Ҳадис: Мен етти аъзоим билан сажда қилишга буюрилдим. Улар

عن ابنِ عَبَّاسٍ رضي الله عنهما عن النبيِّ صلى الله عليه وسلم قال:
«أُمِرْتُ أَنْ أَسْجُدَ عَلَى سَبْعَةِ أَعْظُمٍ: عَلَى الْجَبْهَةِ وَأَشَارَ بِيَدِهِ عَلَى أَنْفِهِ، وَالْيَدَيْنِ، وَالرُّكْبَتَيْنِ، وَأَطْرَافِ الْقَدَمَيْنِ، وَلَا نَكْفِتَ الثِّيَابَ وَالشَّعَرَ».
[صحيح] - [متفق عليه] - [صحيح البخاري: 812]

Ибн Аббос разияллоҳу анҳумодан: «Расулуллоҳ соллаллоҳу алайҳи ва саллам:
«Мен етти аъзоим билан сажда қилишга буюрилдим. Улар: пешона, бурун(га ишорат қилдилар), икки кафт, икки тизза ва икки оёқнинг бармоқлари (остки қисми). Кийимлар ва сочни ўз ҳолига қўямиз», – дедилар».
[Тўғри матн] - [Муттафақун алайҳ] - [Саҳиҳул Бухорий - 812]

Изоҳ

Набий соллаллоҳу алайҳи ва саллам бу ҳадиси шарифда Аллоҳ таоло Ўз пайғамбарини жисмининг етти аъзоси билан сажда қилишга буюрганини баёнладилар. Улар:
Биринчиси: пешона – юзнинг кўз ва бурун устидаги қисми. Расулуллоҳ соллаллоҳу алайҳи ва саллам қўллари билан бурунларига ишора қилган ҳолда бурун ҳам пешонанинг ҳукмини олишини баёнладилар. Сажда қилган одам бурни ерга тегиши кераклигини таъкидладилар.
Иккинчи ва учинчи аъзо: икки қўл.
Тўртинчи ва бешинчи: икки тизза.
Олтинчи ва еттинчи: оёқнинг бармоқлари.
Сочларимизни боғламасликка ва кийимларимизни сажда вақтида бирини иккинчисининг устига жамламасликка буюрдилар. Балки ерга тушиб туриши учун бўш қўямиз ва аъзолар билан сажда қиламиз.

Ҳадиснинг фойдалари

1. Намозда етти аъзода сажда қилиш вожиб.
2. Намозда кийимни ва сочни жамлаш макруҳ.
3. Намозхон намозда етти аъзосини ерга қўйиб машруъ қилинган зикрни ҳотиржам ҳолда айтиши лозим.
4. Сочни йиғиб олишдан қайтариқ эркакларга хос, чунки, аёл намозда сочини беркитишга буюрилган.