1. Li jiitu
  2. Ràññetle yi
  3. Pas-pasu Lislaam

Hadiis wàlle amul gaafal amul, njuuma amul, Safar amul, te nanga daw ki gaana kem ni ngay dawe Gaynde

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لاَ عَدْوَى وَلاَ طِيَرَةَ، وَلاَ هَامَةَ وَلاَ صَفَرَ، وَفِرَّ مِنَ المَجْذُومِ كَمَا تَفِرُّ مِنَ الأَسَدِ».

Jële nañu ci Abuu Hurayrata -yal na ko Yàlla dollee gërëm- mu wax ne : Yonnente Yàlla bi -yal na ko Yàlla dolli xéewal ak mucc- nee na:
«wàlle amul gaafal amul, njuuma amul, Safar amul, te nanga daw ki gaana kem ni ngay dawe Gaynde».

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér Téere Al-buxaariy bi gën a wér - 5707

Leeral gi

Yonnente bi -yal na ko Yàlla dolli xéewal ak mucc- day leeral yenn mbiri ceddo ya di ko moytondikuloo, di leeral ne mbir yi ci loxoy Yàlla la nekk, te dara du am ci lu dul ci ndigalam ak dogalam, te mooy:
Bu njëkk bi: ceddo ya dañoo foogoon ne feebar day wàlle ci jëmmi boppam; Yonnente bi -yal na ko Yàlla dolli xéewal ak mucc- daal di tere ñuy gëm ne feebar day tuxu jóge ci ku feebar jëm ci keneen ci kàttanam; Yàlla rekk mooy soppaxndiku ci mbindeef yi; te mooy wàcce feebar moo koy yëkkati te loolu du am ci lu dul nammeelam ak dogalam.
Ñaareel bi: ceddo ya bu ñu daan génn ngir tukki walla yaxantu, dañuy tiital am picc, bu naawee jëm ndayjoor ñu bég, bu naawee jëm càmmooñ ñu gaafal ko daal di waññeeku, Yonnente bi -yal na ko Yàlla dolli xéewal ak mucc- tere gaafal cig picci, leeral ne loolu pas-pas bu bon la.
Ñatteel bi: ceddo ya dañu daan wax naan: piccim looy bu tàbbee cig kër musiba day dal waa kër ga; Yonnente bi -yal na ko Yàlla dolli xéewal ak mucc- daal di teree gaafal googu.
Ñenteel bi: tere na gaafal weeru Diggu Gàmmu, te mooy ñaareel weer ci weeri jullt ñi. Wax nañu ne Safar: ag jaan la juy nekk ci biir di dal jur gi ak nit ñi, ñu gëmoon ne moo gën a tarug wàlle ci feebaru ràmm; mu dàq pas-pas bii.
Juróomeel bi: mu digle ñu sori ki feebaru ngaana dal kem ni ñuy dawe gaynde, loolu nag ngir aar bakkan bi la ak musal ko ci def sabab yi Yàlla digle, ngaana: feebar la bob ceri nit ki day lekkante.

Bokk na ci njariñi hadiis bi

  1. Dañoo war a wakkirlu ci Yàlla te wéeru ci moom, tey def sabab yi ñu yoonal.
  2. Dañoo war a gëm àttey Yàlla yi ak i ndogalam, ak ne sabab yi ci loxoy Yàlla la nekk, moo koy doxal walla mu dindi jeexitalam.
  3. Yàq li nit ñi di def ci gaafal ay melo, niki ñuul, ak xonxu, walla ay limat (numéro) ak i tur walla ay jëmm ak ñi ame laago.
  4. Tere gi ñu tere ñuy jege ñi gaana ak ñi mel ni ñoom feebar buy wàlle dal leen; dafa bokk ci sabab yi nga xam ne Yàlla moo def muy waral la ñu cay sabablu; ndaxte sabab yi rekk du beru ak boppam; waaye Yàlla mooy ki nga xam ne bu ko soobee mu dindi kàttan ga ba du am benn jeexit, bu ko neexee itam mu bàyyi ko mu am jeexit.

Gaaral firi yi

57 Làkk wi
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
KMR Kurmancî الكرمنجية