Hadith: ئه‌ز ب وی كه‌مه‌ یێ نه‌فسا موحه‌ممه‌دی د ده‌ستیدا؛ ئامانێن وێ زێدەترن ژ هژمارا ستێر و هه‌ساره‌یێن ئه‌سمانی د شه‌ڤه‌كا تاڕی و ساهيدا

عَنْ أَبِي ذَرٍّ رضي الله عنه قَالَ:
قُلْتُ: يَا رَسُولَ اللهِ مَا آنِيَةُ الْحَوْضِ؟ قَالَ: «وَالَّذِي نَفْسُ مُحَمَّدٍ بِيَدِهِ لَآنِيَتُهُ أَكْثَرُ مِنْ عَدَدِ نُجُومِ السَّمَاءِ وَكَوَاكِبِهَا، أَلَا فِي اللَّيْلَةِ الْمُظْلِمَةِ الْمُصْحِيَةِ، آنِيَةُ الْجَنَّةِ مَنْ شَرِبَ مِنْهَا لَمْ يَظْمَأْ آخِرَ مَا عَلَيْهِ، يَشْخَبُ فِيهِ مِيزَابَانِ مِنَ الْجَنَّةِ، مَنْ شَرِبَ مِنْهُ لَمْ يَظْمَأْ، عَرْضُهُ مِثْلُ طُولِهِ، مَا بَيْنَ عَمَّانَ إِلَى أَيْلَةَ، مَاؤُهُ أَشَدُّ بَيَاضًا مِنَ اللَّبَنِ، وَأَحْلَى مِنَ الْعَسَلِ».
[صحيح] - [رواه مسلم] - [صحيح مسلم: 2300]

ژ ئه‌بو زەڕی (خودێ ژێ ڕازی بیت) گۆت:
من گۆت: ئه‌ی پێغه‌مبه‌رێ خودێ؛ ئه‌رێ ئامانێن ل سه‌ر حه‌وزێ چه‌ندن؟ گۆت: ((ئه‌ز ب وی كه‌مه‌ یێ نه‌فسا موحه‌ممه‌دی د ده‌ستیدا؛ ئامانێن وێ زێدەترن ژ هژمارا ستێر و هه‌ساره‌یێن ئه‌سمانی د شه‌ڤه‌كا تاڕی و ساهيدا، ترار و ئامانێن به‌حه‌شتێ د وه‌سانه‌ هه‌ر كه‌سێ جاره‌كێ ژێ ڤه‌خۆت؛ ئێدی جاره‌كا دی ئه‌و تێهنی نابیت، دوو جۆك ژ به‌حه‌شتێ د ڕێژنه‌ سه‌ر وێ حه‌وزێ، هه‌ر كه‌سێ ژێ ڤه‌خۆت؛ ئێدی ئه‌و تێهنی نابیت، پاناتییا وێ هندی درێژاهییا وێیه‌، هندی د ناڤبه‌را عه‌مان و ئه‌یله‌یێدایه‌، ئاڤا وێ ژ شیری سپیتره‌ و ژ هنگڤینی شرینتره‌)).
[صحيح] - [رواه مسلم] - [صحيح مسلم - 2300]

Explanation

پێغه‌مبه‌ر (صه‌لات و سه‌لامێن خودێ ل سه‌ر) سویند دخۆت كو ل ڕۆژا قیامه‌تێ ترار و ئامانێن سه‌ر حه‌وزا وی ژ هژمارا ستێر و هه‌ساره‌یێن ئه‌سمانی زێده‌ترن، ئه‌ڤه‌ ژی د شه‌ڤا تاڕیدا دیار دبیت، ده‌مێ هه‌یڤ ل ئه‌سمانی دیار نه‌كه‌ت، چونكی ئه‌و شه‌ڤا هه‌یڤ ل ئه‌سمانی دیار دكه‌ت و یا پڕ بیت؛ ستێر ب باشی دیار ناكه‌ن و د ڕۆهن نابن، ژ به‌ر كو ڕۆناهییا وان ژ به‌ر ڕۆناهییا هه‌یڤێ به‌رزه‌ دبیت، كا چاوا د وێ شه‌ڤا چ عه‌ور ژی ل ئه‌سمانی نه‌بن دیار دبیت، چونكی هه‌بوونا عه‌وران دبیته‌ ڕێگر مرۆڤ ستێران ببینیت، ئامان و ترارێن به‌حه‌شتێ د وه‌سانه‌ هه‌ر كه‌سێ جاره‌كێ ژێ ڤه‌خۆت؛ ئێدی جاره‌كا دی تێهنی نابیت و ئه‌ڤه‌ دێ بیته‌ دویماهیك جار ئه‌و كه‌س تێدا تێهنی بووی و هه‌ست ب تێهنێ كری، حه‌وزا وی ژی دوو جۆك ژ به‌حه‌شتێ د ڕێژنه‌ سه‌ر، پاناتییا وێ هندی درێژاهییا وێیه‌، ئانكو درێژی و پانییا حه‌وزێ هندی ئێكه‌، درێژاهییا وێ ژی هندی وێ درێژاهی و ڕووبه‌رییه‌ یێ د ناڤبه‌را عه‌مانێدا كو باژێره‌كه‌ ل به‌لقائێ ل شامێ و ئه‌یله‌یێدا هه‌ی كو باژێره‌كێ ناڤداره‌ ل لایه‌كێ شامێ، ئاڤا حه‌وزێ ژ شیری سپیتره‌ و تاما وێ ژ تاما هنگڤینی خۆشتر و شرینتره‌.

Benefits from the Hadith

1. بنه‌جهكرن و سه‌لماندنا حه‌وزێ و ئه‌و قه‌نجی و خۆشییێن تێدا هه‌ین.
2. مه‌زناهییا حه‌وزێ و درێژاهی و پاناتییا وێ و گه‌له‌كییا هژمارا ترار و كۆپێن وێ.