Ab Adiis: Yonnente Yàlla bi yal na ko Yàlla dolli xéewal ak mucc daan na wax ci sujjóotam: "Allaahuma ixfir lii sanbii kullahu, diqahu, wa jillahu, wa awwalahu wa aaxirahu, wa halaaniyatahu wa sirrahu

عَنْ أَبِي هُرَيْرَةَ رضي الله عنه:
أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ يَقُولُ فِي سُجُودِهِ: «اللهُمَّ اغْفِرْ لِي ذَنْبِي كُلَّهُ دِقَّهُ، وَجِلَّهُ، وَأَوَّلَهُ وَآخِرَهُ وَعَلَانِيَتَهُ وَسِرَّهُ».
[صحيح] - [رواه مسلم] - [صحيح مسلم: 483]

Jële nañu ci Abuu Hurayrata yal na ko Yàlla dollee gërëm mu wax ne:
Yonnente Yàlla bi yal na ko Yàlla dolli xéewal ak mucc daan na wax ci sujjóotam: "Allaahuma ixfir lii sanbii kullahu, diqahu, wa jillahu, wa awwalahu wa aaxirahu, wa halaaniyatahu wa sirrahu".
[Wér na] - [Muslim soloo na ko] - [Téere Muslim bi gën a wér - 483]

Leeral

Yonente bi yal na ko Yàlla dolli xéewal ak mucc daan na ñaan ci sujjóotam di wax: Yaw sama Boroom jéggal ma samay bàkkaar ci suturaal ma ko, fegal ma la cay topp; nga jéggal ma baal ma yu ndaw yi mu tuuti mbaa mu bari, bàkkaar yu njëkk ya ak yu mujj ya ak li nekk seen diggante, ak yu fés ya ak yu làqu ya ya nga xam ne kenn xamu ko ku dul yaw Yàlla mu sell mi.

Bokk na ci njariñi Adiis bi

1. Ibnul Xayyim nee na: sàkku njéggalu bàkkaar yu ndaw yi ak yu mag yi, ak yu sew yi ak yu rëy yi ak yu njëkk yi ak yu mujj yi, ak yu feeñ yi ak yu nëbbu yi, matale gii day tax njéggal gi ñëw ci li jaam bi xam ci bàkkaaram yi ak yi mu xamul.
2. Nee nañu: dafa jiital yu sew yi ci yu rëy yi; ndax bàkkaar yu mag yi li gën a bari mongi sosoo si nuur ci yu ndaw yi ak ñàkk ko a faale, mu daldi nekk ab jumtukaay buy jëme ci yu mag yi, te jumtukaay moom la ñu wara jiital.
3. Toroxlu jëm ci Yàlla mu kawe mi, ak sàkku njéggal ci mbooleem bàkkaar yi, yu ndaw yi ak yu mag yi.
4. An-Nawawii nee na: feddali ñaan yi mi ngi ci ak baril ay baatam donte yenn yi doy na wolif yeneen yi.