हदीस: प्रलयको दिन मूमिनलाई उसको पालनहार नजिक ल्याइन्छ, यहाँसम्म कि उहाँले आफ्नो रक्षा छत्र उसमाथि राख्नुहुन्छ, उसलाई उसका पापहरूको बारेमा स्मरण गराइन्छ,

عَنْ صَفْوَانَ بْنِ مُحْرِزٍ قَالَ: قَالَ رَجُلٌ لِابْنِ عُمَرَ رضي الله عنهما كَيْفَ سَمِعْتَ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ: فِي النَّجْوَى؟ قَالَ: سَمِعْتُهُ يَقُولُ:
«يُدْنَى الْمُؤْمِنُ يَوْمَ الْقِيَامَةِ مِنْ رَبِّهِ عَزَّ وَجَلَّ، حَتَّى يَضَعَ عَلَيْهِ كَنَفَهُ، فَيُقَرِّرُهُ بِذُنُوبِهِ، فَيَقُولُ: هَلْ تَعْرِفُ؟ فَيَقُولُ: أَيْ رَبِّ أَعْرِفُ، قَالَ: فَإِنِّي قَدْ سَتَرْتُهَا عَلَيْكَ فِي الدُّنْيَا، وَإِنِّي أَغْفِرُهَا لَكَ الْيَوْمَ، فَيُعْطَى صَحِيفَةَ حَسَنَاتِهِ، وَأَمَّا الْكُفَّارُ وَالْمُنَافِقُونَ، فَيُنَادَى بِهِمْ عَلَى رؤُوسِ الْخَلَائِقِ هَؤُلَاءِ الَّذِينَ كَذَبُوا عَلَى اللهِ».
[صحيح] - [متفق عليه] - [صحيح مسلم: 2768]

सफवान बिन मुहरिजले भन्नुभयो: एक व्यक्तिले इब्न उमर (रजियल्लाहु अन्हु)लाई सोधे, तपाईंले रसूलल्लाह (सल्लल्लाहु अलैहि वसल्लम)लाई निजता (गोप्य कुरा) सम्बन्धमा के भन्नु भएको सुन्नुभयो? उहाँले जवाफ दिनुभयो, मैले उहाँलाई भन्नु भएको सुनेको छु:
«प्रलयको दिन मूमिनलाई उसको पालनहार नजिक ल्याइन्छ, यहाँसम्म कि उहाँले आफ्नो रक्षा छत्र उसमाथि राख्नुहुन्छ, उसलाई उसका पापहरूको बारेमा स्मरण गराइन्छ, अनि सोधिन्छ: के तिमीलाई (यो) याद छ? उसले भन्नेछ: हे मेरो पालनहार, हो! मलाई याद छ।' त्यसपछि उहाँ भन्छन्: मैले यी पापहरू संसारमा तिमीबाट लुकाएको थिएँ, र आज म यी सबैलाई क्षमा गर्छु।' त्यसपछि उसलाई उसका राम्रो कर्महरूको पत्र दिइन्छ। तर काफिरहरू र मुनाफिकहरूलाई सबै प्राणीहरूको अगाडि बोलाइन्छ, र भनिन्छ: 'यी ती हुन् जसले अल्लाह बारे झूट बोले»।
[सही] - [मुत्तफकुन अलैहि] - [सही मुस्लिम - 2768]

व्याख्या

नबी (सल्लल्लाहु अलैहि वसल्लम)ले प्रलयको दिन अल्लाहले आफ्नो मूमिन बन्दासँग गर्ने गोप्य संवादको बारेमा जानकारी दिनुभएको छ।
प्रलयको दिन मूमिनलाई उसको पालनहारको नजिक ल्याइन्छ, अनि उहाँले उसको गोप्यता बचाउन अन्य मानिसहरूको सामु पर्दा हाल्नुहुन्छ, ताकि अरू कोही उसको रहस्यहरू नदेखोस्। त्यसपछि उहाँले उसलाई भन्नुहुन्छ:
के तिमीलाई यो यो पापको बारेमा थाहा छ...? उहाँले ती पापहरूको स्मरण गराउनुहुन्छ, जो केवल भक्त र उसको पालनहारको बीचमा थिए।
ऊ भन्छ: 'हो, हे मेरो पालनहार (रब)।
जब मूमिन डर महसुस गर्दछ तब अल्लाहले भन्नुहुन्छ: मैले ती पापहरूलाई संसारमा तिमीबाट लुकाएको थिएँ, र आज म तिमीलाई ती सबै क्षमा गर्दछु। अनि उसलाई उसको राम्रो कर्महरूको पत्र दिइन्छ।
तर काफिर र मुनाफिकहरूलाई सबैको सामु पुकारिनेछ: यी ती हुन् जसले आफ्नो अल्लाह बारे झूट बोले। ध्यान दिनुहोस्, अन्यायीहरूमाथि अल्लाहको श्राप होस् ।