हदीस: कुनै (रोग) संक्रामक हुँदैन र कुनै चरा अशुभ छैन । उल्लू र सफर महिनाको कुनै दोष छैन । कुष्ठ रोगीबाट त्यसरी नै भाग, जसरी तिमी बाघबाट भाग्छौ ।
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لاَ عَدْوَى وَلاَ طِيَرَةَ، وَلاَ هَامَةَ وَلاَ صَفَرَ، وَفِرَّ مِنَ المَجْذُومِ كَمَا تَفِرُّ مِنَ الأَسَدِ».
[صحيح] - [متفق عليه] - [صحيح البخاري: 5707]
المزيــد ...
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"कुनै (रोग) संक्रामक हुँदैन र कुनै चरा अशुभ छैन । उल्लू र सफर महिनाको कुनै दोष छैन । कुष्ठ रोगीबाट त्यसरी नै भाग, जसरी तिमी बाघबाट भाग्छौ ।"
[सही] - [मुत्तफकुन अलैहि] - [सही बुखारी - 5707]
नबी (सल्लल्लाहु अलैहि वसल्लम) ले इस्लाम पूर्वका केही गलत कुराहरू विरुद्ध चेतावनी दिनुभएको छ, किनभने हरेक कुरा अल्लाहको हातमा छ र उहाँको आदेश र मर्जी बिना केही हुँदैन र ती निम्न हुन्:
पहिलो: जाहिलीयत (इस्लाम पूर्व) का मानिसहरूले रोग आफैंमा संक्रामक हुन्छ भन्ने विश्वास गर्थे । नबी (सल्लल्लाहु अलैहि वसल्लम) ले कुनैपनि रोग एक बिरामीबाट अरूलाई आफैंले संक्रामक हुन्छ भन्ने विश्वासलाई निर्मुल पार्नुभयो । किनभने ब्रह्माण्डको व्यवस्थापन गर्ने अल्लाह हुनुहुन्छ; उहाँको मर्जीले रोग हुन्छ र उहाँले नै निको पार्नुहुन्छ र यो उहाँको इच्छा र आदेश बिना केही हुँदैन ।
दोस्रो: जाहिलीयत (इस्लाम पूर्व) का मानिसहरू यात्रा वा व्यापारको लागि निस्कदा चरालाई उडाउने गर्दथे । यदि चरा दायाँ तिर उड्यो भने शुभ ठानेर त्यो काम गर्थे र यदि बायाँतिर उड्यो भने अशुभ ठानेर फर्कने गर्थे । नबी (सल्लल्लाहु अलैहि वसल्लम) ले चराहरूबाट लिएको यो अशुभ मान्ने आस्थालाई निषेध गर्नुभयो र यो मिथ्या विश्वास हो भनेर स्पष्ट पार्नुभयो ।
तेस्रो: जाहिलीयत (इस्लाम पूर्व) का मानिसहरू भन्थे: यदि कसैको घरमा उल्लू चरा आएर बस्छ भने उसको लागि विपत्ति हुनेछ; नबी (सल्लल्लाहु अलैहि वसल्लम) ले यो अशुभ आस्थालाई निषेध गर्नुभयो ।
चौथो: सफर भनेको चन्द्रमाको हिसाबले दोस्रो महिना हो, यो महिनालाई अशुभ मान्ने आस्थालाई निषेध गरिएको छ । अर्को भनाई : यो पेटमा हुने एक सर्प हो, जसले पशुधन र मानिसहरूलाई संक्रमित गर्दछ यो 'जरब' रोग भन्दा पनि बढी संक्रामक हो भन्ने विश्वासलाई उहाँले निर्मुल पार्नु भयो ।
पाँचौं: उहाँले कुष्ठ रोग लागेको व्यक्तिबाट टाढै बस्नु भनेको अल्लाहले आदेश दिनुभएको सुरक्षा खोज्नु र आफूलाई बचाउनु हो । कुष्ठ रोग: मानव अंगहरू नष्ट गर्ने र क्षतविक्षत हुने रोग हो ।
हदीसका केही फाइदाहरू
- अल्लाहमा भरोसा गर्ने र वैध साधनहरू अपनाउने ।
- अल्लाहको इच्छा र भाग्यमा विश्वास गर्न आवश्यक छ । हरेक कुरा अल्लाहको हातमा छ । उहाँ नै हो जसले तिनीहरूलाई बनाउँछन वा तिनीहरूको प्रभाव हटाउँछन ।
- केही व्यक्तिहरूले कालो, रातो रङहरू वा केही संख्याहरू, नामहरू, व्यक्तिहरू र अपाङ्गता भएका मानिसहरूबाट लिने अशुभ कुरालाई खारेज गर्नु ।
- कुष्ठरोगी र संक्रामक रोग लागेका व्यक्तिहरुको नजिक नजानु भनेको सुरक्षा र बचाउको लागि अल्लाहले दिनुभएको एक साधन हो; किनभने रोगहरू आफैंमा संक्रामक हुँदैन, बरु यो अल्लाहको आदेश अनुसार हुन्छ । यदि उहाँले त्यसको शक्ति खोस्नु भयो भने उसले केही असर गर्दैन र यदि उहाँले त्यसको शक्ति खोस्नु भएन भने असर गर्छ ।
वर्गीकरण
थप
- हदीस: यदि मैले अनिवार्य सलाह (नमाज) हरू कायम गरें, रमजानमा उपवास राखें र हलाल (वैध) लाई हलाल माने र हरामलाई त्यागे
- हदीस: म सबै साझेदारहरूको शिर्क (साझेदारी) बाट निस्पृह छु । जसले कुनै धर्मक्रिया गर्छ र त्यसलाई म बाहेक अरू कसैको निमित्त गरि शिर्क गर्दछ, म उसलाई र उसको शिर्कलाई अस्वीकार गर्दछु
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: जब दुई मुसलमानहरू एकअर्काको विरुद्ध तरवार उठाएर खडा हुन्छन्, हत्यारा र पीडित दुवै नरकको भागीदार हुनेछन्
- हदीस: अल्लाहले तिम्रो रूप र धनलाई हेर्नुहुन्न, तर तिम्रो हृदय र कर्महरूलाई हेर्नुहुन्छ ।
- हदीस: सबै कार्यहरू नियतीमा आधारित हुन्छन् र प्रत्येक व्यक्तिलाई उसको नियत अनुसार इनाम दिइनेछ
- हदीस: इस्लाम भनेको यो गवाही दिनु कि अल्लाह बाहेक कोही सत्य पूज्य छैन र मुहम्मद अल्लाहका सन्देष्टा हुनुहुन्छ, सलाह (नमाज) कायम गर्नु, जकात दिनु, रमजानको रोजा राख्नु र सक्षम व्यक्तिले अल्लाहको घरसम्म हज गर्नु हो