Хадис: „Веровесникот, салаллаху алејхи ве селем, преферираше да започнува со десната страна при обувањето обувки, чешлањето, земањето абдест и во сите свои постапки.“

عَنْ عَائِشَةَ أُمِّ المُؤمنينَ رضي الله عنها قَالَتْ:
كَانَ النَّبِيُّ صَلَّى اللهُ عَلَيْهِ وَسَلَّمَ يُعْجِبُهُ التَّيَمُّنُ، فِي تَنَعُّلِهِ، وَتَرَجُّلِهِ، وَطُهُورِهِ، وَفِي شَأْنِهِ كُلِّهِ.
[صحيح] - [متفق عليه] - [صحيح البخاري: 168]

Мајката на верниците, Аиша, Аллах нека е задоволен со неа, раскажува:
„Веровесникот, салаллаху алејхи ве селем, преферираше да започнува со десната страна при обувањето обувки, чешлањето, земањето абдест и во сите свои постапки.“
[صحيح] - [متفق عليه] - [صحيح البخاري - 168]

Објаснување

Веровесникот, салаллаху алејхи ве селем, преферирал и давал предност на започнувањето со десната страна при почесните работи, како што се: Обувањето обувки, почнувајќи со десната нога.
Чешлањето и средувањето на косата и брадата, како и нанесувањето масло.
При земањето абдест, прво ги миел десната рака и десната нога, а потоа левата.

من فوائد الحديث

1. Имамот Невеви рекол:
2. „Ова е постојан принцип во шеријатот – сè што спаѓа во категоријата на почесни и достоинствени работи, како што се облекувањето облека, панталони и обувки, влегувањето во џамија, користењето мисвак, ставањето сурма, сечењето нокти, кратењето мустаќи, чешлањето и средувањето на косата, отстранувањето на влакна од пазувите, бричењето на главата, завршувањето на намазот со селам, миењето на деловите од телото при абдест, излегувањето од тоалет, јадењето и пиењето, ракувањето, допирањето на црниот камен и сè што е од слично – се препорачува да се започне со десната страна.
3. А сè што е спротивно на ова, како што се влегувањето во тоалет, излегувањето од џамија, чистењето на носот, миењето по нужда, соблекувањето облека, панталони и обувки и слично – се препорачува да се започне со левата страна.
4. Сето ова е поради почеста и вредноста на десната страна.“
5. „Преферираше да започнува со десната страна“ – ова вклучува започнување на постапките со десната рака, десната нога, десната страна од телото и користење на предмети со десната рака.
6. Имамот Невеви рекол:
7. „Знај дека кај некои делови на телото при абдестот не се препорачува да се дава предност на десната страна, како што се ушите, дланките и образите, туку тие се мијат истовремено. Сепак, ако тоа не е возможно, како кај оној што има недостиг на екстремитет (дел од телото, како на пример ако нема една рака), тогаш ќе му даде предност на десната страна.“