Hadiis: m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi

عَنْ أَبِي ذَرٍّ رضي الله عنه قَالَ:
قُلْتُ: يَا رَسُولَ اللهِ مَا آنِيَةُ الْحَوْضِ؟ قَالَ: «وَالَّذِي نَفْسُ مُحَمَّدٍ بِيَدِهِ لَآنِيَتُهُ أَكْثَرُ مِنْ عَدَدِ نُجُومِ السَّمَاءِ وَكَوَاكِبِهَا، أَلَا فِي اللَّيْلَةِ الْمُظْلِمَةِ الْمُصْحِيَةِ، آنِيَةُ الْجَنَّةِ مَنْ شَرِبَ مِنْهَا لَمْ يَظْمَأْ آخِرَ مَا عَلَيْهِ، يَشْخَبُ فِيهِ مِيزَابَانِ مِنَ الْجَنَّةِ، مَنْ شَرِبَ مِنْهُ لَمْ يَظْمَأْ، عَرْضُهُ مِثْلُ طُولِهِ، مَا بَيْنَ عَمَّانَ إِلَى أَيْلَةَ، مَاؤُهُ أَشَدُّ بَيَاضًا مِنَ اللَّبَنِ، وَأَحْلَى مِنَ الْعَسَلِ».
[صحيح] - [رواه مسلم] - [صحيح مسلم: 2300]

Yii a Abɩɩ Zarr nengẽ, -Wẽnd yarde be a yĩnga- a yeelame:
Mam yeelame : Wẽnd Tẽn-tʋʋma bãkã ko-tees yaa ne bõe? Tɩ Nabiyyamã yeele: «m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi, tɩ b woglemã yaa wala yʋng lik sẽn ka tar sawat keelem, arzãnã ko-teesã ned sẽn yũ b pʋgẽ, a kõn n leb tall ko-yũud lae ye, sambond a yiib n kiigd arzãnẽ wã, ned ning sẽn yũ fãa a kõn n tol n tall ko-yũud ye, a yalmã zarem yaa wala sẽn be Amaan n tʋg tãag ɭɩla, a koomã peelem yɩɩda bĩisim t’a noomã yɩɩd sɩɩdo».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2300]

bilgrã

Nabiyaamã, -Wẽnd pʋʋsg la A tɩlgr be a yĩnga-, a vẽenegame, tɩ ad yẽ bãkã ko-teesã dũni yikr raarã, b waooglem yɩɩda saaga ãdsã la a bõn-witi wã, La woto vẽnegda kiuug sẽn ka be yʋng lik pʋgẽ, bala yʋng ning kiuugã sẽn be wã, ãdsã ka pukd wʋsgo, kiuugã peelmã rɩk-b lame, tɩ b solge, la yʋng lik nink sawat sẽn ka be wã, bala sawatã belmã yaa bũmb sẽn gɩgdg ãdsã yãabo, A leb n wilgdame tɩ arzãnã ko-teesã, ned ning sẽn wa n yũ bõn-yũudi nins sẽn be beenẽ wã, ko-yũud ka le yõkd-a lae, yẽnda yũubã la ko-yũud baasg sẽn na n paam neda, A leb n wilgdame t’a bãkã sẽn be arzãnã yaa sãmbond a yiib sẽn be arzãnã n kiigd a pʋgẽ, la a yalmã la a woglemã yaa yembre; Rẽnd bãkã, a veen-n-vɩɩsã fãa zemsa taaba, a woglemã yɩta wala zãrem sẽn be Ammaan, yẽ me yaa tẽng sẽn be Saam wεεngẽ wã, n tʋg n tãag Ayla, yẽ me yaa tẽnga sẽn leb n be Saam kɩremsẽ wã, La bãkã koomã, a peelmã yɩɩda bĩisim, t’a noomã yɩɩd sɩɩdo.