Ab Adiis: Yonnente bi yal na ko Yàlla dolli xéewal ak mucc ndayjoor daan na ko yéem ci buy sol dàll, ak buy peñewu, ak buy laab, ak ci mbiram yépp

عَنْ عَائِشَةَ أُمِّ المُؤمنينَ رضي الله عنها قَالَتْ:
كَانَ النَّبِيُّ صَلَّى اللهُ عَلَيْهِ وَسَلَّمَ يُعْجِبُهُ التَّيَمُّنُ، فِي تَنَعُّلِهِ، وَتَرَجُّلِهِ، وَطُهُورِهِ، وَفِي شَأْنِهِ كُلِّهِ.
[صحيح] - [متفق عليه] - [صحيح البخاري: 168]

Jële nañu ci Aysatu ndayu jullit ñi-yal na ko Yàlla dollee gërëm- mu wax ne:
Yonnente bi yal na ko Yàlla dolli xéewal ak mucc ndayjoor daan na ko yéem ci buy sol dàll, ak buy peñewu, ak buy laab, ak ci mbiram yépp.
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 168]

Leeral

Yonnente bi yal na ko Yàlla dolli xéewal ak mucc daan na bëgg di gënale ci tàmbalee ndayjoor ci mbiram yi yelloo teral, te bokk na ca: Nit ki tàmbali ci tànku ndayjooram bu dee sol dall, mu tàmbalee ci ndayjoor bu dee peñe kawaru boppam ak sikkimam ak di leen diw, ak buy jàppu mu jiital tànku ndayjooram ci bu càmmoñ bi ci loxo yi ak ci tànk yi.

Bokk na ci njariñi Adiis bi

1. An-Nawawii nee na: lii ab tënk la bu boy ci sariiha, te mooy ne lépp lu nekk ci buntub teral ak teddnga niki sol yére ak tubay ak ay saŋ ak dugg jàkka ak socc ak tusngalu, ak lelli ay we, ak jemp mustaas, ak peñe kawar, ak suqi poqtaan, ak wat bopp, ak sëlmal ci julli gi, ak raxas céri laab yi, ak génn ci wanag, ak lekk ak naan, ak saafonte
2. ak laal Hajarul-Aswad, ak yu mel noonu ñu sopp ci tàmbalee ndayjoor, bu dee safaan ba nag niki dugg ci wanag, ak génn ci jàkka, ak ñandu ak fompu, ak summi yére ak tubëy ak ay saŋ ak yu ko niru, dees na ci sopp tàmbalee càmmoñ, loolu lépp nag ngir teddngay ndayjoor ak sellam.
3. "ndayjoor daan na ko yéem", day làmboo tàmbalee jëf yi ci loxo ndayjoor, ak tànku ndayjoor, ak wetu ndayjoor, ak jël dara ci ndayjoor.
4. An-Nawawii nee na: xamal ne am na ci céri jàppu yi yu ñu soppul a tàmbalee ndayjoor; te mooy ñaari nopp yi, ak ñaari ténq yi, ak ñaari lex yi, waaye dañu leen di laabal benn yoon, bu loolu manul nek niki ki benn loxo bi dagg ak lu ni mel; kon day jiital ndayjoor bi.