ჰადისი: ო, ხალხო, ფრთხილად იყავით რელიგიაში გადაჭარბებისგან, რადგან ნამდვილად, თქვენამდე მცხოვრებნი რელიგიაში გადაჭარბებამ დაღუპა!

عَنْ ابْنِ عَبَّاسٍ رضي الله عنهما قَالَ:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ غَدَاةَ الْعَقَبَةِ وَهُوَ عَلَى نَاقَتِهِ: «الْقُطْ لِي حَصًى» فَلَقَطْتُ لَهُ سَبْعَ حَصَيَاتٍ، هُنَّ حَصَى الْخَذْفِ، فَجَعَلَ يَنْفُضُهُنَّ فِي كَفِّهِ وَيَقُولُ: «أَمْثَالَ هَؤُلَاءِ فَارْمُوا» ثُمَّ قَالَ: «أَيُّهَا النَّاسُ، إِيَّاكُمْ وَالْغُلُوَّ فِي الدِّينِ، فَإِنَّما أَهْلَكَ مَنْ كَانَ قَبْلَكُمْ الْغُلُوُّ فِي الدِّينِ».
[صحيح] - [رواه ابن ماجه والنسائي وأحمد] - [سنن ابن ماجه: 3029]

გადმოცემულია იბნ აბბასისგან (ალლაჰი იყოს მათით კმაყოფილი), რომ მან თქვა:
«ალლაჰის შუამავალმა (ალლაჰის ლოცვა და მშვიდობა მას) დილით, როცა ის ქვების სროლის დღისთვის მთავარ სვეტთან იმყოფებოდა და თავის აქლემზე იჯდა, თქვა: «შემიგროვე ქვები». მე შევუგროვე მას შვიდი ქვა, რომლებიც სროლისთვის შესაფერისი იყო. მან ისინი ხელში აამოძრავა(რათა მტვერი მოეცილა) და თქვა: «ისროლეთ ასეთი ქვები». შემდეგ თქვა: «ო, ხალხო, ფრთხილად იყავით რელიგიაში გადაჭარბებისგან, რადგან ნამდვილად, თქვენამდე მცხოვრებნი რელიგიაში გადაჭარბებამ დაღუპა!»
[სანდო (საჰიჰ)] - [გადმოსცა იბნ მააჯამ, ალ-ნასაიმ და აჰმადმა] - [სუნან იბნ მააჯაჰ - 3029]

განმარტება

იბნ აბბასი (ალლაჰი იყოს მათით კმაყოფილი) ჰყვება, რომ ის ალლაჰის მოციქულთან (ალლაჰის ლოცვა და მშვიდობა მას) ერთად იყო მსხვერპლშეწირვის დღეს, დილას, როცა მოვიდა ქვების სროლის დრო მთავარ ბოძზე(ჯამრათულ 'აყაბა), გამოსამშვიდობებელი ჰაჯობის დროს, და მან უბრძანა, რომ მისთვის შეეგროვებინა ქვები მომავალი სროლისთვის. მან მოციქულისთვის (ალლაჰის ლოცვდა და მშვიდობა მას) შეაგროვა შვიდი კენჭი, ბარდის მარცვლის ან თხილის ზომის, და მოციქულმა (ალლაჰის ლოცვდა და მშვიდობა მას) ისინი თავის ხელისგულზე მოათავსა, შემდეგ კი დაიწყო მათი ამოძრავება ხელში და თქვა: ასეთი ზომის ქვები გამოიყენეთ სროლისას, ამის შემდეგ მოციქულმა (ალლაჰის ლოცვა და მშვიდობა მას) გააფრთხილა გადაჭარბებულობის, ზედმეტი სიმკაცრისა და ექსტრემიზმისკენ მიდრეკილებისგან რელიგიურ საქმეებში, რადგან წარსულში მცხოვრები ხალხები სწორედ უკიდურესობამ, გადაჭარბებულობამ და რელიგიაში ზედმეტმა სიმკაცრემ დაღუპა.