Ҳадис: Эй мардум! Аз ғулув ва зиёдаравӣ барҳазар бошед, зеро касонеро, ки пеш аз шумо буданд, ғулуви дар дин ҳалок кард

عَنْ ابْنِ عَبَّاسٍ رضي الله عنهما قَالَ:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ غَدَاةَ الْعَقَبَةِ وَهُوَ عَلَى نَاقَتِهِ: «الْقُطْ لِي حَصًى» فَلَقَطْتُ لَهُ سَبْعَ حَصَيَاتٍ، هُنَّ حَصَى الْخَذْفِ، فَجَعَلَ يَنْفُضُهُنَّ فِي كَفِّهِ وَيَقُولُ: «أَمْثَالَ هَؤُلَاءِ فَارْمُوا» ثُمَّ قَالَ: «أَيُّهَا النَّاسُ، إِيَّاكُمْ وَالْغُلُوَّ فِي الدِّينِ، فَإِنَّما أَهْلَكَ مَنْ كَانَ قَبْلَكُمْ الْغُلُوُّ فِي الدِّينِ».
[صحيح] - [رواه ابن ماجه والنسائي وأحمد] - [سنن ابن ماجه: 3029]

Аз ибни Аббос (разияллоҳу анҳу) ривоят аст, ки гуфт:
Паёмбар (саллаллоҳу алайҳи ва саллам) субҳи рӯзи Ақаба дар ҳоле ки бар шутураш буд, фармуд: "Бароям сангреза ҷамъ кун". Барои ӯ ҳафт сангрезаи бузургтар аз нахуд ҷамъ кардам, онҳоро дар кафи дасташ мегардонд ва мефармуд: "Бо монанди инҳо рамй кунед" (шайтонро санг занед). Сипас фармуд:" Эй мардум! Аз ғулув ва зиёдаравӣ барҳазар бошед, зеро касонеро, ки пеш аз шумо буданд, ғулуви дар дин ҳалок кард."
[Саҳеҳ] - [رواه ابن ماجه والنسائي وأحمد] - [Сунани ибни Моҷаҳ - 3029]

Шарҳ

Ибни Аббос (разияллоҳу анҳу) хабар медиҳад, ки субҳи рӯзи санг задани ҷамраи Ақаба дар ҳаҷҷатул-вадоъ ҳамроҳи Паёмбар (саллаллоҳу алайҳи ва саллам) буд. Паёмбар (саллаллоҳу алайҳи ва саллам) ӯро амр кард, ки барояш сангреза ҷамъ кунад, пас барои Ӯ ҳафт сангреза овард, ки ҳар кадоми он ба ҳаҷми нахуд ё фундук буд. Паёмбар (саллаллоҳу алайҳи ва саллам) онҳоро дар дасташ гузошт ва таккон дод ва фармуд: Ба мисли ҳаҷми инҳо санг бизанед. Сипас Паёмбар (саллаллоҳу алайҳи ва саллам) аз ғулув ва зиёдаравӣ ва аз ҳад гузаштан дар умури дин ҳушдор дод. Зеро умматҳои пешин низ ба воситаи гузаштан аз ҳад ва ифроту сахтгирӣ дар дин, ҳалок шуданд.

Аз фоидаҳои ҳадис

1. Манъи ифротгароӣ дар дин ва шарҳ додани оқибати бади он ва сабаби ҳалокат будани он.
2. Ибрат гирифтан аз умматҳои пешин то аз хатогиҳои содиркардаашон канорагирӣ кунем.
3. Ташвиқ ба пайравӣ аз Суннат.