Hadiis: Nabiyaamã (Wẽnd pʋʋsg la A tɩlgr be a yĩnga) ra yɩɩme tɩ sɩng ne rɩtgã n noom-a, a neoodr widbẽ la a zug sãasgẽ, la a yɩlgrẽ, la a yεlã fãa pʋgẽ

عَنْ عَائِشَةَ أُمِّ المُؤمنينَ رضي الله عنها قَالَتْ:
كَانَ النَّبِيُّ صَلَّى اللهُ عَلَيْهِ وَسَلَّمَ يُعْجِبُهُ التَّيَمُّنُ، فِي تَنَعُّلِهِ، وَتَرَجُّلِهِ، وَطُهُورِهِ، وَفِي شَأْنِهِ كُلِّهِ.
[صحيح] - [متفق عليه] - [صحيح البخاري: 168]

Yii a ʿAaɩša sẽn yaa muunim-rãmbã ma wã nengẽ, (Wẽnd yard be a yĩnga), a yeelame:
Nabiyaamã (Wẽnd pʋʋsg la A tɩlgr be a yĩnga) ra yɩɩme tɩ sɩng ne rɩtgã n noom-a, a neoodr widbẽ la a zug sãasgẽ, la a yɩlgrẽ, la a yεlã fãa pʋgẽ.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 168]

bilgrã

Nabiyaamã (Wẽnd pʋʋsg la A tɩlgr be a yĩnga) ra yɩɩme n nongẽ la a sãoogdẽ, n sɩngd ne a rɩtgã yεl nins fãa sẽn sõmb ne waoogrã, sẽn be a pʋgẽ: yaa ned sẽn na n sɩng ne rɩtgo, neoodr widbu, la a sɩng ne rɩtgo a zoobd la a toεεng sãasgẽ la a kaam sõobẽ, la a koom yõgbẽ a rengda rɩtgo n yaool n wa goabga, nusẽ wã la a naoẽ wã.

Sẽn be Hɑdiisã yõod-rãmbẽ

1. A An-nawawɩy yeelame: wãnde yaa zeng-raoogo sẽn kell n tongdẽ balɑ sãri wã pʋgẽ, la rẽ yaa tɩ bũmb ning sẽn yaa waoogrã la zɩsgrã, wala fut yeelgo la kurs tãoobo la na-wʋʋd suiibu, la misg ningri, la rao-wãbdga la kɩro ningri la nus-yẽes wõrsgo la no-kõbd wõrsgo la zoobd sãasgo la kõbd tõsbo, la zug põngre, la sallem ningr Pʋʋsgẽ wã la yĩn-wilã pekr yɩlgrẽ wã, la we-kεεngẽ yiibu, la rɩɩbẽ la yũubẽ, la Pʋʋsgo, la Kug-sabellã mokr Maka, la zẽng sẽn ka rẽnda, sẽn kẽed woto maanã, b bʋʋ nonglem tɩ b sɩng ne rɩtgo. La sã n yaa bũmb sẽn yɑɑ wãnde tullã; wɑlɑ ko-soodgẽ kẽebo, la miisr pʋg yiibẽ, lɑ koom zẽkre, la fuug la kuirg yeegre, la na-wʋʋd yãkre, la sẽn wõnd rẽnda b bʋʋ nonglem tɩ b reng n sɩng ne goabga, la wãnde fãa yaa rɩtg waoogr la a zɩsgre.
2. B sẽn yeel tɩ "Rɩtgã sɩngrã" noom-a lame wã, a gũbga sɩngr tʋʋmã fãa pʋgẽ ne rɩtg nugã la rɩtg nɑoorã, la rɩtg wεεngẽ, la bũmb rɩkre la a kɩsbo ne rɩtgo.
3. A An-nawawɩy yeelame: bãnge, tɩ ad koomã yõgb yĩn-wilẽ wã bee beenẽ, b sẽn ka bʋ nonlem tɩ b sɩng ne rɩtg ye, la bãmb la tʋb a yiibã la tal a yiibã la yεgds a yiibã, bãmba b kelled n pek-b-la vugr tãa bala, la sã n ka tõog woto, wala ned ning nug sẽn kʋrge, la sẽn wõnd rẽnda; a sɩngda rɩtgã.