Hadith: “តើពួកអ្នកចង់ឲ្យខ្ញុំប្រាប់អំពីអ្នកឋានសួគ៌ដែរឬទេ? គឺមនុស្សទន់ខ្សោយគ្រប់រូបដែលត្រូវបានគេមើលងាយ។ ប្រសិនបើគេស្បថចំពោះអល់ឡោះ នោះទ្រង់ប្រាកដជានឹងទទួលយក។ តើពួកអ្នកចង់ឲ្យខ្ញុំប្រាប់អំពីអ្នកឋាននរកដែរឬទេ? ពួកគេគឺជាមនុស្សដែលឃោរឃៅ លោភលន់ និងក្រអឺតក្រទម”។
عَنْ حَارِثَةَ بْنِ وَهْبٍ الخُزَاعِيِّ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«أَلاَ أُخْبِرُكُمْ بِأَهْلِ الجَنَّةِ؟ كُلُّ ضَعِيفٍ مُتَضَعِّفٍ، لَوْ أَقْسَمَ عَلَى اللَّهِ لَأَبَرَّهُ، أَلاَ أُخْبِرُكُمْ بِأَهْلِ النَّارِ: كُلُّ عُتُلٍّ جَوَّاظٍ مُسْتَكْبِرٍ».
[صحيح] - [متفق عليه] - [صحيح البخاري: 4918]
المزيــد ...
អំពី ហារីសះ ពិន វះប៍ អាល់ឃូហ្សាអ៊ី رضي الله عنه បាននិយាយថា៖ ខ្ញុំបានឮណាពី ﷺ លោកបានមានប្រសាសន៍ថា៖
“តើពួកអ្នកចង់ឲ្យខ្ញុំប្រាប់អំពីអ្នកឋានសួគ៌ដែរឬទេ? គឺមនុស្សទន់ខ្សោយគ្រប់រូបដែលត្រូវបានគេមើលងាយ។ ប្រសិនបើគេស្បថចំពោះអល់ឡោះ នោះទ្រង់ប្រាកដជានឹងទទួលយក។ តើពួកអ្នកចង់ឲ្យខ្ញុំប្រាប់អំពីអ្នកឋាននរកដែរឬទេ? ពួកគេគឺជាមនុស្សដែលឃោរឃៅ លោភលន់ និងក្រអឺតក្រទម”។
[صحيح] - [متفق عليه] - [صحيح البخاري - 4918]
ណាពី ﷺ បានប្រាប់អំពីលក្ខណៈសម្បត្តិមួយចំនួនរបស់អ្នកឋានសួគ៌និងអ្នកឋាននរក។
ភាគច្រើននៃអ្នកឋានសួគ៌គឺ ជាមនុស្សដែលទន់ខ្សោយដែលត្រូវគេមើលងាយ មានន័យថា៖ រាបសា ឧនលំទោនចំពោះអល់ឡោះ បន្ទាបខ្លួនចំពោះទ្រង់ រហូតដល់មនុស្សមួយចំនួនមើលងាយនិងប្រមាថដល់រូបគេថាជាមនុស្សទន់ខ្សោយ។ បុគ្គលដែលបន្ទាបខ្លួនចំពោះអល់ឡោះនេះ ប្រសិនបើរូបគេស្បថនឹងអល់ឡោះ ដោយសង្ឃឹមលើព្រះពររបស់អល់ឡោះ នោះអល់ឡោះនឹងបំពេញសម្បថរបស់ជននោះ សម្រេចឱ្យនូវអ្វីដែលរូបគេបានស្បថ និងឆ្លើយតបចំពោះសំណើរ និងការសុំបួងសួងរបស់គេ។
ហើយភាគច្រើននៃអ្នកឋាននរកគឺជាមនុស្សដែលឃោរឃៅ ឆេវឆាវ ចូលចិត្តជម្លោះ និងប្រព្រឹត្តទង្វើអាក្រក់, ជាមនុស្សលោភលន់ ចូលចិត្តប្រមូលទ្រព្យសម្បត្តិ មានរាងកាយធំ មានចរិតអាក្រក់, ជាមនុស្សក្រអឺតក្រទម បដិសេធការពិត និងមើលងាយអ្នកដទៃ។
Benefits from the Hadith
