Hadith: “គ្មានជំងឺណាឆ្លងដោយខ្លួនឯងឡើយ។ គ្មានប្រផ្នូលអាក្រក់ពីសត្វស្លាប គ្មានប្រផ្នូលអាក្រក់ពីសត្វទីទុយ ហើយក៏គ្មានប្រផ្នូលអាក្រក់អ្វីពីខែសហ្វើរនោះដែរ។ ហើយចូររត់គេចពីអ្នកកើតជំងឺឃ្លង់ ប្រៀបដូចជាអ្នករស់គេចពីសត្វតោ”។

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لاَ عَدْوَى وَلاَ طِيَرَةَ، وَلاَ هَامَةَ وَلاَ صَفَرَ، وَفِرَّ مِنَ المَجْذُومِ كَمَا تَفِرُّ مِنَ الأَسَدِ».
[صحيح] - [متفق عليه] - [صحيح البخاري: 5707]

អំពី អាពូហ៊ូរ៉យរ៉ោះ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“គ្មានជំងឺណាឆ្លងដោយខ្លួនឯងឡើយ។ គ្មានប្រផ្នូលអាក្រក់ពីសត្វស្លាប គ្មានប្រផ្នូលអាក្រក់ពីសត្វទីទុយ ហើយក៏គ្មានប្រផ្នូលអាក្រក់អ្វីពីខែសហ្វើរនោះដែរ។ ហើយចូររត់គេចពីអ្នកកើតជំងឺឃ្លង់ ប្រៀបដូចជាអ្នករស់គេចពីសត្វតោ”។
[صحيح] - [متفق عليه] - [صحيح البخاري - 5707]

Explanation

ណាពី ﷺ លោកបានបញ្ជាក់ពីជំនឿខុសឆ្គងមួយចំនួនក្នុងសម័យកាលអវិជ្ជា(ជើហ៊ីលីយ៉ះ)ដើម្បីព្រមានអំពីវា និងដើម្បីបញ្ជាក់ថា ជាការពិតណាស់ អ្វីគ្រប់យ៉ាង គឺស្ថិតក្នុងកណ្តាប់ដៃអល់ឡោះជាម្ចាស់ ហើយពិតណាស់ គ្មានអ្វីមួយអាចកើតឡើងបានឡើយ លើកលែងតែដោយបទបញ្ជា និងការកំណត់របស់ទ្រង់ប៉ុណ្ណោះ។ ជំនឿទាំងនោះមាន៖
ទីមួយ៖ មនុស្សនាសម័យកាលអវិជ្ជាជឿថា ជំងឺ គឺឆ្លងដោយខ្លួនឯង។ ហេតុនេះ ណាពី ﷺ លោកបានហាមឃាត់ចំពោះគោលជំនឿដែលថា ជំងឺអាចឆ្លងពីមនុស្សម្នាក់ទៅម្នាក់ទៀតដោយធម្មជាតិរបស់វានោះ។ ពិតណាស់ អល់ឡោះជាម្ចាស់ គឺជាអ្នកគ្រប់គ្រងចក្រវាឡ ហើយទ្រង់ជាអ្នកដែលបញ្ចុះជំងឺ និងដកយកវាទៅវិញ ហើយគ្មានអ្វីអាចកើតឡើងបានឡើយ លើកលែងតែដោយចេតនា និងការកំណត់របស់ទ្រង់ប៉ុណ្ណោះ។
ទីពីរ. មនុស្សនាសម័យកាលអវិជ្ជា នៅពេលដែលពួកគេចេញដំណើរ ឬធ្វើជំនួញជួញដូរ គឺពួកគេតែងតែព្រលែងសត្វបក្សី។ បើសត្វនោះហើរទៅទិសខាងស្តាំ ពួកគេរីករាយ(អនុវត្តកិច្ចការនោះ)។ តែប្រសិនបើសត្វនោះហើរទៅទិសខាងឆ្វេង ពួកគេចាត់ទុកជាប្រផ្នូលមិនល្អ ហើយត្រឡប់ក្រោយវិញ(មិនអនុវត្តកិច្ចការនោះ)។ ហេតុនេះ ណាពី ﷺ លោកបានហាមឃាត់ការជឿលើប្រផ្នូលសត្វស្លាបបែបនេះ និងបានបញ្ជាក់ថា វាជាគោលជំនឿដែលមិនត្រឹមត្រូវ។
ទីបី. មនុស្សនាសម័យកាលអវិជ្ជាជឿថា ប្រសិនបើសត្វទីទុយទុំនៅលើផ្ទះណាមួយ នោះគ្រួសារនោះនឹងជួបគ្រោះថ្នាក់។ ហេតុនេះ ណាពី ﷺ លោកបានហាមឃាត់ការជឿលើប្រផ្នូលបែបនេះ។
ទីបួន. ណាពី ﷺ លោកបានហាមឃាត់ការជឿលើប្រផ្នូលអាក្រក់ចំពោះខែសហ្វើរ ដែលជាខែទីពីរនៃប្រតិទិនចន្ទគតិឥស្លាម។ មានការនិយាយថា “សហ្វើរ” គឺជាព្រូនមួយប្រភេទរស់នៅក្នុងពោះដែលឆ្លងទៅសត្វពាហនៈនិងមនុស្ស។ ពួកគេជឿថា វាឆ្លងខ្លាំងជាងជំងឺរមាស់ទៅទៀត។ ដូច្នេះ ណាពី ﷺ លោកបានបដិសេធចំពោះជំនឿបែបនេះ។
ទីប្រាំ. បង្គាប់ប្រើឱ្យនៅឲ្យឆ្ងាយពីអ្នកកើតជំងឺឃ្លង់ ដូចដែលគេរត់គេចពីសត្វតោ។ នេះគឺជាការការពារខ្លួន និងជាការស្វែងរកសុវត្ថិភាព ហើយនិងជាការធ្វើនូវមូលហេតុដែលអល់ឡោះបានបង្គាប់ប្រើ។ ជំងឺឃ្លង់ គឺជាជំងឺមួយប្រភេទដែលធ្វើឱ្យសរីរាង្គរបស់មនុស្សរលួយ។

