Hadith: Umuhero w'isi ntuzogera mutabanje kurwana n'abayahudi, gushika n'aho ibuye umuyahudi yinyegeje inyuma, rivuga riti: "Ewe mwislamu! Ng'uyu umuyahudi yinyegeje inyuma yanje, ingo umwice

عَنْ أَبِي هُرَيْرَةَ رَضِيَ اللَّهُ عَنْهُ عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«لاَ تَقُومُ السَّاعَةُ حَتَّى تُقَاتِلُوا اليَهُودَ، حَتَّى يَقُولَ الحَجَرُ وَرَاءَهُ اليَهُودِيُّ: يَا مُسْلِمُ، هَذَا يَهُودِيٌّ وَرَائِي فَاقْتُلْهُ».
[صحيح] - [متفق عليه] - [صحيح البخاري: 2926]

Mu vyakiriwe na Abu Hurayra (Imana Allah Imwishimire) ku Ntumwa y'Imana (nyakugira amahoro n'impuhwe z'Imana Allah) yavuze ati:
"Umuhero w'isi ntuzogera mutabanje kurwana n'abayahudi, gushika n'aho ibuye umuyahudi yinyegeje inyuma, rivuga riti: "Ewe mwislamu! Ng'uyu umuyahudi yinyegeje inyuma yanje, ingo umwice"".
[صحيح] - [متفق عليه] - [صحيح البخاري - 2926]

Explanation

Umuvugishwamana (nyakugira amahoro n'impuhwe z'Imana Allah) yariganye ko umuhero w'isi utazogera abislamu batabanje guhangana n'abayahudi ku rugamba rubica bigacika, aho umuyahudi azogira ngo yinyegeje abislamu inyuma y'ibuye; maze Imana Allah Ice Ivugisha nya buye, riheze rihamagare umwislamu rimubwira ko umuyahudi yinyegeje inyuma yaryo, aheze aze maze yice nya muyahudi.

Benefits from the Hadith

1. Umuvugishwamana (nyakugira amahoro n'impuhwe z'Imana Allah) yariganye bimwe mu bintu binyegejwe ibiremwa, mu bizoba muri kazoza nk'uko yabibwiwe n'Imana Allah Nyenuguhabwicubahiro nta ngere, kandi rero bizotegerezwa gushika, bibe ata gisivya.
2. Urugamba rubica bigacika ruzohuza abislamu n'abayahudi mu bihe vy'iherezo, n'uko ico kiri mu bimenyetso vyerekana ko umuhero w'isi uzoba ugiye kugera.
3. Idini ry'ubwislamu rizoguma ryubahirizwa gushika ku musi w'umuhero w'isi, kandi rizoganza ayandi madini yose.
4. Imana Allah Iratabara abislamu ku rugamba rwabo rubahuza n'abansi babo, muri ivyo ni ugutuma ibuye rivuga mu bihe vy'iherezo.