Hadiis: Yaa bõe n tar neb tɩ b yet tɩ woto la woto? La ad mam pʋʋsdame la m gãandedẽ, la m loet noore la m kaoodẽ, la m loet pagb furi, rẽnd ned ning sẽn basa mam Sũnnah, a ka be mam sagellã tũudum pʋgẽ ye

عَنْ أَنَسٍ رضي الله عنه:
أَنَّ نَفَرًا مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ سَأَلُوا أَزْوَاجَ النَّبِيِّ صَلَّى اللهُ عَلَيْهِ وَسَلَّمَ عَنْ عَمَلِهِ فِي السِّرِّ؟ فَقَالَ بَعْضُهُمْ: لَا أَتَزَوَّجُ النِّسَاءَ، وَقَالَ بَعْضُهُمْ: لَا آكُلُ اللَّحْمَ، وَقَالَ بَعْضُهُمْ: لَا أَنَامُ عَلَى فِرَاشٍ، فَحَمِدَ اللهَ وَأَثْنَى عَلَيْهِ، فَقَالَ: «مَا بَالُ أَقْوَامٍ قَالُوا كَذَا وَكَذَا؟ لَكِنِّي أُصَلِّي وَأَنَامُ، وَأَصُومُ وَأُفْطِرُ، وَأَتَزَوَّجُ النِّسَاءَ، فَمَنْ رَغِبَ عَنْ سُنَّتِي فَلَيْسَ مِنِّي».
[صحيح] - [متفق عليه] - [صحيح مسلم: 1401]

Yii a Anas nengẽ, (Wẽnd yard be a yĩnga):
Tɩ neb saar sẽn yi Nabiyaamã Ṣahaabsẽ wã (Wẽnd pʋʋsg la A tɩlgr be a yĩnga) n sok Nabiyaamã pagbã (Wẽnd pʋʋsg la A tɩlgr be a yĩnga) Nabiyaamã tʋʋm sẽn solge? Tɩ b sãnda yeele: m ka na n fur pagb ye, la sãnda yeele: m ka na n wãb nemd ye, tɩ sãna yeele: m kõn n gãand pĩir zugu, tɩ Nabiyaamã pẽg Wẽnde la a soees-A, rẽ poorẽ t'a yeele:«Yaa bõe n tar neb tɩ b yet tɩ woto la woto? La ad mam pʋʋsdame la m gãandedẽ, la m loet noore la m kaoodẽ, la m loet pagb furi, rẽnd ned ning sẽn basa mam Sũnnah, a ka be mam sagellã tũudum pʋgẽ ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1401]

bilgrã

Ṣahaabs sãnda, (Wẽnd yard be b yĩnga), n wa Nabiyaamã pagb zagsẽ (Wẽnd pʋʋsg la A tɩlgr be a yĩnga) n sokd tʋʋm ning sẽn solge a zãkẽ wã, la b sẽn wa n togs-ba, yaa wala b gesame tɩ (b tʋʋmã) yaa kɩdga, tɩ b yeele: La tõnd bεε ne Nabiyaamã (Wẽnd pʋʋsg la A tɩlgr be a yĩnga)? Bala Wẽnd yaafa Nabiyaamã sẽn reng taoor la sẽn yaoole, la ned ning sẽn ka mi tɩ b yaafa a zũnuubã, a tara tʋlsem n na n wʋsg tũudmã, raare a na paam a zũnuubã yaafgo. Rẽ poorẽ tɩ b sãnda yeele: m ka na n loe pagb fur ye. La b sãnda yeele: mam ka rɩt nemd ye. La sãnda yeele: m ka na n gãand pĩir zug ye. Tɩ woto ta Nabiyaamã (Wẽnd pʋʋsg la A tɩlgr be a yĩnga), t'a gẽ la a gom ne nebã n pẽg Wẽnde, la a soees-A, la a yeele: Yaa bõe n tar nebã tɩ b yet tɩ woto la woto?! M wẽen ne Wẽnde, ad maam n yɩɩd yãmb ne Wẽnd yεεsgo, la m yɩɩd yãmb ne Wẽn-zoεεga, ad mam gãandame sẽn na yɩl n paam pãnga n yik n pʋʋse, la m kaood noore, sẽn na yɩl n paam pãng n loe, la m loet pagb furi, rẽnd ned ning sẽn wa n tʋg n balla n bas mam sorã, n neẽ tɩ pidb bee zẽng sẽn ka yẽ, la a rɩk zẽng sẽn ka mam sorã, a ka be ne maam ye.

Sẽn be Hɑdiisã yõod-rãmbẽ

1. Wilgda Ṣahaabsã (Wẽnd yarb be b yĩnga) b sẽn nong sõmã wã la b tar yamleoog ne rẽ la b Nabiyãamã (Wẽnd pʋʋsg la A tɩlgr be a yĩnga) tikri.
2. Wilgda sãri-kãngã sẽn tar yol-yole la a tar bas-tɩ-loog sẽn yaa a Nabiyaamã (Wẽnd pʋʋsg la A tɩlgr be a yĩnga) tʋʋmã la a kãndgrã la a rɩk yã.
3. Sõmã wã la barkã b bee Nabiyaamã (Wẽnd pʋʋsg la A tɩlgr be a yĩnga) tikrã pʋgẽ la a halhaal waglã wã pʋgbo.
4. Yaa b sẽn bugs tɩ f ra wa keng f menga tũudmã pʋgẽ ne bũmb ning sẽn ka tõe, la ad yel-kãng yaa Bidah wã rãmb halhaale.
5. A ɭbn Hagar (Wẽnd na yols-a) yeelame: kengr tũudmã pʋgẽ wã a wat n kẽesa yam yiisgu sẽn tõe n yalsg tʋʋmdã menga la rẽ tablg kʋʋg koeεg faril-rãmbẽ wã bilg-n-taare, la bas naafɩl-rãmbã maanego yẽ me wat n kẽesa ned kʋɩɩngo la yĩn-yẽegr kaalem tũudmã pʋgẽ, la yεlã sõmã sẽn yɩɩda yaa b tẽng-n-sʋgre.
6. Be a pʋgẽ tɩ b bao n bãng nin-bεdã halhaal-rãmbã, sẽn na yɩl n tik-ba la b maan togs-n-taar ne b tʋʋmẽ wã, sã n ka tõe n bãng rapẽ wã sakdame tɩ b sok pagbã n bãng a võore.
7. Be a pʋgẽ tɩ b maan waazʋ la b togs bãngrã masaal-rãmbã la b vẽneg sãri wã bʋʋd n togs baaligsã la b yiis yel-gĩtɩ nins sẽn be ne nidg pãng rãmbã.
8. Yaa sẽn sagl tɩ b maan bʋg-bʋg tũudmã pʋgẽ n lagem ne b gũusg la b ra yεεb-ba, sẽn lagem faril-rãmbã la naafɩl-rãmbã, sẽn na yɩl tɩ lɩslaam gũus zẽng sẽn ka bãmbã hakε-rãmb sẽn zao a zugã.
9. Hadiisã pʋga, wilgda fur loεεga, yɩɩdlem ning sẽn be a pʋgẽ la b kẽesd yamleoog ne-a.