Ҳадис: Дажжол ҳақида бирор пайғамбар ўз қавмига айтмаган хабарни айтайми? Билиб қўйингларки, Дажжолнинг (бир) кўзи ғилай (кўр). Жаннат ва дўзахга ўхшаш нарсалар билан келади

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«أَلاَ أُحَدِّثُكُمْ حَدِيثًا عَنِ الدَّجَّالِ، مَا حَدَّثَ بِهِ نَبِيٌّ قَوْمَهُ؟ إِنَّهُ أَعْوَرُ، وَإِنَّهُ يَجِيءُ مَعَهُ بِمِثَالِ الجَنَّةِ وَالنَّارِ، فَالَّتِي يَقُولُ إِنَّهَا الجَنَّةُ هِيَ النَّارُ، وَإِنِّي أُنْذِرُكُمْ كَمَا أَنْذَرَ بِهِ نُوحٌ قَوْمَهُ».
[صحيح] - [متفق عليه] - [صحيح البخاري: 3338]

Бу таржима қайта кўрилиши ва текширилиши кекак.

Абу Ҳурайра разияллоҳу анҳудан ривоят қилинади: «Расулуллоҳ соллаллоҳу алайҳи ва саллам:
«Дажжол ҳақида бирор пайғамбар ўз қавмига айтмаган хабарни айтайми? Билиб қўйингларки, Дажжолнинг (бир) кўзи ғилай (кўр). Жаннат ва дўзахга ўхшаш нарсалар билан келади. Бу жаннат деяётган нарсаси дўзах, Нуҳ ўз қавмини огоҳлантиргани каби мен ҳам сизларни огоҳлантираман», дедилар.
[Саҳиҳ] - [Муттафақун алайҳ] - [Саҳиҳи Бухорий - 3338]

Изоҳ

Набий соллаллоҳу алайҳи ва саллам бирорта пайғамбар ўз қавмига айтмаган дажжолнинг сифат ва аломатлари ҳақида хабар бердилар. Улардан:
Бир кўзи ғилай.
Аллоҳ таоло (инсон) кўзига кўриниши жиҳатидан у билан бирга худди жаннат ва дўзах каби нарсаларни қилиб қўйди.
Лекин унинг жаннати дўзах ва дўзахи жаннат. Ким унга итоат қилса одамларга жаннатдай кўринадиган, аслида эса дўзах бўлган жойга киргизади. Ким унга осийлик қилса, одамларга дўзахдай кўринадиган, аслида эса, пок жаннатга киргизади. Сўнгра Нуҳ алайҳиссалом ўз қавмини қайтаргани каби Набий соллаллоҳу алайҳи ва саллам ҳам бизни қайтардилар.

Ҳадиснинг фойдалари

1. Дажжол фитнасининг хавфи.
2. Инсон дажжол фитнасидан содиқ иймон, Аллоҳга илтижо қилиш, охирги ташаҳҳудда Аллоҳдан паноҳ сўраш ва Каҳф сурасининг аввалги ўн оятини ёдлаш билан қутулади.
3. Набий соллаллоҳу алайҳи ва салламнинг умматларига бўлган ғамхўрликлари, чунки Дажжолнинг бошқа пайғамбарлар сифатламаган сифатларини баёнлаб бердилар.