Hadith: ឱកូនចៅអាហ្ទាំ! ជាការពិតណាស់ ដរាបណាអ្នកនៅបួងសួងមកកាន់យើង និងរំពឹងមកចំពោះយើង យើងនឹងអភ័យសឲ្យអ្នកចំពោះបាបកម្មរបស់អ្នក ហើយយើងមិនយកចិត្ដទុកដាក់ឡើយ។ កូនចៅអាហ្ទាំ! ប្រសិនបើបាបកម្មរបស់អ្នកច្រើនពេញមេឃ បន្ទាប់មក អ្នកសុំការអភ័យទោសពីយើង យើងនឹងអភ័យទោសឲ្យអ្នក ហើយយើងមិនយកចិត្ដទុកដាក់(ចំពោះវាឡើយ)។

عَنْ أَنَسِ بْنِ مَالِكٍ رضي الله عنه قَالَ:
سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ: «قَالَ اللَّهُ تَبَارَكَ وَتَعَالَى: يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ وَلاَ أُبَالِي، يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي غَفَرْتُ لَكَ، وَلاَ أُبَالِي، يَا ابْنَ آدَمَ إِنَّكَ لَوْ أَتَيْتَنِي بِقُرَابِ الأَرْضِ خَطَايَا ثُمَّ لَقِيتَنِي لاَ تُشْرِكُ بِي شَيْئًا لأَتَيْتُكَ بِقُرَابِهَا مَغْفِرَةً».
[حسن] - [رواه الترمذي] - [سنن الترمذي: 3540]

អំពី អាណាស ពិន ម៉ាលិក رضي الله عنه បាននិយាយថា៖
ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖ “អល់ឡោះជាម្ចាស់ទ្រង់បានមានបន្ទូលថា៖ ឱកូនចៅអាហ្ទាំ! ជាការពិតណាស់ ដរាបណាអ្នកនៅបួងសួងមកកាន់យើង និងរំពឹងមកចំពោះយើង យើងនឹងអភ័យសឲ្យអ្នកចំពោះបាបកម្មរបស់អ្នក ហើយយើងមិនយកចិត្ដទុកដាក់ឡើយ។ កូនចៅអាហ្ទាំ! ប្រសិនបើបាបកម្មរបស់អ្នកច្រើនពេញមេឃ បន្ទាប់មក អ្នកសុំការអភ័យទោសពីយើង យើងនឹងអភ័យទោសឲ្យអ្នក ហើយយើងមិនយកចិត្ដទុកដាក់(ចំពោះវាឡើយ)។ ឱកូនចៅអាហ្ទាំ! ជាការពិតណាស់ ប្រសិនបើអ្នកមកជួបយើងដោយមានបាបកម្មស្ទើរពេញផែនដី បន្ទាប់មក អ្នកមកជួបនឹងយើងដោយមិនបានធ្វើស្ហ៊ីរិកអ្វីមួយមកចំពោះយើងទេនោះ យើងនឹងផ្ដល់ការអភ័យទោសស្ទើរពេញផែនដីឱ្យអ្នកវិញដូចគ្នា”។
[حسن] - [رواه الترمذي] - [سنن الترمذي - 3540]

Explanation

ណាពី ﷺ លោកបានប្រាប់ថា ជាការពិតណាស់ អល់ឡោះជាម្ចាស់ទ្រង់បានមានបន្ទូលក្នុងហាទីស្ហគុតស៊ីយ៍មួយថា៖ ឱកូនចៅអាហ្ទាំ! ដរាបណាអ្នកនៅតែបន្តបួងសួងមកកាន់យើង ហើយសង្ឃឹមចំពោះក្តីមេត្តាករុណារបស់យើងដោយមិនអស់សង្ឃឹមទេនោះ យើងនឹងបិទបាំងបាបកម្មរបស់អ្នក និងលុបលាងវាដោយមិនខ្វល់ចំពោះវាឡើយ ទោះជាបាបកម្មនោះ និងអំពើល្មើសនោះធំប៉ុណ្ណាក៏ដោយ។ ឱកូនចៅអាហ្ទាំ! បើទោះបីជាបាបកម្មរបស់អ្នកច្រើនលើសលប់ពេញចន្លោះមេឃនិងផែនដី គ្របដណ្តប់គ្រប់ទិសទីក៏ដោយ ប្រសិនបើអ្នកសុំការអភ័យទោសពីយើង នោះយើងនឹងលុបលាងបាបកម្មនោះ និងអភ័យទោសឱ្យអ្នកទាំងអស់ ដោយមិនខ្វល់ថា បាបកម្មនោះច្រើនប៉ុណ្ណានោះឡើយ។
ឱកូនចៅអាហ្ទាំ! ប្រសិនបើអ្នកមកជួបយើងក្រោយពេលស្លាប់ជាមួយនឹងបាបកម្ម និងអំពើល្មើសច្រើនលើសលប់ពេញផែនដី តែអ្នកបានស្លាប់ក្នុងនាមជាអ្នកដែលមានជំនឿលើយើងតែមួយ(តាវហេទ) ដោយអ្នកមិនបានធ្វើស្ហ៊ីរិកចំពោះយើងនឹងអ្វីមួយទេនោះ យើងនឹងទូទាត់ចំពោះបាបកម្មទាំងនោះវិញដោយការអភ័យទោសពេញផែនដីដូចគ្នា ពីព្រោះយើងជាអ្នកដែលមានការអភ័យទោសដ៏ទូលំទូលាយបំផុត ហើយយើងនឹងអភ័យទោសឲ្យចំពោះបាបកម្មទាំងអស់ លើកលែងតែអំពើស្ហ៊ីរិកប៉ុណ្ណោះ។

