Ab Adiis: dangeen topp yooni ña leen jiitu woon, sibre ak sibre, loxo ak loxo

عَنْ أَبِي سَعِيدٍ الْخُدْرِيِّ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَتَتَّبِعُنَّ سَنَنَ الَّذِينَ مِنْ قَبْلِكُمْ، شِبْرًا بِشِبْرٍ، وَذِرَاعًا بِذِرَاعٍ، حَتَّى لَوْ دَخَلُوا فِي جُحْرِ ضَبٍّ لَاتَّبَعْتُمُوهُمْ» قُلْنَا: يَا رَسُولَ اللهِ آلْيَهُودَ وَالنَّصَارَى؟ قَالَ: «فَمَنْ؟».
[صحيح] - [متفق عليه] - [صحيح مسلم: 2669]

Jële nañu ci Abuu Sahiid Al-Xudriyu -yal na ko Yàlla dollee gërëm- mu wax ne: Yonnente Yàlla bi -yal na ko Yàlla dolli xéewal ak mucc- nee na:
«dangeen topp yooni ña leen jiitu woon, sibre ak sibre, loxo ak loxo, ba bu ñu duggoon ci paxum mbëtt ngeen topp leen ca" nu ne ko: yaw Yonnente Yàlla bi, ndax Yahuut yi la ak nasaraan yi? Mu ne: "bu dul ñoom ñan la?».
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Muslim bi gën a wér - 2669]

Leeral

Yonnente bi -yal na ko Yàlla dolli xéewal ak mucc- day xibaare nekkiinu ñenn ci aw xeetam ginnaaw jamonoom, te mooy topp yoonu Yahuut yi ak nasaraan yi ci seeni pas-pas ak seeni jëf ak seeni aada, ak seeni cosaan topp gu sew lool sibre ci sibre, loxo ci loxo, ba bu ñu duggoon ci paxum mbëtt sax ñoom ñu dugg ca topp ci seen ginnaaw.

Bokk na ci njariñi Adiis bi

1. Lii màndarga la ci màndargay ag yónnenteem ba tax mu xibaare loolu njëkk muy ñëw mu ame na mu ko waxe woon.
2. Tere nañu jullit ñi ñuy niru-nirulu yéefar yi, moo xam ci seeni pas-pas walla ci seen jaamu yi, walla ci seen aada yi, mbaa ci seeni coliin ya ñu jagoo.
3. Leeral bir yi ñuy xellu ci ay misaal yu ñuy daj dafa bokk ci xeeti jàngale yi ci Lislaam.
4. Mbëtt: aw rab la woo xamne paxam dafa lëndëm lool te xet gi xasaw lool, te mu bokk ci yiy darngu , lu bari la ci àll bi, lu tax nag ñu jagleel paxum mbëtt cig tudd mooy: li mu xat lool te ni mu bone, ànd ak loolu ñoom -ni ñuy toppe seen i jeexit ak seeni yoon- bu ñu duggoon ci lu xat lii te bon danañu leen fa topp! Yàlla mooy Aji-Dimbale ji.