عن ابن عباس -رضي الله عنهما- أن النبي -صلى الله عليه وسلم- كان يقول بين السَّجدتَين: «اللَّهمَّ اغْفِرْ لي، وارْحَمْنِي، وعافِني، واهْدِني، وارزقْنِي».
[صحيح] - [رواه أبو داود]
المزيــد ...

အိဗ်နုအဗ္ဗာစ်(ရဿွိယလ္လာဟုအန်ဟုမာ)က ဆင့်ပြန်ခဲ့သည်။ ဧကန်အမှန် အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)သည် စဂ်ျဒဟ် နှစ်ခုကြားတွင် အို-အလ္လာဟ်အရှင်မြတ် ကျွန်တော်မျိုးအား ခွင့်လွှတ်တော်မူပါ၊ ကရုဏာပြုတော်မူပါ၊ ငြိမ်းချမ်းမှုအဖြာဖြာ ချီးမြှင့်တော်မူပါ၊ လမ်းမှန်တရားချီးမြှင့်တော်မူပါ၊ စားနပ်ရိက္ခာချီးမြှင့်တော်မူပါဟု အမြဲတောင်းခံလေ့ရှိ၏။
ဤဟဒီးဆ်သည် ဆွဟီးဟ် အဆင့်ရှိသည်။ - အိဗ်နုမာဂျဟ်ကျမ်း။

