නබි වදන: “ස්වර්ගවාසීන් පිළිබඳ මම නුඹලාට දැනුම් දිය යුතු නොවේ ද? දුර්වල හා දුර්වල කරන ලැබූ සෑම කෙනෙකුමය. එවැන්නෙකු අල්ලාහ් මත දිවුරා සිටියේ නම් ඔහු ඔහුට උපකාර කරනු ඇත. නිරා වාසීන් පිළිබඳ මම නුඹලාට දැනුම් දිය යුතු නොවේ ද? අහංකාර උද්දච්ඡ උඩඟුකම් පාන සෑම කෙනෙකුමය.”
عَنْ حَارِثَةَ بْنِ وَهْبٍ الخُزَاعِيِّ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«أَلاَ أُخْبِرُكُمْ بِأَهْلِ الجَنَّةِ؟ كُلُّ ضَعِيفٍ مُتَضَعِّفٍ، لَوْ أَقْسَمَ عَلَى اللَّهِ لَأَبَرَّهُ، أَلاَ أُخْبِرُكُمْ بِأَهْلِ النَّارِ: كُلُّ عُتُلٍّ جَوَّاظٍ مُسْتَكْبِرٍ».
[صحيح] - [متفق عليه] - [صحيح البخاري: 4918]
المزيــد ...
නබි (සල්ලල්ලාහු අලයිහි වසල්ලම්) තුමාණන් කළ ප්‍රකාශයකට තමන් සවන් දුන් බව පවසමින් හාරිසා ඉබ්නු වහබ් අල්-කුසාඊ (රළියල්ලාහු අන්හු) තුමා විසින් මෙසේ වාර්තා කරන ලදී.
“ස්වර්ගවාසීන් පිළිබඳ මම නුඹලාට දැනුම් දිය යුතු නොවේ ද? දුර්වල හා දුර්වල කරන ලැබූ සෑම කෙනෙකුමය. එවැන්නෙකු අල්ලාහ් මත දිවුරා සිටියේ නම් ඔහු ඔහුට උපකාර කරනු ඇත. නිරා වාසීන් පිළිබඳ මම නුඹලාට දැනුම් දිය යුතු නොවේ ද? අහංකාර උද්දච්ඡ උඩඟුකම් පාන සෑම කෙනෙකුමය.”
[පූර්ව සාධක සහිත හදීසයකි] - [බුහාරි හා මුස්ලිම් හි වාර්තා වී ඇත] - [صحيح البخاري - 4918]
ස්වර්ගවාසීන් හා අපාවාසීන්ගේ ඇතැම් ගුණාංග පිළිබඳ නබි (සල්ලල්ලාහු අලයිහි වසල්ලම්) තුමාණන් මෙහි දන්වා ඇත.
ස්වර්ගවාසීන් අතරින් බහුතරයක් දෙනා වනාහි, අල්ලාහ් වෙනුවෙන් නිහතමානීව කටයුතු කරන සෑම නිහතමානී කෙනෙකුමය. එනම්, අල්ලාහ්ට යටහත් වී, නිහතමානීව කටයුතු කරන, ඔහු වෙනුවෙන් තමන්ව පහත් කරන අය වෙති. එය කෙතරම්ද යත් ඇතැම් මිනිසුන් ඔහු දුර්වලයකු සේ සලකති. ඔහුව අවමානයෙන් බලති. එවැන්නෙකු අල්ලාහ්ගේ උපකාරය සම්බන්ධයෙන් ඔහු මත කැමැත්තෙන් දිවුරා සිටියේ නම්, ඔහු ඔහුට උපකාර කරනු ඇත. ඔහු කවර කරුණක් සම්බන්ධයෙන් දිවුරා සිටියේ ද එය ඔහුට සහතික කරනු ඇත. ඔහුගේ ඉල්ලීම හා ඔහුගේ ප්‍රාර්ථනාවට පිළිතුරු දෙනු ඇත.
අපා ගින්නේ බහුතරයක් දෙනා වනාහි: ඔවුන් 'උත්ලුන්' උද්දච්ඡකම ඇති අය වෙති. ඔහු රළු, දරුණු, දැඩි සේ රණ්ඩු සරුවල් හෝ දූෂිතකම් කරන යහපතට නොනැමෙන අයකි. එමෙන්ම 'ජව්වාල්' යන අහංකාරය ඇති අයෙකි. ඔහු අධික ලෙස අනුභව කරන, විශාල ශරීරයක් ඇති, ඔහුගේ ඇවිදීමේදී අහංකාරකම පෙන්වන, නරක ගුණාංග ඇති අයකි. 'මුස්තක්බර්' උඩඟුකම ඇති අයෙකි. ඔහු සත්‍යය ප්‍රතික්ෂේප කරමින් සහ අන්‍යයන් අවමානයෙන් බලමින් උඩඟුව කටයුතු කරන අයකි.
