ჰადისი: მეც ვიცი, რომ შენ მხოლოდ ქვა ხარ, არც სარგებელი მოგაქვს და არც ზიანი, მაგრამ რადგან ვნახე, რომ ალლაჰის მოციქული (ალლაჰის ლოცვა და მშვიდობა მას) გკოცნიდა, ამიტომ მეც გკოცნი

عَنْ عُمَرَ رَضِيَ اللَّهُ عَنْهُ:
أَنَّهُ جَاءَ إِلَى الحَجَرِ الأَسْوَدِ فَقَبَّلَهُ، فَقَالَ: إِنِّي أَعْلَمُ أَنَّكَ حَجَرٌ، لاَ تَضُرُّ وَلاَ تَنْفَعُ، وَلَوْلاَ أَنِّي رَأَيْتُ النَّبِيَّ صَلَّى اللهُ عَلَيْهِ وَسَلَّمَ يُقَبِّلُكَ مَا قَبَّلْتُكَ.
[صحيح] - [متفق عليه] - [صحيح البخاري: 1597]

გადმოცემულია უმარისგან (ალლაჰი იყოს მისით კმაყოფილი):
«ის მოვიდა შავ ქვასთან (ალ-ჰაჯარ ალ-ასვადთან) აკოცა მას და შემდეგ თქვა: მეც ვიცი, რომ შენ მხოლოდ ქვა ხარ, არც სარგებელი მოგაქვს და არც ზიანი, მაგრამ რადგან ვნახე, რომ ალლაჰის მოციქული (ალლაჰის ლოცვა და მშვიდობა მას) გკოცნიდა, ამიტომ მეც გკოცნი».
[სანდო (საჰიჰ)] - [შეთანხმებული] - [საჰიჰ ალ-ბუხარი - 1597]

განმარტება

მარლთმორწმუნეების მმართველი უმარ იბნ ალ-ხატაბმა (ალლაჰი იყოს მისით კმაყოფილი) მივიდა შავ ქვასთან (ალ-ჰაჯარ ალ-ასვადთან) ქააბას კუთხეში და აკოცა მას, შემდეგ თქვა: მე ვიცი, რომ შენ მხოლოდ ქვა ხარ, არც სარგებლის მოტანა შეგიძლია და არც რაიმე ზიანის, მაგრამ რადგან ვნახე, რომ მოციქული (ალლაჰის ლოცვა და მშვიდობა მას) გკოცნიდა, ამიტომაც გკოცნი შენ.

ჰადისის სარგებლობიდან

1. შავი ქვის (ალ-ჰაჯარ ალ-ასვად) კოცნა დადგენილია ტავაფის შემსრულებელთათვის, როდესაც მათ სურთ მიაღწიონ მასთან და თუ ეს შესაძლებელია მარტივად.
2. შავი ქვის (ალ-ჰაჯარ ალ-ასვად) კოცნის მიზანი არის მოციქულ მუჰამმადზე (ალლაჰის ლოცვა და მშვიდობა მას) მიბაძვა.
3. ან-ნავავიმ თქვა: ეს ნიშნავს, რომ შავ ქვას არ აქვს ძალა ზიანის მიყენებისა, არც სარგებლის მოტანისთვის, და რომ ეს არის შექმნილი ქვა, როგორც სხვა ქმნილებები, რომლებიც არ აყენებენ ზიანს და არ გვაწვდიან სარგებელს, უმარმა გაავრცელა ჰაჯობის დროს ეს სიტყვები, რათა გავრცელებულიყო სხვადასხვა ქვეყნებში და გავრცელებულიყო მათ შორის, ვინც იმ დროს სხვადასხვა ქვეყნებიდან იმყოფებოდა.
4. თაყვანისცემები არის შეზღუდული; მხოლოდ ის არის დასაშვები, რაც ალლაჰმა და მისმა მოციქულმა დაადგინეს.
5. თუ თაყვანისცემა სწორია, ის უნდა შესრულდეს, მიუხედავად იმისა, რომ შესაძლოა მისი სიბრძნე არ იყოს ცნობილი. რადგან ადამიანთა მორჩილება და მოქმედება ამ დადგენილებების შესაბამისად უკვე თავად წარმოადგენს დანიშნულ სიბრძნეს.
6. აკრძალულია კოცნა, რომელიც არ არის განსაზღვრული შარიათით როგორც თაყვანისცემის აქტები, როგორიცაა სხვადასხვა ქვა და სხვა ნივთები.