ရှင်းလင်းချက်

အိဗ်နုအဗ္ဗာစ်(ရဿွိယလ္လာဟုအန်ဟုမာ)က ဆင့်ပြန်ပြောကြားသည်။ “တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် စဂ်ျဒဟ် နှစ်ခုကြားတွင် - အလ္လာဟုမ္မဂ်ဖိရ်လီဟု အမြဲရွတ်ဆိုလေ့ရှိသည်။” ဆိုလိုသည်မှာ - ကိုယ်တော်မြတ်သည် ဤဒုအာကိုစဂ်ျဒဟ် နှစ်ခုကြားတွင် အမြဲတောင်းခံလေ့ရှိသည်။ ဆွလာသ်တစ်ခုလုံးသည် ဇိက်ရ် သတိရတသခြင်းနှင့် ကျမ်းမြတ်ကုရ်အာန် ဖတ်ရွတ်ခြင်းတို့ပင်ဖြစ်သောကြောင့် ဖရ်ဿွ်ဆွလာသ်နှင့် နဖ်လ်ဆွလာသ်ကြားတွင် ခွဲခြားမှုမရှိဘဲ ဤဒုအာကို တောင်းခံနိုင်သည်။ ကိုယ်တော်၏ ဩဝါဒဖြစ်သည့် “ကျွန်တော်မျိုးအား ခွင့်လွှတ်တော်မူပါ” ၏ အလိုသဘောမှာ - အို အလ္လာဟ်အရှင်မြတ် ကျွန်တော်မျိုးအား ဖမ်းဆီးအရေးယူတော်မမူဘဲ အပြစ်များကို ဖုံးကွယ်ပေးသနားတော်မူပါ ဟူ၍ဖြစ်သည်။ ၎င်းနောက် “ကရုဏာပြုတော်မူပါ”၏ အလိုသဘောမှာ- ကျွန်တော်မျိုး၏ အပြစ်များကို အရေးမယူဘဲ ဖုံးကွယ်ပေးတော်မူကာ လောကီ၊ လောကုတ္တရာ နှစ်ဌာနစလုံးတွင် ကျွန်တော်မျိုးအဖို့ ကောင်းကျိုးများဖြစ်ထွန်းစေမည့် ကျေးဇူးတော်များပါရှိသော မဟာကရုဏာတော်အား ကျွန်တော်မျိုးကို ချီးမြှင့်တော်မူပါ ဟူ၍ဖြစ်သည်။ ထို့ပြင် “ငြိမ်းချမ်းမှုအဖြာဖြာ ချီးမြှင့်တော်မူပါ”၏အလိုသဘောမှာ- အို-အလ္လာဟ်အရှင်မြတ် ကျွန်တော်မျိုး၏ သာသနာရေး၌ အပြစ်အကုသိုလ်များနှင့် သံသယဖြစ်ဖွယ်ကိစ္စတို့မှ ကင်းစင်ကာ ငြိမ်းချမ်းမှုကို ချီးမြှင့်တော်မူပါ။ ကျွန်တော်မျိုး၏ ခန္ဓာကိုယ်၌ ရောဂါဝေဒနာများမှလည်းကောင်း ကျွန်တော်မျိုး၏ အသိဉာဏ်၌ မှတ်ဉာဏ်ချို့ယွင်းခြင်းနှင့် ရူးသွပ်ခြင်းတို့မှလည်းကောင်း ကင်းဝေးစေကာ ကိုယ်စိတ်နှလုံးအေးချမ်းမှုကို ချီးမြှင့်တော်မူပါ ဟူ၍ဖြစ်သည်။ ရောဂါများအနက် အကြီးမားဆုံးရောဂါမှာ လမ်းမှားစေသည့် သံသယဖြစ်ဖွယ် ကိစ္စများကြောင့်ဖြစ်စေ၊ သို့မဟုတ် ပျက်စီးဒုက္ခရောက်စေသည့် အလိုရမ္မက်များကြောင့်ဖြစ်စေ ဖြစ်ပေါ်လာသော စိတ်နှလုံးသား၏ ရောဂါပင်ဖြစ်သည်။ “လမ်းမှန်တရားချီးမြှင့်တော်မူပါ”၏အလိုသဘောမှာ ‘ဟိဒါယဟ်’ လမ်းမှန်တရား နှစ်မျိုးရှိသည်။ ပထမအမျိုးအစားမှာ- လမ်းမှန်တရားကို ညွှန်ကြားပြသပေးသည့် ဟိဒါယသ်ဖြစ်သည်။ ဤအမျိုးအစားသည် မွတ်စ်လင်မ်ဖြစ်စေ၊ ကာဖိရ်သွေဖည်ငြင်းပယ်သူ ဖြစ်စေ နှစ်မျိုးစလုံးနှင့် သက်ဆိုင်သည်။ ကုရ်အာန်ကျမ်းမြတ်၌ လာရှိသည်မှာ-(ထို့ပြင် ဆမူဒ် အမျိုးသားတို့မှာမူကား အမှန်စင်စစ် ငါအရှင်မြတ်သည် ၎င်းတို့အား တရားလမ်းမှန်ကို ညွှန်ပြတော်မူခဲ့သည် )(ကုရ်အာန် -၄၁ :၁၇) ဆိုလိုသည်မှာ- ငါအရှင်မြတ်သည် ၎င်းတို့အား လမ်းမှန်တရားကို ညွှန်ကြားပြသတော်မူခဲ့သည်။ဒုတိယအမျိုးအစားမှာ- လိုက်နာကျင့်သုံးနိုင်စွမ်းနှင့် လက်ခံသဘောတူခြင်းတို့နှင့် သက်ဆိုင်သည့် ဟိဒါယသ် အမျိုးအစားဖြစ်သည်။ ဤအမျိုးအစားကို အီမာန်သက်ဝင်ယုံကြည်သူများသာ ရရှိမည်ဖြစ်သည်။ ဤနေရာတွင် ထိုဟိဒါယသ် အမျိုးအစားကိုပင် ရည်ရွယ်ခြင်းဖြစ်သည်။ ၎င်း၏အဓိပ္ပါယ်မှာ- ကျွန်တော်မျိုးအား အမှန်တရားကို ချီးမြှင့်တော်မူပြီး ထိုအပေါ်၌ တည်တံ့ခိုင်မြဲစေတော်မူပါ ဟူ၍ဖြစ်သည်။ ထို့ပြင် “စားနပ်ရိက္ခာချီးမြှင့်တော်မူပါ”၏ အလိုသဘောမှာ- အို အလ္လာဟ်အရှင်မြတ် ကျွန်တော်မျိုးအား ဤလောကီဘဝ၌ အရှင်မြတ်၏ အဖန်ဆင်းခံတို့ထံမှ လိုလားတောင့်တမှု ကင်းစေသော ရိုဇီရိက္ခာမျိုးကို ချီးမြှင့်တော်မူပါ။ နောင်တမလွန်ဘဝ၌လည်း အရှင်မြတ်က သုခချမ်းသာ ဂုဏ်ကျေးဇူးပြုခဲ့သည့် အရှင်မြတ်၏ကျွန်များအတွက် အဆင်သင့်ပြုလုပ်ထားသော ကျယ်ဝန်းလှသည့် ရိုဇီရိက္ခာမျိုးကို ကျွန်တော်မျိုးအား ချီးမြှင့်တော်မူပါ ဟူ၍ဖြစ်သည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ဘင်္ဂလီ တရုတ် ဖါရစီ(ပါရှန်း) တဂ္ဂလော့ ဟင်ဒီ ဆင်ဟာလီ ကာ့ဒ် ဟောက်ဆာ ပေါ်တူဂီ မလေးရာလမ် တေလဂူ ဆွာဟီလီ တမီးလ် ထိုင်း
ဘာသာပြန်များကို ကြည့်ရှုရန်

အကျိုးကျေးဇူးများ

  1. စဂ်ျဒဟ် နှစ်ခုကြားတွင် အေးဆေးတည်ငြိမ်စွာထိုင်ရန် တရားတော်က ပြဌာန်းထားသည်။ ထိုအကြောင်းကို အခြားသော ဟဒီးဆ်တော်များတွင်လည်း အတည်ပြုထားသည်။
  2. စဂ်ျဒဟ်နှစ်ခုကြားတွင် ရဗ်ဗိဂ်ဖိရ်လီ သို့မဟုတ် အလ္လာဟုမ္မဂ်ဖိရ်လီ ကိုရွတ်ဆိုရန် အရေးကြီးသည်။
  3. စဂ်ျဒဟ် နှစ်ခုကြားတွင် ဖတ်ရသော ဒုအာကို ဟဒီးဆ်တော်တွင် လာရှိသည့်အတိုင်းရွတ်ဆိုခြင်းသည် အမွန်မြတ်ဆုံးဖြစ်၏။ အကယ်၍ ထိုသို့ရွတ်ဆိုရာတွင် အတိုး၊အလျော့ဖြစ်သွားလျှင်လည်း ဆွလာသ်မပျက်ပါ။
ထပ်၍