හදීසයේ හරය
- ස්වර්ගවාසීන් ගැන විස්තර කරන ලද ගුණාංග සම්බන්ධයෙන් උනන්දු කරවීම හා නිරාවාසීන්ගේ ගුණාංග සම්බන්ධයෙන් අවවාද කිරීම.
- සර්වබලධාරී අල්ලාහ්ට මෙන්ම ඔහුගේ නියෝගය හා ඔහුගේ තහනම් නියෝග සඳහා නිහතමානී විය යුතු අතර ඔහු ඒ දෙකටම අවනත විය යුතුය. තවද ඔහු මිනිසුන් සමග කටයුතු කළ යුත්තේ උඩඟුකිමින් තොරවය.
- ඉබ්නු හජර් තුමා මෙසේ පවසයි: මින් අදහස් කරන්නේ ස්වර්ගයේ බහුතරයක් දෙනා මෙවැන්නන් වන බවයි. එමෙන්ම නිරයේ බහුතරයක් දෙනා අනෙක් ගුණාංගයට අයත් අය වන බවයි. එය ස්වර්ගයෙහි හා අපයෙහි සම්පූර්ණව ඔවුන් වනු ඇතැයි අදහස් නො කෙරේ.
ප්‍රවර්ග
අමතර
- නබි වදන: නැමදුමට සුදුස්සා අල්ලාහ් පමණක් හැර වෙනත් දෙවියෙකු නොමැති බවටත් ඔහුට කිසිදු හවුල්කරුවකු නොමැති බවටත් සැබැවින්ම මුහම්මද් තුමා ඔහුගේ ගැත්තකු හා දූතයකු බවටත් ඊසා නොහොත් ජේසු තුමා අල්ලාහ්ගේ ගැත්තකු හා ඔහුගේ දූතයා බවටත් එතුමා මර්යම් වෙත හෙළූ ඔහුගේ වදන හා ඔහුගෙන් වූ ප්රාණය බවටත් ස්වර්ගය සැබෑවකි. නිරය සැබෑවකි යන වගටත් කවරෙකු සාක්ෂි දැරුවේ ද ඔහු කවර ක්රියාවක් මත පසුවන්නේ ද ඒ අනුව අල්ලාහ් ඔහුව ස්වර්ගයට ඇතුළත් කරන්නේය.
- නබි වදන: කවරෙකු දුප්පත් ණයකරුහට කල් දෙන්නේ ද එසේ නැතහොත් ඔහු වෙනුවෙන් (ණයබර) සැහැල්ලු කරන්නේ ද මළවුන් කෙරෙන් නැගිටුවනු ලබන දිනයේ අල්ලාහ්ගේ හෙවණ හැර වෙනත් හෙවණක් නොමැති දිනයේ ඔහුගේ රාජ්යයේ හෙවණ යටතේ ඔහු ඔහුට හෙවණ සළසා දෙනු ඇත.
- නබි වදන: අපි අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ඉදිරියේ වාඩිවී සිටි අතරවාරයේ දිනක් අප වෙත සුදෝ සුදු ඇඳුමකින් හා කළුවන් හිසකෙස් සහිත මිනිසෙකු උදා විය. ගමනක සළකුණක් හෝ ඔහු මත දැක ගන්නට නොවීය. අප අතරින් කිසිවකුත් ඔහුව හඳුනන්නේ ද නැත.
- නබි වදන: අහෝ මාගේ ගැත්තනි! සැබැවින්ම අසාධාරණය මා මතම මම තහනම් කර ගත්තෙමි. නුඹලා අතර ද එය තහනම් කරනු ලැබූවක් බවට පත් කළෙමි. එබැවින් නුඹලා අපරාධ නොකරනු. අහෝ මාගේ ගැත්තනි, මා කවර කෙනෙකුට යහමග පෙන්වූයේ ද ඔහු හැර නුඹලා සියලු දෙනාම මුළා වූවෝය. එබැවින් නුඹලා මගෙන් යහමග පතනු. මම නුඹලාට යහමග පෙන්වමි.
- නබි වදන: නුඹලා මෙම චන්ද්රයා දකින සේ සැබැවින්ම නුඹලාගේ පරමාධිපතිව නුඹලා දකිනු ඇත. ඔහුව දැකීමේදී නුඹලා වෙහෙසට පත් නොවනු ඇත.
- නබි වදන: නියත වශයෙන්ම අල්ලාහ් අපරාධකරුට කල් දෙන්නේය. නමුත් ඔහුව ග්රහණය කළ විට ඔහුව අතහැර නොදමන්නේමය.
- නබි වදන: සැබැවින්ම අල්ලාහ් මළවුන් කෙරෙන් නැගිටුවනු ලබන දිනයේ සියලු මැවීම්වලට ඉහළින් මාගේ ප්රජාව අතරින් මිනිසෙකු වෙන් කර හඳුනා ගනු ඇත