- ជំរុញឲ្យប្រកាន់ខ្ជាប់នូវលក្ខណៈសម្បត្តិរបស់អ្នកឋានសួគ៌ និងព្រមានពីលក្ខណៈសម្បត្តិរបស់អ្នកឋាននរក។
- ភាពថ្លៃថ្នូរជាមួយអល់ឡោះ គឺការបន្ទាបខ្លួនចំពោះអល់ឡោះ ដោយការគោរពតាមបទបញ្ជា និងការហាមឃាត់របស់ទ្រង់ ក៏និងដោយការប្រតិបត្តិតាម។ ហើយភាពថ្លៃថ្នូរជាមួយមនុស្ស គឺដោយការមិនប្រព្រឹត្តចំពោះពួកគេដោយភាពក្រអឺតក្រទម។
- អ៊ិពនូហាជើរ បាននិយាយថា៖ អត្ថន័យរបស់វា គឺមានន័យថា ភាគច្រើននៃអ្នកឋានសួគ៌ គឺជាមនុស្សដែលមានលក្ខណៈបែបនេះ។ ក៏ដូចគ្នាដែរ ភាគច្រើននៃអ្នកឋាននរក គឺជាមនុស្សដែលមានលក្ខណៈបែបនោះ។ នេះមិនមែនមានន័យថា គ្រប់អ្នកនៅក្នុងឋានសួគ៌ និងឋាននរក គឺសុទ្ធតែមានលក្ខណៈបែបនោះឡើយ។
Categories
More ...
- Hadith: “បុគ្គលណាពន្យារពេលសងបំណុលដល់អ្នកទីទ័លក្រ ឬលើកលែងបំណុលឲ្យគេ អល់ឡោះជាម្ចាស់នឹងឲ្យគាត់បាននៅក្រោមម្លប់អារ៉ស្ហរបស់ទ្រង់នៅថ្ងៃដែលគ្មានម្លប់ណាផេ្សងក្រៅពីម្លប់របស់ទ្រង់ឡើយ”។
- Hadith: “ជាការពិតណាស់ អល់ឡោះជាម្ចាស់ពិតជាពន្យារពេលដល់អ្នកដែលបំពាន។ លុះដល់ពេលដែលទ្រង់ដាក់ទណ្ឌកម្មដល់គេ គឺគេនឹងមិនអាចគេចផុតបានឡើយ
- Hadith: នោះអល់ឡោះជាម្ចាស់នឹងបញ្ចូលជននោះទៅក្នុងឋានសួគ៌ទៅតាមទង្វើដែលគេបានសាង”។
- Hadith: ជាការពិតណាស់ ពួកអ្នកពិតជានឹងបានឃើញព្រះជាម្ចាស់របស់ពួកអ្នកដូចដែលពួកអ្នកឃើញព្រះចន្ទនេះដូច្នោះដែរដោយពួកអ្នកនឹងមិនប្រជ្រៀតគ្នាដើម្បីមើលទ្រង់ឡើយ
- Hadith: អ៊ីស្លាមគឺ អ្នកត្រូវធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដ មានតែអល់ឡាះមួយគត់ ហើយមូហាំម៉ាត់ គឺជាអ្នកនាំសាររបស់អល់ឡោះ។ ហើយត្រូវប្រតិបត្តិសឡាត បរិច្ចាគហ្សាកាត់ បួសខែរ៉ម៉ាហ្ទន និងធ្វើធម្មយាត្រាហាជ្ជីនៅពៃតុលឡោះ ប្រសិនបើអ្នកមានលទ្ធភាពទៅដល់
- Hadith: ឱខ្ញុំបម្រើរបស់យើងទាំងឡាយ! ពិតប្រាកដណាស់ យើងបានហាមឃាត់អំពើអយុត្តិធម៌ចំពោះខ្លួនយើង ហើយយើងក៏បានហាមឃាត់វារវាងពួកអ្នកផងដែរ។ ហេតុនេះ ចូរពួកអ្នកកុំប្រព្រឹត្តអយុត្តិធម៌ចំពោះគ្នាទៅវិញទៅមកឲ្យសោះ
- Hadith: “ជាការពិតណាស់ អល់ឡោះជាម្ចាស់នឹងជ្រើសរើសបុរសម្នាក់ពីក្នុងចំណោមប្រជាជាតិរបស់ខ្ញុំមុនគេបង្អស់នៅថ្ងៃបរលោក