عن ابن عباس -رضي الله عنهما- عن النبي -صلى الله عليه وسلم- قال: «أمِرْت أن أسْجُد على سَبْعَة أعَظُم على الجَبْهَة، وأشار بِيَده على أنْفِه واليَدَين والرُّكبَتَين، وأطْرَاف القَدَمين ولا نَكْفِتَ الثِّياب والشَّعر».
[صحيح] - [متفق عليه]
المزيــد ...

အစ်ဗ်နုအဗ္ဗာစ် (ရဿွိယလ္လာဟုအန်ဟုမာ)က ဆင့်ပြန်ခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်တော်မူသည်။ ငါကိုယ်တော်သည် အရိုးအဆစ်ခုနှစ်ခုပေါ်တွင် စဂ်ျဒဟ်ဦးချရန် အမိန့်ပေးခြင်းခံခဲ့ရသည်။ နဖူး၊ (ကိုယ်တော်သည် မိမိ၏လက်ဖြင့် မိမိနှာခေါင်းအား ညွှန်ပြခဲ့သည်။) လက်နှစ်ဖက်၊ ဒူးနှစ်ဖက်နှင့်ခြေထောက်နှစ်ဖက်၏ ခြေချောင်းများဖြစ်သည်။ ထို့နောက် ကျွန်တော်တို့သည် အဝတ်များ၊ ဆံပင်များကို စုပြီးကိုင်မထားရန် အမိန့်ပေးခြင်းခံရသည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

“ငါကိုယ်တော်သည် စဂ်ျဒဟ်ဦးချရန် အမိန့်ပေးခြင်းခံခဲ့ရသည်။”ဟူသည့် ဩဝါဒတော်အား အခြားဆင့်ပြန်ချက်တစ်ရပ်တွင် “ကျွန်ုပ်တို့ အမိန့်ပေးခံခဲ့ရသည်။”ဟူ၍ လည်းကောင်း၊ နောက်ဆင့်ပြန်ချက်တစ်ရပ်တွင် “တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)က အမိန့်ပေးခဲ့သည်။”ဟူ၍လည်းကောင်း လာရှိသည်။ ထိုဆင့်ပြန်ချက် သုံးခုစလုံးသည် ဗုခါရီကျမ်းလာ ဆင့်ပြန်ချက်များဖြစ်ကြသည်။ အစ္စလာမ့်စည်းမျဉ်းဥပဒေတစ်ခုမှာ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် ကိစ္စတစ်ခုနှင့်ပတ်သက်၍ အမိန့်ပေးခံရလျှင် ထိုအမိန့်သည် ကိုယ်တော်မြတ်နှင့်အတူ ကိုယ်တော်၏ အွမ္မသ်သားအားလုံးနှင့်လည်း သက်ဆိုင်သည်။ ဆက်လက်၍ “အရိုးအဆစ်ခုနှစ်ခုပေါ်တွင်”ဟု လာရှိထားသည် ဆိုလိုသည်မှာ ငါကိုယ်တော်သည် ခန္ဓာကိုယ် အစိတ်အပိုင်း ခုနှစ်ခုပေါ်တွင် စဂ်ျဒဟ်ဦးချရန် အမိန့်ပေးခံခဲ့ရသည်ဟု ဆိုလိုခြင်းဖြစ်သည်။ အရိုးအဆစ်များဟူသည် အခြားဆင့်ပြန်ချက်များတွင် ရှင်းပြထားသည့်အတိုင်း