ഹദീസ്: നബി -ﷺ- തൻ്റെ സുജൂദിൽ ഇപ്രകാരം പ്രാർത്ഥിക്കാറുണ്ടായിരുന്നു: "അല്ലാഹുവേ! എന്റെ പാപങ്ങൾ മുഴുവൻ നീ പൊറുത്തുതരേണമേ! അതിലെ ചെറുതും വലുതും, ആദ്യത്തേതും അവസാനത്തേതും, രഹസ്യമായതും, പരസ്യമായതും (പൊറുത്തുതരേണമേ)
عَنْ أَبِي هُرَيْرَةَ رضي الله عنه:
أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ يَقُولُ فِي سُجُودِهِ: «اللهُمَّ اغْفِرْ لِي ذَنْبِي كُلَّهُ دِقَّهُ، وَجِلَّهُ، وَأَوَّلَهُ وَآخِرَهُ وَعَلَانِيَتَهُ وَسِرَّهُ».
[صحيح] - [رواه مسلم] - [صحيح مسلم: 483]
المزيــد ...
അബൂ ഹുറൈറ -رَضِيَ اللَّهُ عَنْهُ- നിവേദനം:
നബി -ﷺ- തൻ്റെ സുജൂദിൽ ഇപ്രകാരം പ്രാർത്ഥിക്കാറുണ്ടായിരുന്നു: "അല്ലാഹുവേ! എന്റെ പാപങ്ങൾ മുഴുവൻ നീ പൊറുത്തുതരേണമേ! അതിലെ ചെറുതും വലുതും, ആദ്യത്തേതും അവസാനത്തേതും, രഹസ്യമായതും, പരസ്യമായതും (പൊറുത്തുതരേണമേ)."
[സ്വഹീഹ്] - [മുസ്ലിം ഉദ്ധരിച്ചത്] - [صحيح مسلم - 483]
നബി (ﷺ) തൻ്റെ സുജൂദിൽ ഇപ്രകാരം പ്രാർത്ഥിക്കാറുണ്ടായിരുന്നു: അല്ലാഹുവേ! എൻ്റെ തിന്മകൾ നീ എനിക്ക് പൊറുത്തു തരേണമേ! അവ നീ മറച്ചു വെക്കുകയും, അവയുടെ ദുഷ്ഫലങ്ങളിൽ നിന്ന് നീയെന്നെ സംരക്ഷിക്കുകയും, അവ നീ മായ്ച്ചു കളയുകയും വിട്ടുതരികയും മാപ്പാക്കുകയും ചെയ്യേണമേ! എൻ്റെ തിന്മകളെല്ലാം; അതിൽ ചെറുതും കുറച്ചുമായ തിന്മകളും, വലുതും ധാരാളമുള്ളതുമായ തിന്മകളും, തിന്മകളുടെ ആരംഭവും മദ്ധ്യവും അവസാനത്തേതും, പരസ്യമായതും രഹസ്യമായതും, നിനക്ക് മാത്രം അറിയാവുന്നതായ തിന്മകളുമെല്ലാം എനിക്ക് പൊറുത്തു നൽകേണമേ!
ഹദീഥിൻ്റെ പാഠങ്ങളിൽ നിന്ന്
- ഇബ്നുൽ ഖയ്യിം (رحمه الله) പറയുന്നു: "ചെറുതും വലുതുമായ തിന്മകളിൽ നിന്നും, അതിസൂക്ഷ്മമായതും പ്രകടമായതുമായ തിന്മകളിൽ നിന്നും, അവയുടെ ആരംഭത്തിൽ നിന്നും അവസാനത്തിൽ നിന്നും, പരസ്യമായ പാപങ്ങളിൽ നിന്നും രഹസ്യമായ പാപങ്ങളിൽ നിന്നുമെല്ലാം പാപമോചനം തേടുന്ന ഈ പ്രാർത്ഥനയിലെ രീതി എല്ലാ തിന്മകളെയും വിശാലമായി ഉൾക്കൊള്ളുന്ന വിധത്തിൽ അല്ലാഹുവിനോട് പാപമോചനം തേടുക എന്ന ഉദ്ദേശ്യത്തിലാണ്. അവന് അറിയുന്നതും അറിയാത്തതുമായ എല്ലാ തിന്മകളും അല്ലാഹു പൊറുത്തു നൽകണമെന്നാണ് അതിലൂടെ അവൻ തേടുന്നത്."
- ചില പണ്ഡിതന്മാർ പറഞ്ഞു: സൂക്ഷ്മമായ തിന്മകൾ പറഞ്ഞ ശേഷം പ്രകടമായ തിന്മകൾ പറഞ്ഞത് ചെറിയ തിന്മകളിൽ നിന്നുള്ള പശ്ചാത്താപത്തിന് ശേഷം വലിയ തിന്മകളിലേക്ക് കയറിപ്പോവുക എന്ന ഉദ്ദേശ്യത്തോടെയാണ്. കാരണം, ചെറുപാപങ്ങളിൽ തുടർന്നു പോകുന്നതിൽ നിന്നും അവ തീരെ ഗൗരവമായി കാണാത്തിടത്ത് നിന്നുമെല്ലാമാണ് വൻപാപങ്ങൾ ഉടലെടുക്കുന്നത്. വൻപാപങ്ങളിലേക്കുള്ള മാർഗമാണ് -ഒരു നിലക്ക് പറഞ്ഞാൽ- ചെറുപാപങ്ങൾ. അല്ലാഹുവിലേക്ക് സാമീപ്യം തേടുമ്പോൾ ആദ്യമാദ്യമുള്ളത് തീർത്ത്, നിലമുറപ്പിച്ച ശേഷം ഉയരുക എന്നതാണ് വേണ്ടത്."
- അല്ലാഹുവിലേക്ക് വിനയാന്വിതരായി മടങ്ങിക്കൊണ്ട്, അവനോട് എല്ലാ പാപങ്ങളിൽ നിന്നും -ചെറുപാപങ്ങളിൽ നിന്നും വൻപാപങ്ങളിൽ നിന്നും- പൊറുക്കലിനെ തേടുകയും ചെയ്യേണ്ട ആവശ്യകത.
- നവവി (رحمه الله) പറയുന്നു: "പ്രാർത്ഥന ഊന്നിപ്പറയുകയും, പൊതുവായ പദപ്രയോഗത്തിലൂടെ തേടുന്നതെല്ലാം ഉൾക്കൊള്ളിച്ചെങ്കിൽ കൂടി കൂടുതൽ പദങ്ങളിലൂടെ അക്കാര്യം വീണ്ടും തെളിച്ചു പറയുക എന്ന രീതി ഈ ഹദീഥിലുണ്ട്."
വിഭാഗങ്ങൾ
കൂടുതൽ
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.
- ഹദീസ്: കുടുംബബന്ധം മുറിക്കുന്നവൻ സ്വർഗത്തിൽ പ്രവേശിക്കുകയില്ല.
- ഹദീസ്: കടുത്ത താർക്കികനായുള്ള വ്യക്തിയാണ് അല്ലാഹുവിന് ഏറ്റവും കോപമുള്ളയാൾ.
- ഹദീസ്: ആരെങ്കിലും തന്റെ സഹോദരന്റെ അഭിമാനത്തെ പ്രതിരോധിച്ചാൽ അന്ത്യനാളിൽ അല്ലാഹു അവന്റെ മുഖത്തെ നരകത്തിൽ നിന്ന് തടുക്കുന്നതാണ്.