Hadiis: Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye

عَنْ أَنَسِ بْنِ مَالِكٍ رضي الله عنه قَالَ:
سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ: «قَالَ اللَّهُ تَبَارَكَ وَتَعَالَى: يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ وَلاَ أُبَالِي، يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي غَفَرْتُ لَكَ، وَلاَ أُبَالِي، يَا ابْنَ آدَمَ إِنَّكَ لَوْ أَتَيْتَنِي بِقُرَابِ الأَرْضِ خَطَايَا ثُمَّ لَقِيتَنِي لاَ تُشْرِكُ بِي شَيْئًا لأَتَيْتُكَ بِقُرَابِهَا مَغْفِرَةً».
[حسن] - [رواه الترمذي] - [سنن الترمذي: 3540]

Yii a Anas ɭbn Maalik nengẽ, (Wẽnd yard be a yĩnga) a yeelame:
M wʋma Wẽnd Tẽn-tʋʋma (Wẽnd pʋʋsg la A tɩlgr be a yĩnga) t'a yetẽ: « Wẽnd yeelame (A Naam zẽk yã): Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye, Adem-biiga! Ad fo zũnuubã sã n ta saasã, rẽ poorẽ tɩ fo kos Maam yaafa, M yaafda foom tɩ Mam toog ka be ye, Adem-biiga! A d fo sã n wa Mam nengẽ ne tʋʋm tuuts sẽn ta Tẽngã tom, rẽ poorẽ tɩ fo seg Maam, n ka maan lagem-n-taar ne Maam baa fʋɩ, Mam na wa fo nengẽ ne yaafg sẽn ta Tẽngã tom».
[Hasanʋn (be neere)] - [A At-tirmiiziy n togs-a] - [Sunan At-tirmiiziy - 3540]

bilgrã

Nabiyaamã kõta kibare (Wẽnd pʋʋsg la A tɩlgr be a yĩnga) tɩ ad Wẽnde (A Nɑɑm yɩ wɑgell n zẽke) A yeela hadiis ƙʋdsy pʋgẽ: Adem-biiga, fo sã n ka bak n kot Maam la f tẽed Mam yolsgã, la f ka wãag f tẽebo, M solgda f zũnuubã la M yẽes-a, tɩ M toog ka be ye; baa sã n mikame tɩ zũnuub-kãngã bee zũnuub bεdã pʋgẽ. Adem-biiga! Ad fo zũnuubã sã n waoogame n pid saagã la Tẽngã n tʋg n ta b kɩremsã la b ween-n-vɩɩsã, rẽ poorẽ tɩ fo kos Maam yaafa, M yẽesdame la M yaaf-fo b fãa gilli, tɩ M toog ka be ne b waooglemã ye.
Adem-biiga! Ad fo sã n wa Mam nengẽ ne tʋʋm tuuts sẽn ta Tẽngã tom, rẽ poorẽ tɩ fo seg Maam, n ka maan lagem-n-taar ne Maam baa fʋɩ, Mam na wa fo nengẽ ne yaafg sẽn ta Tẽngã tom; bɑlɑ Mɑm yɑɑfg yɑɑ yɑlengɑ, lɑ M yɑɑfda zũnuub-rãmbã gilli sã n pɑ lɑgm-n-tɑɑre.

Sẽn be Hɑdiisã yõod-rãmbẽ

1. Wẽnd yoslgã yalengã (A Naam zẽk yã) la A yaafgã la A yɩɩdlemã.
2. Wẽn-yembgã yɩɩdlem, la ad Wẽnd yaafdɑ Wẽnd yembdbã, b zũnuubã la b kɩɩsgã.
3. Wilgda lagem-n-taarã wẽng sẽ ta zĩig ninga, la ad Wẽnd ka yaafd lagem-n-taarã rãmb ye.
4. A ɭbn Ragab yeelame: la sɩd la hakɩɩka hadiis-kãngã gũbga sabab-rãmb a tãab nins yaafgã sẽn tõe n paame: rẽenemã : yaa doaag n naag ne tẽebo, yiib soaba, yaafg kosgo la tuugb baoobo, tãab soabã: yaa maan kaalem Wẽn-yembg zugu.
5. Hadiis-kãngã a bee Nabiyaamã (Wẽnd pʋʋsg la A tɩlgr be a yĩnga) sẽn reegd a Soabã nengẽ wã, lɑ b boondame tɩ Al-hadiis Al-ƙʋdsy (Hadiis yɩlenga, maa Wẽnd hadiisi) yẽ me la hadiis ninga a gom-biisã la a maanã wã yii Wẽnd nengẽ, la a ka tar yel-weendɩ nins Alkʋrãanã sẽn tarã ye, karengã sẽn yaa tũudum, la yɩlg f menga n yaool rɩk-a la a sẽn geesd nebã la zẽng sẽn ka rẽnda.
6. Zũnuub-rãmbã yaa bugs a tãabo: a rẽenemã: yaa maan lagem-n-taar ne Wẽnde, la wãnde Wẽnd ka yaafd-a ye, Wẽnd yeelame (A Naam yɩ wagell n zẽke) {ad ned ning sẽn maana lagm-n-taar ne Wẽnde, sɩd la hakɩɩka Wẽnd harma arzãna a zugu}. Yiib soabã: yaa yambã sẽn na n wẽg a menga, sẽn be yẽ ne a Soabã sʋka, sẽn yaa Wẽnd kɩɩsgo, ad Wẽnde (A Naam yɩ wagell n zẽke) yaafda rẽnda la A base t'A sã n rata. Tãab soabã: yaa zũnuub Wẽnd sẽn ka basd-ɑ baa fʋɩ, yãnda la yembsã ne tɑɑb sʋk wẽgbã, rẽndame tɩ maan-n-rolg zĩndi.