စဂ်ျဒဟ်ပြုရသည့် အစိတ်အပိုင်းများကို ဆိုလိုခြင်းဖြစ်သည်။ ၎င်းနောက် ထိုအစိတ်အပိုင်းများကို ကိုယ်တော်မြတ်ကရှင်းပြတော်မူသည်မှာ “နဖူး”ဖြစ်ပြီး ငါကိုယ်တော်သည် နဖူးပေါ်တွင် စဂ်ျဒဟ်ဦးချရန် အမိန့်ပေးခံရသည်။ ဦးချရာတွင် နှာခေါင်းပါ ပါဝင်ကြောင်းကို ပြသရန် “ကိုယ်တော်သည် မိမိ၏လက်ဖြင့် မိမိနှာခေါင်းအား ညွှန်ပြခဲ့သည်။”ဆိုလိုသည်မှာ ထိုအစိတ်အပိုင်း နှစ်ခုစလုံးသည် တစ်ခုတည်းသာဖြစ်ကြောင်း ရှင်းပြသည့်အနေဖြင့် ကိုယ်တော်သည် နှာခေါင်းအား ညွှန်ပြခဲ့ခြင်းဖြစ်သည်။ “လက်နှစ်ဖက်” ဤစကားလုံးသည် ယေဘုယျသဘောမျိုး လာရှိသည့်အခါ လက်ဖဝါးနှစ်ဖက်ကိုဆိုလိုခြင်းဖြစ်သည်။ “ဒူးနှစ်ဖက်နှင့်ခြေထောက်နှစ်ဖက်၏ ခြေချောင်းများ”ငါကိုယ်တော်သည် ဒူးနှစ်ဖက်နှင့် ခြေထောက်နှစ်ဖက်၏ ခြေချောင်းထိပ်ဖျားများပေါ်တွင် စဂ်ျဒဟ်ဦးချရန် အမိန့်ပေးခံခဲ့ရသည်ဟု ဆိုလိုခြင်းဖြစ်သည်။ “ဆွလာသ်ဆောက်တည်ရမည့် ပုံသဏ္ဍန်”ကဏ္ဍ၌ အဗူဟုမိုင်းဒ် အတ်စ်စာအိဒီး (ရဿွိယလ္လာဟုအန်ဟု) ဆင့်ပြန်ခဲ့သည့် ဩဝါဒတော်တွင် ကိုယ်တော်သည်ဦးချသည့်အခါ (ခြေထောက်နှစ်ဖက်ရှိ ခြေချောင်းများကို ကိဗ်လဟ် ဘက်သို့လှည့်ထားတော်မူသည်။) ဟူသော စာသားဖြင့်လာရှိသည်။ “ထို့နောက် ကျွန်တော်တို့သည် အဝတ်များ၊ ဆံပင်များကို စုပြီးကိုင်မထားရန် အမိန့်ပေးခြင်းခံရသည်။” ဆိုလိုသည်မှာ ဦးညွှတ်သည့်အခါနှင့် ဦးချသည့်အခါ တွဲလျားကျနေသည့်အဝတ်အစားများ၊ ဆံပင်များကို စု၍ကိုင်ထားခြင်းမပြုရန် တားမြစ်ထားခြင်းဖြစ်သည်။ ထို့အပြင် ခန္ဓာကိုယ်အစိတ်အပိုင်းများ၊ အဝတ်အစားများ၊ ဆံပင်များအားလုံးဖြင့် ဦးချနိုင်ရန်အတွက် ၎င်းအရာနှစ်ခုအား မြေပေါ်တွင်ကျနေသည့်အတိုင်းပင် လွှတ်ထားရမည်ဖြစ်သည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ဘင်္ဂလီ တရုတ် ဖါရစီ(ပါရှန်း) တဂ္ဂလော့ ဟင်ဒီ ဆင်ဟာလီ ဝီဂါ ကာ့ဒ် ဟောက်ဆာ ပေါ်တူဂီ မလေးရာလမ် တေလဂူ ဆွာဟီလီ တမီးလ် ထိုင်း
ဘာသာပြန်များကို ကြည့်ရှုရန်

အကျိုးကျေးဇူးများ

