Hadiis: B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã

عَنْ صَفْوَانَ بْنِ مُحْرِزٍ قَالَ: قَالَ رَجُلٌ لِابْنِ عُمَرَ رضي الله عنهما كَيْفَ سَمِعْتَ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ: فِي النَّجْوَى؟ قَالَ: سَمِعْتُهُ يَقُولُ:
«يُدْنَى الْمُؤْمِنُ يَوْمَ الْقِيَامَةِ مِنْ رَبِّهِ عَزَّ وَجَلَّ، حَتَّى يَضَعَ عَلَيْهِ كَنَفَهُ، فَيُقَرِّرُهُ بِذُنُوبِهِ، فَيَقُولُ: هَلْ تَعْرِفُ؟ فَيَقُولُ: أَيْ رَبِّ أَعْرِفُ، قَالَ: فَإِنِّي قَدْ سَتَرْتُهَا عَلَيْكَ فِي الدُّنْيَا، وَإِنِّي أَغْفِرُهَا لَكَ الْيَوْمَ، فَيُعْطَى صَحِيفَةَ حَسَنَاتِهِ، وَأَمَّا الْكُفَّارُ وَالْمُنَافِقُونَ، فَيُنَادَى بِهِمْ عَلَى رؤُوسِ الْخَلَائِقِ هَؤُلَاءِ الَّذِينَ كَذَبُوا عَلَى اللهِ».
[صحيح] - [متفق عليه] - [صحيح مسلم: 2768]

Yii a Safwaan ɭbn Muhriz nengẽ a yeelame: ned n yeel a ɭbn Ʋmar (Wẽnd yard be b yiibã yĩnga) fo wʋma Wẽnd Tẽn-tʋʋmã (Wẽnd pʋʋsg la A tɩlgr be a yinga) walengã pʋgẽ t'a yet tɩ wãnã? La a yeel yã: m wʋm-a lame t'a yetẽ:
«B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã, sẽn na yɩl tɩ ned baa a yembr ka bãng a bãongã ye, t'A yεεl-a, rẽ yĩnga fo mii zũnuub-kãngã la zũnuub-kãngã? A togsd-a-la zũnuub-rãmb nins sẽn rag n zĩnd yẽ la a Soabã sʋka, tɩ yambã yeele: n-yee! M Soab A Wẽnde, halɩ tɩ sɩd-kõtã pεleng sã n wa yɩk t'a yεεse, la A sẽn yet-a (A Naam yɩlg yã) ad Mam maan-a-la sʋtr fo zug dũni la M na n yaaf-a lame n bas-f rũnda. Tɩ b kõ-a a tʋʋm sõmsã sebre. La sã n yaa kɩfr la munaafɩka, b boond-a lame zamã wã sʋka, yaa bãmbã la sẽn yags n roglg b Soabã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 2768]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõo kibar Wẽnd sẽn na n yẽs ne A yamb sẽn yaa sɩd-kõt dũni yikr raarã, n yeel-a:
B na n pẽnega muumin ne a Soabã dũni yikr raarã, t'a Soabã maan-a sʋtr a zugu n yi zãmã wã, sẽn na yɩl tɩ ned baa a yemb ka bãng a bãongã ye, t'A yεεl-a:
Rẽ yĩnga fo mii zũnuub-kãngã la zũnuub-kãngã? ...A togsd-a-la zũnuub-rãmb nins sẽn zĩnd yambã la a Soabã sʋka.
Tɩ yamba yeele: n-yee, m Soaba.
Halɩ tɩ muuminã sã n wa yεεse, la A sẽn yet-a (A Naam yɩlg yã) ad mam maan-a-la sʋtr fo zug dũni la M na n yaaf-a lame n bas-f rũnda, tɩ b kõ-a a tʋʋm sõmsã sebre.
La sã n yaa kɩfr la munaafɩka, b boond-a lame zamã wã sʋka (n yeele): yaa bãmba la sẽn yags b Soabã, rẽ yĩnga kãab-beed ka be ne wẽgdbã.

Sẽn be Hɑdiisã yõod-rãmbẽ

1. Wilgda Wẽnd yɩɩdlemã la A yolsgã ne sɩd-kõtbã, A sẽn maan-b sʋtr (lud-b) dũni wã la laahrã.
2. Yaa pirsg tɩ b maan muumin sʋtra pãng tõog tεka.
3. Yembsã tʋʋmã gilli, bõn-naandsã Soabã tigim-b lame, rẽnd ned ning sẽn wa n mik tɩ yaa sõma, bɩ a pẽg Wẽnde, la sẽn mika tɩ ka rẽ, bɩ a ra sãbs ned baa a yembr sã n ka a menga, la a bee Wẽnd tʋlsmã tẽngre.
4. A ɭbn Hagar yeelame (Wẽnd na yols-a): Hadiis-rãmbã sẽn lagem taabã wilgdame tɩ sɩd-kõtbã sẽn yaa Wẽnd kɩɩsdbã dũni yikr raarã b yaa kõbg a yiibu: Rẽenemã: yaa ned ning kɩɩsgã sẽn yaa yẽ la a Soabã sʋka, rẽnd a ɭbn Ʋmar hadiisã wilgdame tɩ buk-kãngã me yaa busg a yiibu, buk n be tɩ yẽnd Wẽnd kɩɩsgã b maan-a-la sʋtr dũni, yãwã soabã la Wẽnd sẽn maand a soab sʋtr dũni yikr raarã, yẽnda yaa hadiisã gom-biisã n wilgdi. La buk a to n be tɩ yẽnda Wẽnd kɩɩsgã yaa sẽn vẽnege, tɩ hadiisã fasengã wilgd tɩ yẽ soabã yõsga ne sẽn loogã. La buk a yiib soabã: yaa ned ning Wẽnd kɩɩsg sẽn yaa yẽ la yembsã sʋka, bãmb me yaa kõbg a yiibu, rẽenem bukã: bãmb tʋʋm beedã wila b tʋʋm sõmsã bãmb kẽeda Bugmẽ rẽ poorẽ tɩ b yiis-b n sugsi, la buk a to wã (yiib soabã): bãmb tʋʋm sõmã wã la b tʋʋm wẽnsã zemsa taaba, bãmb ka na n kẽ arzãnã halɩ tɩ b wa maan n rol taaba.