Hadiis: ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye

عَنْ عُمَرَ رَضِيَ اللَّهُ عَنْهُ:
أَنَّهُ جَاءَ إِلَى الحَجَرِ الأَسْوَدِ فَقَبَّلَهُ، فَقَالَ: إِنِّي أَعْلَمُ أَنَّكَ حَجَرٌ، لاَ تَضُرُّ وَلاَ تَنْفَعُ، وَلَوْلاَ أَنِّي رَأَيْتُ النَّبِيَّ صَلَّى اللهُ عَلَيْهِ وَسَلَّمَ يُقَبِّلُكَ مَا قَبَّلْتُكَ.
[صحيح] - [متفق عليه] - [صحيح البخاري: 1597]

Yii a ʿƲmar nengẽ (Wẽnd yard be a yinga):
T'a waa kug-sabεllẽ wã n mõk-a, n yeele: « ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1597]

bilgrã

Muunim-rãmbã taoor soabã a ʿƲmar ɭbn Al-hattaabe, a waa kug-sabellẽ wã sẽn be Mak Alkaabã sẽkẽ wã, n mõk-a la a yeele, ad mam miime tɩ fo yaa kugri, f ka tõe n namse, f ka tõe n nafe, la sã n ka mam sẽn yẽ Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag kõn n mõk-f ye.

Sẽn be Hɑdiisã yõod-rãmbẽ

1. Sãri wã sẽn maand tɩ b mõk kug-sabellã, neb nins sẽn gilgd Roogã, b sẽn wat n yεgl-a tɩ sã n mik tɩ tõeeme n mõk-a-la naana.
2. B sẽn rat bũmb ning kug-sabellã mõkrẽ wã, yaa Wẽnd Tẽn-tʋʋmã pʋgb la a tũub sabab yĩnga (Wẽnd pʋʋsg lɑ A tɩlgr be ɑ yĩngɑ).
3. A An-nawawiy (Wẽnd na yols-a) a yeelame: a maanã wã yaa tɩ kugrã ka tar tõog n tõe n nafe, a ka tar tõog n tõe n namse, la a yaa kugr b sẽn naan-a wala bõn-naandsã fãa, sẽn ka tõe n nams la ka tõe n nafã, la d zu-soab a ʿƲmar sẽega yel-kãngã hagiimdã sasa, sẽn na yɩl tɩ tẽmsã fãa maan kaset la b bãng yel-kãngã yẽ nengẽ, la watbã tẽms sẽn yaa toor-toorã bãng yel-kãngã la b gũus yel-kãngã n duls-a yẽ nengẽ.
4. Wilgdame tɩ tũud-rãmbã yaa sãri wã sẽn riglgã, rẽnd ka wat n tuk sor a pʋgẽ sã n ka bũmb ning Wẽnd la A Tẽn-tʋʋmã sẽn tuk-a ye.
5. Tũudum sã n manege, b tʋmda ne-a, baa tɩ f ka mi a yõodã; bala nebã sak-n-tũ wã la b pʋgbã ne yals ne tũudmã, yẽ me yaa yam-bedr la yõod-rãmba b sẽn ratã.
6. Gɩdgame tɩ b wa tʋg n mõk bũmb ning sãri wã sẽn ka togs tɩ b mõk ye, tɩ yaa tũudum buudu, sẽn yaa kug la zẽng sẽn ka rẽ.