1. Дома
  2. Категории
  3. Акида (исламско верување)

Хадис „Нема зараза што се пренесува сама по себе, ниту суеверие во лоши претскажувања, ниту верување во бувот како гласник на судбината, ниту во месецот сефер како навестувач на несреќа. Бегај од лепрозниот како што бегаш од лавот.“

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لاَ عَدْوَى وَلاَ طِيَرَةَ، وَلاَ هَامَةَ وَلاَ صَفَرَ، وَفِرَّ مِنَ المَجْذُومِ كَمَا تَفِرُّ مِنَ الأَسَدِ».

Ебу Хурејре, Аллах нека е задоволен со него, пренесува дека Божјиот пратеник, салаллаху алејхи ве селем, рекол:
„Нема зараза што се пренесува сама по себе, ниту суеверие во лоши претскажувања, ниту верување во бувот како гласник на судбината, ниту во месецот сефер како навестувач на несреќа. Бегај од лепрозниот како што бегаш од лавот.“

صحيح متفق عليه صحيح البخاري - 5707

Објаснување

Веровесникот, салаллаху алејхи ве селем, објаснил некои од обичаите на незнабоштвото за да ги предупреди луѓето од нив и да нагласи дека сè е во Аллаховите раце и дека ништо не се случува без Негова волја и одредба. Меѓу тие обичаи се:
Прво: Народот од незнабоштвото верувал дека болеста се пренесува сама по себе. Веровесникот, салаллаху алејхи ве селем, го забрани ова верување и појасни дека Аллах е Тој кој управува со космосот. Тој ја испраќа болеста и ја отстранува, и ништо не се случува без Негова волја и одредба.
Второ: Народот од времето на незнабоштвото, кога тргнувале на патување или трговија, имале суеверие да ги набљудуваат птиците. Ако птицата полетала надесно, тоа го сметале за добар, а ако летала налево, за лош предзнак и се враќале назад. Веровесникот, салаллаху алејхи ве селем, ги забрани овие суеверија и нагласи дека таквите верувања се неосновани.
Трето: Народот од незнабоштвото верувал дека ако птицата був слета на куќа, тоа значи дека нејзините станари ќе ги снајде несреќа. Веровесникот, салаллаху алејхи ве селем, го забрани ова суеверие.
Четврто: Веровесникот, салаллаху алејхи ве селем, го забрани суеверието поврзано со месецот сефер, вториот месец од лунарниот календар. Некои од незнабошците верувале дека под поимот сефер се пидразбираат црвите во стомакот кои ги напаѓаат стоката и луѓето и ги сметале за позаразни од шугата. Веровесникот, салаллаху алејхи ве селем, го отфрли ова верување.
Петто: Веровесникот, салаллаху алејхи ве селем, нареди да се избегнува близок контакт со лица заболени од лепра, исто како што би се избегнал лав, како мерка за претпазливост и зачувување на здравјето. Ова е дел од причините кои Аллах ги пропишал за заштита на човекот. Лепрата е болест која предизвикува распаѓање на човечките органи.

Од придобивките на хадисот

  1. Обврска да се потпираме на Аллах и целосно да се ослониме на Него, истовремено преземајќи ги дозволените причини.
  2. Обврска е да се верува во Аллаховата одредба и дека причините се под Негова власт – Тој е Оној кој им го овозможува или спречува делувањето.
  3. Побивање на суеверијата кои некои луѓе ги поврзуваат со одредени бои, како црната и црвената, одредени броеви, имиња, личности или лица со физички недостатоци.
  4. Забраната за приближување на лица заболени од лепра и други заразни болести е дел од мудроста на Аллах, Кој ги поврзал причините со последиците. Причините не делуваат сами по себе, туку под Аллахова волја – ако Тој сака, ќе им ја одземе моќта и нема да предизвикаат ништо, а ако сака, ќе ги остави да предизвикаат последици.

Преглед на преводи

57 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
KMR Kurmancî الكرمنجية