ဟဒီးဆ်: အို-ကောင်လေး ငါကိုယ်တော် သင့်အား အချို့ သောစကားရပ်များကို သင်ကြားပေးတော်မူမည်။ သင်အလ္လာဟ်အရှင်မြတ်၏ အမိန့်တော်များကို(လိုက်နာပြီး) ထိန်းသိမ်းပါလေ။ အရှင်မြတ်သည် သင့်အား ထိန်းသိမ်းစောင့်ရှောက်တော်မူမည်။ အလ္လာဟ်အရှင်မြတ်၏ အမိန့်တော်များကို (လိုက်နာပြီး) ထိန်းသိမ်းပါလေ။ အလ္လာဟ်အရှင်မြတ်သည် သင့်အရှေ့မှ ကူညီတော်မူလိမ့်မည်။ သင်တောင်းခံမည်ဆိုပါက အလ္လာဟ်အရှင်မြတ်ထံတော်တွင်သာ တောင်းခံပါ။ သင်အကူအညီတောင်းမည်ဆိုပါကလည်း အလ္လာဟ်အရှင်မြတ်ထံတော်တွင်သာ အကူအညီတောင်းခံပါ။

عن عبد الله بن عباس رضي الله عنهما قال: كنت خلف النبي صلى الله عليه وسلم يوماً فقال يا غلام، إني أعلمك كلمات: «احْفَظِ اللهَ يحفظْك، احفظ الله تَجِدْه تُجَاهَك، إذا سألت فاسأل الله، وإذا اسْتَعَنْتَ فاسْتَعِن بالله، واعلمْ أن الأمةَ لو اجتمعت على أن ينفعوك بشيء لم ينفعوك إلا بشيء قد كتبه الله لك، وإن اجتمعوا على أن يَضرُّوك بشيء لم يَضرُّوك إلا بشيء قد كتبه الله عليك، رفعت الأقلام وجفت الصحف». وفي رواية: «احفظ الله تَجِدْه أمامك، تَعرَّفْ إلى الله في الرَّخَاء يَعرِفْكَ في الشِّدة، واعلم أنَّ ما أخطأَكَ لم يَكُنْ ليُصِيبَكَ، وما أصَابَكَ لم يَكُنْ لِيُخْطِئَكَ، واعلم أن النصرَ مع الصبرِ، وأن الفرجَ مع الكَرْبِ، وأن مع العُسْرِ يُسْرًا».
[صحيح] - [رواه الترمذي وأحمد بروايتيه]

အဗ်ဒုလ္လာဟ်ဗင်န်အဗ္ဗာစ်(ရဿွိယလ္လာဟုအန်ဟုမာ)က ဆင့်ပြန်ခဲ့သည်။ တစ်နေ့ ကျွန်တော်သည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ နောက်တွင် လိုက်ပါစီးနင်းခဲ့သည်။ ထိုအခါ ကိုယ်တော်က မိန့်ကြားတော်မူသည်မှာ အို - ကောင်လေး ငါကိုယ်တော် သင့်အား အချို့ သောစကားရပ်များကို သင်ကြားပေးတော်မူမည်။ သင်အလ္လာဟ်အရှင်မြတ်၏ အမိန့်တော်များကို(လိုက်နာပြီး) ထိန်းသိမ်းပါလေ။ အရှင်မြတ်သည် သင့်အား ထိန်းသိမ်းစောင့်ရှောက်တော်မူမည်။ အလ္လာဟ်အရှင်မြတ်၏အမိန့်တော်များကို(လိုက်နာပြီး) ထိန်းသိမ်းပါလေ။ အလ္လာဟ်အရှင်မြတ်သည် သင့်အရှေ့မှ ကူညီတော်မူလိမ့်မည်။ သင်တောင်းခံမည်ဆိုပါက အလ္လာဟ်အရှင်မြတ်ထံတော်တွင်သာ တောင်းခံပါ။ သင်အကူအညီတောင်းမည် ဆိုပါကလည်း အလ္လာဟ်အရှင်မြတ်ထံတော်တွင်သာ အကူအညီတောင်းခံပါ။အသင်ကောင်းစွာ မှတ်သားပါလေ။ အကယ်၍ လူသားထုတစ်ရပ်လုံးက သင့်အား တစ်စုံတစ်ရာ အကျိုးပြုရန် စုရုံးခဲ့ကြလျှင်လည်း အလ္လာဟ်အရှင်မြတ်က သင့်အတွက် သတ်မှတ်ထားသောအရာမှအပ အခြားမည်သည့် အကျိုးကိုမျှ ပြုနိုင်ကြမည် မဟုတ်ပေ။ အကယ်၍ လူသားထုတစ်ရပ်လုံး သင့်အား တစ်စုံတစ်ရာ ဆိုးကျိုးပြုရန် စုရုံးခဲ့ကြလျှင်လည်း အလ္လာဟ်အရှင်မြတ်က သင့်အတွက် သတ်မှတ်ထားသောအရာမှအပ အခြားမည်သည့်ဆိုးကျိုးကိုမျှ ပေးနိုင်ကြမည် မဟုတ်ပေ။ (သက္ကဒီရ်အား ရေးမှတ်သည့်) ကလောင်တံများလည်း မ ယူခြင်းခံလိုက်ရပြီး (ရေးမှတ်ထားသည့်) မှတ်တမ်းများလည်း ခြောက်သွေ့ သွားပြီ ဖြစ်သည်။ အခြားဆင့်ပြန်ချက် တစ်ရပ်တွင် လာရှိသည်မှာ- (အလ္လာဟ်အရှင်မြတ်၏ အမိန့်တော်များကို(လိုက်နာပြီး) ထိန်းသိမ်းပါလေ။ အလ္လာဟ်အရှင်မြတ်သည် သင့်အရှေ့မှ ကူညီတော်မူလိမ့်မည်။ ချောင်လည်သောအချိန်၌ အလ္လာဟ်အရှင်မြတ်အား သတိရပါ။ သင်အခက်အခဲဖြစ်နေချိန်တွင် အရှင်မြတ်သည် သင့်အားသတိရတော်မူလိမ့်မည်။) အသင်ကောင်းစွာမှတ်သားပါ၊ သင့်အတွက် မသတ်မှတ်ထားသော အရာသည် သင့်ထံသို့ ဆိုက်ရောက်လာမည် မဟုတ်သလို၊ သင့်အတွက် သတ်မှတ်ထားသော အရာသည်လည်း သင့်ထံမှ လွဲချော်သွားမည် မဟုတ်ပေ။ အသင်ကောင်းစွာမှတ်သားပါ၊ ဧကန်အမှန်ပင် သည်းခံခြင်းနှင့်အတူ အကူအညီရှိသည်၊ ကျပ်တည်းမှုနှင့်အတူ ချောင်လည်မှုရှိသည်၊ခက်ခဲမှုနှင့်အတူ လွယ်ကူမှုရှိသည်။
ဤဟဒီးဆ်သည် ဆွဟီးဟ် အဆင့်ရှိသည်။ - သိရ်မိဇီကျမ်း။

