Hadithi: Jam urdhëruar të bëj sexhden me shtatë gjymtyrë: me ballë - dhe bëri me shenjë në hundën e tij, - me duar, me gjunjë dhe me majat e gishtërinjve të këmbëve, si dhe të mos i mbledhim flokët (nëse bien përpara gjatë sexhdes) e të mos i përvjelim rrobat

عن ابن عباس رضي الله عنهما عن النبي صلى الله عليه وسلم قال: «أمِرْت أن أسْجُد على سَبْعَة أعَظُم على الجَبْهَة، وأشار بِيَده على أنْفِه واليَدَين والرُّكبَتَين، وأطْرَاف القَدَمين ولا نَكْفِتَ الثِّياب والشَّعر».
[صحيح] - [متفق عليه]

Ibn Abasi (Allahu qoftë i kënaqur me të!) tregon se Profeti ﷺ ka thënë: "Jam urdhëruar që të bëj sexhden me shtatë gjymtyrë: me ballë - dhe bëri me shenjë në hundën e tij, - me duar, me gjunjë dhe me majat e gishtërinjve të këmbëve, si dhe të mos i mbledhim flokët (nëse bien përpara gjatë sexhdes) e të mos i përvjelim rrobat."
Ky hadith është sahih. - Muttefek alejhi.

Shpjegimi

Kuptimi i hadithit: "c2">“Jam urdhëruar që të bëj sexhden”, ndërsa në një transmetimin qëndron: "c2">“Jemi të urdhëruar”, e në një tjetër qëndron: "Profeti ﷺ urdhëroi..." Të tria transmetimet janë nga Buhariu. Rregulla fetare (thotë): "Ajo me të cilën është urdhëruar Profeti ﷺ është urdhër i përgjithshëm për umetin e tij." Shprehja: "me shtatë gjymtyrë", nënkupton se unë jam urdhëruar të bëj sexhde me gjymtyrë. Me gjymtyrë janë për qëllim gjymtyrët me të cilat bëhet sexhdeja, ashtu siç është shpjeguar në një transmetimin tjetër, e pastaj e ka shpjeguar duke thënë: "me ballë". Pra, më urdhëroi të bëj sexhde me ballë, së bashku me hundë, siç tregon për këtë gjë transmetuesi: "dhe bëri me shenjë në hundën e tij", respektivisht bëri me shenjë në hundën e tij, që ta sqarojë se ato të dyja (balli dhe hunda) numërohen një gjymtyrë e vetme. "c2">“me duar”, pra me shuplakat e duarve, siç nënkuptohet kjo gjë kur fjala "dorë" të përmendet në mënyrë të përgjithshme. "c2">“me gjunjë dhe me majat e gishtërinjve”, që do të thotë se jam urdhëruar të bëj sexhde me gjunjë dhe me maja të gishtërinjve të këmbëve. Në hadithin e Ebu Humejd Saidiut (Allahu qoftë i kënaqur me të!), i cili flet për kapitullin e përshkrimit të namazit, ka ardhur me këtë shprehje: "Dhe i ktheu gishtat e këmbëve në drejtim të kibles", pra, teksa ishte në sexhde. "si dhe të mos i mbledhim flokët (nëse bien përpara gjatë sexhdes) e të mos i përvjelim rrobat". Kuptimi është: nuk i bashkojmë e as i mbledhim rrobat dhe flokët, por i lëshojmë kur bëjmë ruku dhe sexhde. Pra, e lëmë çështjen ashtu siç është, derisa të bjerë në tokë për të bërë sexhde me të gjitha gjymtyrët, rrobat dhe flokët.