Хадис: Аллахтын элчиси (ага Аллахтын тынчтыгы жана мактоосу болсун) бут кийим кийгенде, чач-сакалын тараганда, даарат алганда, деги ар бир ишинде оң жагынан баштоону жакшы көрөт эле
عَنْ عَائِشَةَ أُمِّ المُؤمنينَ رضي الله عنها قَالَتْ:
كَانَ النَّبِيُّ صَلَّى اللهُ عَلَيْهِ وَسَلَّمَ يُعْجِبُهُ التَّيَمُّنُ، فِي تَنَعُّلِهِ، وَتَرَجُّلِهِ، وَطُهُورِهِ، وَفِي شَأْنِهِ كُلِّهِ.
[صحيح] - [متفق عليه] - [صحيح البخاري: 168]
المزيــد ...
Ыймандуулардын энеси Айша (ага Аллах ыраазы болсун) айтат:
Аллахтын элчиси (ага Аллахтын тынчтыгы жана мактоосу болсун) бут кийим кийгенде, чач-сакалын тараганда, даарат алганда, деги ар бир ишинде оң жагынан баштоону жакшы көрөт эле.
[Сахих (ишенимдүү)] - [Муттафакун алайхи (хадистин ишенимдүүлүгүнө бир ооздон макулдашылган)] - [Сахих ал-Бухари - 168]
Пайгамбарыбыз (ага Аллахтын тынчтыгы жана мактоосу болсун) жакшы иштердин баарын оң колу менен баштаганды артык көрчү. Мисалы: Бут кийимин кийгенде он бутун биринчи кийчү. Чачын, сакалын тараганда же майлаганда оң жагынан баштачу. Даарат алып колдорун жана буттарын жууганда оң жагын биринчи жуучу.
Хадистин пайдалары
- Навави минтип айткан: "Шарияттагы оң жактан баштоо эрежеси, ошол нерсени кадырлоо болуп эсептелет. Мисалы: кийим кийүүдө, мечитке кирүүдө, мисвак колдонууда, көзгө сурма коюда, тырмактарды алууда, мурутту кыскартууда, чачты тароодо, колтуктун жүнүн алууда, чач алганда, намазды бүтүрүп салам бергенде, дааратта дене мүчөлөрүн жууганда, даараткандан чыкканда, жегенде, ичкенде, көрүшкөндө, Каабада кара ташты сылаганда ж.б. иштерде оң жагынан баштоо. Ал эми мунун тескерисинде, дааратканага киргенде, мечиттен чыкканда, чимкиргенде, истинжа кылганда, кийимин, шымын, маасысын ж.б. кийимин чечкенде сол жагынан баштоо жакшы. Мунун баары оң жактын артыкчылыгы үчүн.
- "Оң жакты жакшы көрөт эле" дегени, кыймылды оң кол жана оң бут менен баштоону, оң тарапты (оң жакта отуруу, оң жакты карап жатуу, саламдашканда оң жактагы кишиден баштап саламдашуу ж.б.) жана бир нерсени бергенде оң тараптагы адамдан баштап берүүнү ж.б. ичине камтыйт.
- Навави минтип айткан: "Даарат алганда жуула турган мүчөлөрдөн оң жактан башталбай, бирдей жуула тургандары да бар. Булар: эки кулак, эки алакан жана эки жаак. Буларды бирдей бир убакта жуу керек. Эгерде бир колу кесилген болуп, же дагы башка бир себеп менен бул мүчөлөрүн бирдей жууй албаса, анда оң тарабын биринчи жуу керек.
Категориялар
Дагы...
- Хадис: Аллахтын Элчиси, саллаллаху алейхи уа салламдын, кырк жашында вахий түшкөн. Меккеде он үч жыл болду, андан соң хижрат кылууга буюрулду. Мындан улам Мадинага хижрат кылды, ошондо ал жерде он жыл болду. Андан соң Пайгамбар, саллаллаху алейхи уа саллам, дүйнөдөн кайтты
- Хадис: Аллахтын элчиси (ага Аллахтын тынчтыгы жана мактоосу болсун) чүчкүргөндө колун же кийиминин бир учун оозуна тосуп, ошо менен үнүн басаңдатчу