ရှင်းလင်းချက်

ဤကြီးကျယ်လှသော ဟဒီးဆ်တော်တွင် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် အလွန်အရေးကြီးလှသည့် မှာတမ်းစကားများကို လူငယ်တစ်ဦးဖြစ်သည့် အစ်ဗ်နုအဗ္ဗာစ်(ရဿွိယလ္လာဟုအန်ဟုမာ)အား ပြောကြားတော်မူခဲ့သည်။ ယင်းမှာတမ်းစကား၌ အလ္လာဟ်အရှင်မြတ်၏အမိန့်တော်များနှင့် တားမြစ်ချက်များကို အခြေနေတိုင်း၊ အချိန်အခါတိုင်းတွင် ထိန်းသိမ်းလိုက်နာရန် ပါဝင်သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် ၎င်းအား ငယ်ရွယ်စဉ်၌ပင် ယုံကြည်ချက် မှန်ကန်စေရန် ပြုပြင်ပေးတော်မူသည်။ ၎င်းတို့မှာ အလ္လာဟ်အရှင်မြတ်မှအပ ဖန်ဆင်းရှင်ဟူ၍မရှိ၊ အလ္လာဟ်အရှင်မြတ်မှအပ စွမ်းဆောင်နိုင်သူဟူ၍မရှိ၊ အရေးကိစ္စအဝဝကိုအရှင်မြတ်နှင့်အတူ စီမံခန့်ခွဲသူဟူ၍ အလျင်းမရှိ၊ ကျွန်နှင့် ၎င်း၏အရှင်သခင်ကြား၌ ယုံပုံအားကိုးခြင်းနှင့်၊ လိုအပ်ချက်များကို တောင်းခံရာတွင် ကြားခံဟူ၍မရှိပေ။ ချို့ယွင်းမှုအပေါင်းမှ ကင်းစင်တော်မူသော အရှင်မြတ်သည် အခက်အခဲဒုက္ခများ ကျရောက်ချိန်တွင် မျှော်လင့်အားကိုးရသော အရှင်ဖြစ်ပြီး၊ ပြစ်ဒဏ်များဆိုက်ရောက်ချိန်တွင် ခွင့်လွှတ်ချမ်းသာမှုအတွက် တမ်းတမျှော်လင့်ရသော အရှင်ဖြစ်သည်။ တမန်တော်မြတ်(အလိုင်ဟိစ္စလာမ်)သည် အလ္လာဟ်အရှင်မြတ်၏ သက္ကဒီရ် သတ်မှတ်ချက်နှင့် အရှင်မြတ်၏ ဆုံးဖြတ်ချက်အပေါ် အီမာန်သက်ဝင်ယုံကြည်ခြင်းတို့အား အစ်ဗနုအဗ္ဗာစ် (ရဿွိယလ္လာဟုအန်ဟုမာ) ၏ စိတ်နှလုံးသား၌ ထည့်သွင်းပေးခဲ့သည်။ အကောင်းဖြစ်စေ၊ အဆိုးဖြစ်စေ အရာရာတိုင်းသည် အရှင်မြတ်၏သတ်မှတ်ချက်နှင့် ဆုံးဖြတ်ချက် အတိုင်းသာ ဖြစ်ပျက်နေသည်။လူသား၏လက်ထဲ၌ ၎င်းတို့အလိုရှိရာကိုအကောင်ထည် ဖော်နိုင်စွမ်းမရှိပေ။ သို့သော် အလ္လာဟ်အရှင်မြတ် အလိုတော်ရှိမှသာလျှင် ထိုအရာတို့ကို အကောင်အထည်ဖော်နိုင်မည်ဖြစ်သည်။