Benefits from the Hadith

1. ចាំបាច់ត្រូវប្រគល់ការទុកចិត្តលើអល់ឡោះជាម្ចាស់ និងពឹងផ្អែកលើទ្រង់ ព្រមទាំងធ្វើនូវមូលហេតុដែលត្រូវបានអនុញ្ញាត។
2. ចាំបាច់ត្រូវមានជំនឿលើការកំណត់ព្រេងវាសនា(កទ៏ កទើរ)របស់អល់ឡោះជាម្ចាស់។ ពិតណាស់ មូលហេតុទាំងអស់ គឺស្ថិតក្នុងកណ្តាប់ដៃអល់ឡោះជាម្ចាស់ ហើយទ្រង់គឺជាអ្នកធ្វើឱ្យមូលហេតុនោះមានប្រសិទ្ធិភាព ឬគ្មានប្រសិទ្ធិភាព។
3. បដិសេធនូវអ្វីដែលមនុស្សមួយចំនួនបានធ្វើ ដែលទាក់ទងនឹងប្រផ្នូលចំពោះពណ៌ផ្សេងៗ ដូចជាពណ៌ខ្មៅ និងពណ៌ក្រហម ឬចំពោះលេខ ឈ្មោះ បុគ្គល និងជនពិការមួយចំនួន។
4. ចំពោះការហាមឃាត់មិនឱ្យទៅជិតអ្នកកើតជំងឺឃ្លង់ ក៏ដូចជាអ្នកកើតជំងឺឆ្លងផ្សេងៗទៀត គឺជាមូលហេតុមួយក្នុងចំណោមមូលហេតុដែលអល់ឡោះបានកំណត់ថា វានឹងបង្ហាញឱ្យឃើញនូវលទ្ធផលរបស់វា។ ហេតុផលទាំងនេះមិនឈរតែឯងទេ តែផ្ទុយទៅវិញ ប្រសិនបើអល់ឡោះមានចេតនា នោះទ្រង់ដកយកកម្លាំងរបស់វាចេញ ហើយវានឹងគ្មានឥទ្ធិពលអ្វីទាំងអស់។ ហើយប្រសិនបើទ្រង់មានចេតនា ទ្រង់នឹងទុកវាឱ្យមានឥទ្ធិពល។