʋʋrat Al-kahf yaoolem Aayae-rãmbã

عن أبي الدرداء رضي الله عنه أن النبي صلى الله عليه وسلم قال:
«مَنْ حَفِظَ عَشْرَ آيَاتٍ مِنْ أَوَّلِ سُورَةِ الكَهْفِ، عُصِمَ مِنَ الدَّجَّالِ». وفي رواية: «مِنْ آخِرِ سُورَةِ الكَهْف».
[صحيح] - [رواه مسلم] - [صحيح مسلم: 809]

Yii a Abɩɩ Ad-dardaa' nengẽ, (Wẽnd yard be a yĩnga), tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame:
«Ned ning sẽn rulsa Sʋʋrat Al-kahf rẽenem Aayae piigã, a paamda gũudum n yi daggεεli» la togsg a to pʋgẽ: « sẽn yi Sʋʋrat Al-kahf yaoolem Aayae-rãmbã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 809]

bilgrã

Nabiyaamã (Wẽnd pʋʋsg la A tɩlgr be a yĩnga) kõo kibare tɩ ned ning sẽn rulsa ne zugu, sʋʋrat Al-kahf sɩngrẽ wã, b na n gũ-a lame n yi Al-masɩɩh Ad-dagεεli, ning sẽn na n yi yaoolem zamaanã n yagd zĩri tɩ yẽ yaa Wẽndã, la a fɩtnã wã na n yɩɩ fɩtnã sẽn yɩɩd zɩslem Tẽngã zugu, b sẽn naan a Adam tεka n tʋg n tãag dũni wã yikri; Wẽnd sẽn kõ-a (A Naam yɩ wagelle n zẽke) ne yεl-soondɩ-rãmb sãnda, t'a tar woto n zarbd a poorẽ rãmbã, yaa tɩ bala sʋʋrat Al-kahf rẽenem Aaya-rãmbã, b tara yel-solemd la tagmase, tɩ b zɩslemã yɩɩd daggεεl sẽn zarbd nabã, rẽnd ned ning sẽn tags n ges-a a Ad-dagεεl ka maand-a fɩtnã ye. La togsg a to pʋgẽ: Aayae piiga, sẽn yi Sʋʋrat Al-Kahf baasgẽ wã, sẽn sɩng A koεεg sẽn yeele (A Naam zẽk yã): {Rẽ yĩnga neb nins sẽn kɩflã tẽedame tɩ b na gãda...}.

Sẽn be Hɑdiisã yõod-rãmbẽ

1. Vẽnegda Sʋʋrat Al-kahf yɩɩdlem, tɩ la ad a sɩngrã maa a baoosgã gũuda ned n yi Daggεεl fɩtnã wã.
2. Wilgda daggεεl yellã togsgo, la vẽnegr ne bũmb ninga b sẽn tõe n tall n gũus f meng ne-a.
3. Yaa pirsgu tɩ b ruls Sʋʋrat Al-kahf gilli, la a sã n kong bɩ a ruls rẽenem la yaoolem Aayae piigã.
4. A Al-ƙʋrtubiy yeelame (Wẽnd na yols-a), tɩ woto sababo: Tɩ b yeelame: kahf nebã kibarã sẽn yaa yel-solem-rãmb la tagmasã, ned ning sẽn yals a zugu, a ka maand yel-solem ne Al-masɩɩh Ad-daggεεl ye, yel-kãng ka maand-a reem, a ka maand-a fɩtna, la sãnda yeelame: Yaa a koεεg sẽn yeelã (A Naam zẽk yã): {A yaa tɩrga sẽn na yɩl n bugs nang sẽn zabde n yi A nengẽ la A noog sɩd-kõtbã sẽn maan tʋʋm sõma sũuri, tɩ b tara keoor sẽn be neere}, sẽn gãd yel-kεgenga sẽn yi A nengẽ wã, la yẽ zemsa ne a Ad-dagεεl sẽn yet tɩ yẽ yaa Wẽndã la a sẽn na n reeg zĩisã la a fɩtnã wã zɩslem, rẽ n kɩt tɩ Nabiyaamã (Wẽnd pʋʋsg la A tɩlgr be a yĩnga) zɩsg a yellã, la a bugs nebã n yi-a wã (D kota gũudum n yi a zarbgã), tɩ hadiisã maanã yɩ: Ad ned ning sẽn karem Aaya-kãensã la a tags b pʋgẽ, la a yals b maanã wã zugu, b bugsd-a lame t'a paam basm-m-yam n yi-a.