Ҳадис: У «Хинзаб», деб номланадиган шайтон. Агар сен уни ҳис қилсанг, Аллоҳ номи ила ундан паноҳ тила ва чап томонингга уч марта туфлаб қўй

عن عُثْمَانَ بْنَ أَبِي الْعَاصِ رضي الله عنه:
أنه أَتَى النَّبِيَّ صَلَّى اللهُ عَلَيْهِ وَسَلَّمَ فَقَالَ: يَا رَسُولَ اللهِ، إِنَّ الشَّيْطَانَ قَدْ حَالَ بَيْنِي وَبَيْنَ صَلَاتِي وَقِرَاءَتِي يَلْبِسُهَا عَلَيَّ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «ذَاكَ شَيْطَانٌ يُقَالُ لَهُ خِنْزَِبٌ، فَإِذَا أَحْسَسْتَهُ فَتَعَوَّذْ بِاللهِ مِنْهُ، وَاتْفُلْ عَلَى يَسَارِكَ ثَلَاثًا»، قَالَ: فَفَعَلْتُ ذَلِكَ فَأَذْهَبَهُ اللهُ عَنِّي.
[صحيح] - [رواه مسلم] - [صحيح مسلم: 2203]

Усмон ибн Абул Ос разияллоҳу анҳудан ривоят қилинади:
«Ё Расулуллоҳ, шайтон мен билан намозим ва қироатим орасида ҳалақит қилиб, чалкаштириб юбораябти», дедим. Шунда Расулуллоҳ соллаллоҳу алайҳи ва саллам: «У «Хинзаб», деб номланадиган шайтон. Агар сен уни ҳис қилсанг, Аллоҳ номи ила ундан паноҳ тила ва чап томонингга уч марта туфлаб қўй», дедилар. Мен У зотнинг айтганларини қилган эдим, Аллоҳ таоло мендан уни кетказди».
[Саҳиҳ] - [Имом Муслим ривояти] - [Саҳиҳи Муслим - 2203]

Изоҳ

Усмон ибн Абу Ос разияллоҳу анҳу Набий соллаллоҳу алайҳи ва салламга келиб: «Ё Расулуллоҳ, шайтон мен ва намозим ўртасини бўлиб унда хушуъ қилишдан тўсаябди ва қироатимга қоришиб мени шубҳалантирмоқда», – деди. Шунда Расулуллоҳ соллаллоҳу алайҳи ва саллам унга: «У Хинзаб деб номланадиган шайтон. Агар унга дуч келсанг ва уни сезсанг Аллоҳга қаттиқ боғлан ва У Зотдан паноҳ тила! Уч марта озгина сулак билан чап томонингга тупур» - дедилар . Усмон разияллоҳу анҳу: «Набий соллаллоҳу алайҳи ва саллам буюрганларини қилдим ва Аллоҳ мендан уни кетказди», – деди.

Ҳадиснинг фойдалари

1. Намозда қалб ҳозир бўлиши ва хушуънинг муҳимлиги. Шайтон намозни бузишга ва унда шубҳалантиришга қаттиқ тиришади.
2. Намозда шайтон васваса қилганда ундан паноҳ сўраб, чап томонга уч марта туфлаш мустаҳабдир.
3. Саҳоба разияллоҳу анҳумлар ҳар бир муаммолларида унинг ечимини топиш учун Набий соллаллоҳу алайҳи ва салламга қайтишлари.
4. Саҳобаларнинг қалблари тирик ва ғамлари охират бўлган.