Hadithi: Betohem në Atë, në Dorën e të Cilit është shpirti i Muhamedit, se enët e tij janë më shumë se të gjitha yjet dhe planetët e qiellit

عَنْ أَبِي ذَرٍّ رضي الله عنه قَالَ:
قُلْتُ: يَا رَسُولَ اللهِ مَا آنِيَةُ الْحَوْضِ؟ قَالَ: «وَالَّذِي نَفْسُ مُحَمَّدٍ بِيَدِهِ لَآنِيَتُهُ أَكْثَرُ مِنْ عَدَدِ نُجُومِ السَّمَاءِ وَكَوَاكِبِهَا، أَلَا فِي اللَّيْلَةِ الْمُظْلِمَةِ الْمُصْحِيَةِ، آنِيَةُ الْجَنَّةِ مَنْ شَرِبَ مِنْهَا لَمْ يَظْمَأْ آخِرَ مَا عَلَيْهِ، يَشْخَبُ فِيهِ مِيزَابَانِ مِنَ الْجَنَّةِ، مَنْ شَرِبَ مِنْهُ لَمْ يَظْمَأْ، عَرْضُهُ مِثْلُ طُولِهِ، مَا بَيْنَ عَمَّانَ إِلَى أَيْلَةَ، مَاؤُهُ أَشَدُّ بَيَاضًا مِنَ اللَّبَنِ، وَأَحْلَى مِنَ الْعَسَلِ».
[صحيح] - [رواه مسلم]

Ebu Dherri (Allahu qoftë i kënaqur me të!) tregon:
"Thashë: "O i Dërguari i Allahut, si janë enët e Hauzit tënd?" Profeti ﷺ tha: "c2">“Betohem në Atë, në Dorën e të Cilit është shpirti i Muhamedit, se enët e tij janë më shumë se të gjitha yjet dhe planetët e qiellit që shihen në një natë të errët pa re. Sa u përket enëve të Xhenetit, ai që pi prej tyre s'do të ndiejë më kurrë etje pas kësaj, e aty (në Hauz) derdhen dy gryka nga Xheneti. Ai që pi prej tij, nuk ndien më etje. Gjerësia e tij dhe gjatësia janë sa distanca mes qytetit të Amanit dhe Ejles. Uji i tij është më i bardhë se qumështi e më i ëmbël se mjalti.”
Ky hadith është sahih. - E shënon Muslimi.

Shpjegimi

Profeti ﷺ u betua se enët e Pellgut të tij në Ditën e Kiametit do të jenë më shumë se numri i yjeve dhe planetëve të qiellit. Kjo shfaqet në një natë të errët dhe pa hënë; sepse në një natë me hënë, yjet nuk duken, sepse janë të mbuluara nga drita e hënës dhe nuk ka re; ngase prania e reve e pengon (njeriun) t'i shohë yjet. Kushdo që pi nga pija që është në enët e Xhenetit, nuk do të ketë kurrë etje dhe kjo do të jetë etja e fundit që do ta përjetojë pirësi. Te Hauzi i Profetit ﷺ rrjedhin dy gryka nga Xheneti; gjerësia e tij dhe gjatësia janë të njëjta. Hauzi është me kënde të barabarta, gjatësia e tij është e barabartë me distancën midis Amanit, i cili është një qytet në Balka të Shamit, deri në Ejlea, që është një qytet i njohur në skaj të Shamit. Uji i Hauzit është më i bardhë se qumështi dhe shija e tij është më e ëmbël se mjalti.