Benefits from the Hadith

1. បញ្ជាក់ពីភាពទូលំទូលាយនៃក្តីមេត្តាករុណា ការអភ័យទោស និងក្តីសប្បុរសរបស់អល់ឡោះជាម្ចាស់។
2. បញ្ជាក់ពីឧត្តមភាពនៃជំនឿលើអល់ឡោះតែមួយគត់(តាវហេទ) ហើយពិតណាស់ អល់ឡោះជាម្ចាស់ទ្រង់អភ័យទោសដល់អ្នកដែលមានជំនឿលើទ្រង់តែមួយចំពោះបាបកម្មទាំងឡាយរបស់ពួកគេ ។
3. បញ្ជាក់ពីគ្រោះថ្នាក់នៃអំពើស្ហ៊ីរិក ហើយពិតណាស់ អល់ឡោះជាម្ចាស់ទ្រង់មិនអភ័យទោសដល់អ្នកដែលធ្វើស្ហ៊ីរិកឡើយ។
4. អ៊ិពនូរ៉ហ្ជប់ បាននិយាយថា៖ ហាទីស្ហនេះផ្ទុកទៅដោយមូលហេតុបីដែលនាំឱ្យទទួលបាននូវការអភ័យទោស៖ ទីមួយ. បួងសួងដោយក្តីសង្ឃឹម។ ទីពីរ. សុំការអភ័យទោស និងសារភាពកំហុស(តាវហ្ពាត់)។ និងទីបី. ស្លាប់លើជំនឿចំពោះអល់ឡោះជាម្ចាស់តែមួយគត់(តាវហេទ)។
5. ហាទីស្ហនេះ ស្ថិតក្នុងចំណោមហាទីស្ហដែលណាពី ﷺ លោករាយការណ៍ពីម្ចាស់របស់លោក ដែលគេឲ្យឈ្មោះថា ហាទីស្ហគុតស៊ីយ៍ ឬ ហាទីស្ហអ៊ីឡើហ៊ីយ៍។ វាជាហាទីស្ហដែលពាក្យពេចន៍ និងអត្ថន័យរបស់វា គឺមកពីអល់ឡោះជាម្ចាស់ គ្រាន់តែវាពុំមានលក្ខណៈពិសេសណាមួយដូចគម្ពីរគួរអានដែលអល់ឡោះជាម្ចាស់ទ្រង់ផ្តល់ដល់វាលើសពីពាក្យពេចន៍ដទៃនោះឡើយ ដូចជាការសូត្រវាទទួលបាននូវផលបុណ្យ ការជម្រះសម្អាតមុនប៉ះពាល់វា ភាពអច្ឆរិយៈ និងលក្ខណៈពិសេសផ្សេងៗទៀត។
6. បាបកម្មមានបីប្រភេទ៖ ទីមួយ. ការធ្វើស្ហ៊ីរិកចំពោះអល់ឡោះ ហើយបាបកម្មនេះ អល់ឡោះមិនអភ័យទោសចំពោះវាឡើយ។ អល់ឡោះជាម្ចាស់បានមានបន្ទូលថា៖ “إنه من يشرك بالله فقد حرم الله عليه الجنة” (ពិតប្រាកដណាស់ ជនណាដែលធ្វើស្ហ៊ីរិកចំពោះអល់ឡោះ ទ្រង់បានហាមឃាត់ឋានសួគ៌ចំពោះរូបគេ)។ ទីពីរ. ការបំពានរបស់ខ្ញុំបម្រើអល់ឡោះលើខ្លួនឯងចំពោះអ្វីដែលពាក់ព័ន្ធរវាងរូបគេនិងអល់ឡោះជាម្ចាស់នៃបាបកម្ម និងអំពើល្មើសផ្សេងៗ។ បាបកម្មប្រភេទនេះ អល់ឡោះជាម្ចាស់នឹងអភ័យទោស និងលើកលែងទោសដល់រូបគេ ប្រសិនបើទ្រង់មានចេតនា។ ទីបី. បាបកម្មដែលអល់ឡោះជាម្ចាស់មិនបោះបង់ចោលអ្វីមួយអំពីវានោះឡើយ នោះគឺការបំពានចំពោះគ្នាទៅវិញទៅមករវាងមនុស្សលោក។ បាបកម្មប្រភេទនេះ ចាំបាច់ត្រូវទូទាត់គ្នា។