Ab Adiis: éey yaw doomu Aadama ji boo ma ñaanee yaakaar ma ma jéggal la ak lu man a nekk ci yaw te duma faale

عَنْ أَنَسِ بْنِ مَالِكٍ رضي الله عنه قَالَ:
سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ: «قَالَ اللَّهُ تَبَارَكَ وَتَعَالَى: يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ وَلاَ أُبَالِي، يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي غَفَرْتُ لَكَ، وَلاَ أُبَالِي، يَا ابْنَ آدَمَ إِنَّكَ لَوْ أَتَيْتَنِي بِقُرَابِ الأَرْضِ خَطَايَا ثُمَّ لَقِيتَنِي لاَ تُشْرِكُ بِي شَيْئًا لأَتَيْتُكَ بِقُرَابِهَا مَغْفِرَةً».
[حسن] - [رواه الترمذي] - [سنن الترمذي: 3540]

Jële nañu ci Anas ibn Maalik yal na ko Yàlla dollee gërëm mu wax ne:
Dégg naa Yonnente Yàlla bi yal na ko Yàlla dolli xéewal ak mucc mu wax ne: "Yàlla mu baarkeel mi te kawe nee na: éey yaw doomu Aadama ji boo ma ñaanee yaakaar ma ma jéggal la ak lu man a nekk ci yaw te duma faale, yaw doomu Aadama say bàkkaar bu eggoon ca niiri asamaan si nga jéggalu ma kon dinaa la jéggal te duma faale dara, yaw doomu Aadama boo ma indiloon luy jege suuf si ci bàkkaar yu bari, nga daje ak man te bokkaalewóo ma ak dara dinaa la indil njéggal lu toll ni moom".
[Tane na] - [At-tirmisiy soloo na ko] - [Téere Sunna yi bu At-tirmisiy - 3540]

Leeral

Yonnente bi yal na ko Yàlla dolli xéewal ak mucc day xibaare ne Yàlla mu kawe mi dafa wax ci hadiis bu sell ne: yaw doomu Aadama ji fii ak yaa ngi may ñaan di yaakaar sama yërmànde, te naaguwóo; dinaa suturaal say bàkkaar far ko te duma faale dara, donte bàkkaar bi ak moy gi dafa bokk ci yu mag yi. Yaw doomu Aadama: bu say bàkkaar bari woon lool bay fees diggante asamaan ak suuf ba egg ci wàllam matale ay peggam, topp nga jéggalu ma; dinaa far say bàkkaar jéggal la ko te duma faale bariwaay gi.
Yaw doomu Aadama: boo ma indiloon ginnaaw dee ay bàkkaar ak i moy yu fees suuf si, fekk dangaa dee ci kennal Yàlla te bokkaalewóo ma ak dara; di naa wottee ak bàkkaar yooyu ak moy yi ag njéggal gu fees suuf si; ndaxte man ku yaatug njéggal laa, te damay jéggale bàkkaar yépp ba mu des bokkaale.

Bokk na ci njariñi Adiis bi

1. Yaatug yërmàndey Yàlla mu kawe mi ak njéggalam ak ngëneelam.
2. Ngëneelu kennal Yàlla, ak ne Yàlla day jéggal way-kennal yi seen i bàkkaar ak seen i moy.
3. Ñàngaayu bokkaale, ak ne Yàlla du jéggal bokkaalekat yi.
4. Ibn Rajab nee na: Hadiis bi dafa làmboo ñatti sabab
5. yu jéggalug bàkkaar di ame: bu njëkk bi: ñaan ak yaakaar, ñaareel bi: jéggalu ak sàkku tuub, ñatteel bi: dee ci Tawhiid.
6. Hadiis bi bokk na ci li Yonnente bi yal na ko Yàlla dolli xéewal ak mucc di nettali jële ko ci Boroomam, ñu koy woowe hadiis bu sell, walla bu bawoo fa Yàlla, te mooy bi nga xam ne ay baatam ak i maanaam ci Yàlla la jóge, waaye amul dara ci li Alxuraan jagoo te ràññikoo ci wolif lu dul moom, ci di jaamu Yàlla ci jàng gi ak laab, ak dëkku gu ak lottloo gi ak yeneen yu dul yooyu.
7. Bàkkaar yi ñatti xeet la: bi ci njëkk: bokkaale Yàlla; bii nag Yàlla du ko jéggale, Yàlla mu màgg mi nee na: {liy dëgg mooy kuy bokkaale Yàlla Yàlla araamal na ci moom àjjana}, bu ñaareel bi: jaam bi tooñ boppam ci digganteem ak boroomam bàkkaar yi ak moy yi; loolu Yàlla dana ko jéggale, bu ko soobee, bu ñatteel bi: bàkkaar yu Yàlla dul bàyyi dara; te mooy yi yenn jaam ñi di tooñ ñeneen ñi, yooyu manut a ñàkk fayyoontoo.