  1. ဆွလာသ်၌ အရိုးအဆစ်ခုနှစ်ခုပေါ်တွင် စဂ်ျဒဟ်ဦးချရန် “ဝါဂျိဗ်”တာဝန်ဖြစ်သည်။ အဘယ်ကြောင့်ဆိုသော် အမိန့်ပေးထားခြင်းသည် အခြေခံအားဖြင့် တာဝန်ရှိကြောင်း ညွှန်ပြနေသည်။
  2. စဂ်ျဒဟ်ဦးချရာတွင် နဖူးကိုသာထိပြီး နှာခေါင်းမထိလျှင် အထမမြောက်ပေ။ထို့အတူ နှာခေါင်းကိုသာထိပြီး နဖူးကိုမထိလျှင်လည်း အထမမြောက်ပေ။ အဘယ်ကြောင့်ဆိုသော် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် နဖူးပေါ်တွင် ဦးချရန်မိန့်ကြားသည့်အခါ နှာခေါင်းကိုပါ ညွှန်ပြတော်မူခဲ့သည်။
  3. သတ်မှတ်ထားသည့် အရိုးအဆစ်အားလုံးပေါ်တွင် စဂ်ျဒဟ်ဦးချရန် တာဝန်ရှိသည်။ အချို့အစိတ်အပိုင်းပေါ်တွင်သာ ဦးချခြင်း မလုံလောက်ပေ။၎င်းတို့အနက် နဖူးကို တတ်နိုင်သမျှ မြေကြီးနှင့်ထိကပ်ထားရမည်။
  4. ဟဒီးဆ်တော်အရ ပေါ်လွင်ထင်ရှားသည့် အချက်တစ်ခုမှာ ဦးချသည့် အစိတ်အပိုင်းများကို ဖော်ထားရန် တာဝန်မရှိပေ။ ၎င်းအစိတ်အပိုင်းများပေါ်တွင် ဦးချခြင်းဟူသည် ထိုအစိတ်အပိုင်းများကို မဖော်ဘဲ မြေပေါ်တွင်ချထားခြင်းကိုသာ ဆိုလိုသည်။ ထို့ပြင် ဒူးနှစ်ဖက်အား ဖော်ထားခြင်းဖြင့် ဖုံးအုပ်ရမည့် (ဖရ်ဿ်ွ) အစိတ်အပိုင်းများ ပေါ်သွားမည်ကို စိုးရိမ်ရသည့်အတွက် ဒူးနှစ်ဖက်အား ဖော်ထားခြင်း “ဝါဂျိဗ်” မဟုတ်ကြောင်း အကွဲအလွဲမရှိပေ။ ထို့အတူ ခြေစွပ်ဝတ်၍ ဆွလာသ်ဆောက်တည်ပိုင်ခွင့် ရှိသဖြင့် ခြေနှစ်ဖက်အား ဖော်ထားရန် “ဝါဂျိဗ်” မဟုတ်ပေ။
  5. ဆွလာသ်အတွင်း၌ အဝတ်စများကို စုစည်းကိုင်ထားခြင်း ‘မက္ကရူဟ်’မနှစ်မြို့ဖွယ်ရာဖြစ်သည်။
  6. ဆွလာသ်၌ ဆံပင်ကိုချည်ကာ နောက်စေ့တွင် ထုံးထားခြင်းသည် (အမျိုးသားများအတွက်) “မက္ကရူဟ်” ဖြစ်သည်။ ထိုသို့ဆံပင်ထုံးခြင်းသည် ဆွလာသ်အတွက် ရည်ရွယ်၍ ပြုလုပ်သည်ဖြစ်စေ၊ ဆွလာသ် မတိုင်မီကပင် ပြုလုပ်ထားသည်ဖြစ်စေ၊ အခြားကိစ္စတစ်ခုခုကြောင့် ပြုလုပ်သည်ဖြစ်စေ မဖြစ်မနေ လိုအပ်ချက်ကြောင့် မဟုတ်ပါက ထိုအခြေအနေမျိုးဖြင့် ဆွလာသ်ဆောက်တည်ခြင်း “မက္ကရူဟ်” ဖြစ်သည်။